ဟေ​ရှာ​ယ 57:7

Judson Bible

မြင့်​လှ​သော တောင်​ကြီး​ပေါ်​မှာ သင်၏​ခု​တင်​ကို​ထား​ပြီး​လျှင်၊ ထို​အ​ရပ်​သို့​တက်၍ ယဇ်​ပူ​ဇော်​တတ်၏။

ပူးပေါင်းရင်းမြစ်များ

ဟေ​ရှာ​ယ 57:3

စုန်း​မ​သား၊ မျောက်​မ​ထား​သော မိန်း​မ​သား၊ ပြည့်​တန်​ဆာ​မ​သား​တို့၊ ချဉ်း​ကပ်​ကြ​လော့။

ဟေ​ရှာ​ယ 65:7

သင်​တို့၏ ဒု​စ​ရိုက်​အ​ပြစ်​ကို​လည်း​ကောင်း၊ တောင်​ပေါ်​မှာ လော​ဗန်​ကို မီး​ရှို့၍၊ ကုန်း​ပေါ်​မှာ ငါ့​ကို​ကဲ့​ရဲ့​သော သင်​တို့​ဘိုး​ဘေး၏ ဒု​စ​ရိုက်​အ​ပြစ်​ကို​လည်း​ကောင်း သင်​တို့​ရင်​ခွင်၌ ငါ​ဆပ်​ပေး​မည်။ အ​ကယ်​စင်​စစ် သူ​တို့​ပြု​ဖူး​သော အ​ကျင့်​တို့၏​အ​ကျိုး​အ​ပြစ်​ကို သူ​တို့​ရင်​ခွင်၌ ငါ​ခြင်၍​ပေး​မည်​ဟု၊ ထာ​ဝ​ရ​ဘု​ရား မိန့်​တော်​မူ၏။

ယေ​ရ​မိ 2:20

ရှေး​ကာ​လ၌ သင်​ထမ်း​ရ​သော​ထမ်း​ပိုး၊ သင်၌​ချည်​သော နှောင်​ဖွဲ့​ခြင်း​ကို ငါ​ချိုး​ချွတ်၍ သင်​က၊ အ​ကျွန်ုပ်​သည် မ​မှား​ယွင်း​ဘဲ​နေ​ပါ​မည်​ဟု က​တိ​ထား​သော်​လည်း၊ မြင့်​သော​တောင်​ရှိ​သ​မျှ အ​ပေါ်၌​လည်း​ကောင်း၊ စိမ်း​သော​သစ်​ပင်​ရှိ​သ​မျှ အောက်၌​လည်း​ကောင်း၊ ကိုယ်​ကို​ချ၍ ပြည့်​တန်​ဆာ​လုပ်​လေ၏။

ယေ​ရ​မိ 3:2

မြင့်​သော​အ​ရပ်​များ​ကို မျှော်​ကြည့်၍၊ လင်​မ​နေ​ဖူး​သော​အ​ရပ် တစ်​စုံ​တစ်​ခု​ကို​ရှာ​လော့။ အာ​ရပ်​လူ​သည် တော၌​စောင့်​သ​ကဲ့​သို့၊ သင်​သည် လမ်း​တို့၌​စောင့်​နေ၍၊ မ​တ​ရား​သော မေ​ထုန်​အား​ဖြင့်​လည်း​ကောင်း၊ အ​ဓ​မ္မ​အ​မှု​အား​ဖြင့်​လည်း​ကောင်း ပြည်​ကို ညစ်​ညူး​စေ​ပြီ။

ယေ​ရ​မိ 3:6

ယော​ရှိ​မင်း​ကြီး​လက်​ထက်၊ ထာ​ဝ​ရ​ဘု​ရား​သည် ငါ့​အား မိန့်​တော်​မူ​သည်​ကား၊ ဖောက်​ပြန်​သော ဣ​သ​ရေ​လ​အ​မျိုး ပြု​သော​အ​မှု​ကို သင်​မြင်​ပြီ​လော။ မြင့်​သော​တောင်​ရှိ​သ​မျှ အ​ပေါ်​သို့​တက်၍​လည်း​ကောင်း၊ စိမ်း​သော​သစ်​ပင်​ရှိ​သ​မျှ အောက်၌​လည်း​ကောင်း ပြည့်​တန်​ဆာ​လုပ်​လေ​ပြီ။

ယေ​ဇ​ကျေ​လ 16:16

သင်၏​အ​ဝတ်​ကို​လည်း​ယူ၍၊ မြင့်​သော​အ​ရပ်​တို့​ကို ထူး​ခြား​သော အ​ဆင်း​အ​ရောင်​နှင့် ဆင်​ပြင်၍၊ တစ်​ခါ​မျှ​မ​မြင်​စ​ဖူး၊ နောက်၌​လည်း မ​ဖြစ်​လ​တ္တံ့​သော​အ​မှု၊ မ​တ​ရား​သော​မေ​ထုန်​ကို ထို​အ​ရပ်၌ ပြု​လေ​ပြီ။

ယေ​ဇ​ကျေ​လ 16:24

ကိုယ်​နေ​ဖို့ ကု​ဋီ​တိုက်​ကို​တည်၍ လမ်း​ရှိ​တိုင်း မြင့်​သော​အ​ရပ်​ကို လုပ်​လေ၏။

ယေ​ဇ​ကျေ​လ 16:25

သင်​သည် မြင့်​သော​အ​ရပ်​ကို လမ်း​ဦး​တိုင်း​လုပ်၍၊ ကိုယ်​လှ​သော​အ​ဆင်း​ကို ရွံ​ရှာ​ဖွယ်​ဖြစ်​သည်​တိုင်​အောင်​ပြု​လျက်၊ ခ​ရီး​သွား​သော​သူ​အ​ပေါင်း​တို့​အား ပေါင်​တို့​ကို​ခွာ​ဖွင့်၍၊ မ​တ​ရား​သော​မေ​ထုန်​အ​မှု​တို့​ကို များ​ပြား​စေ၏။

ယေ​ဇ​ကျေ​လ 23:17

ဗာ​ဗု​လုန်​မြို့​သား​တို့​သည် သူ​နှင့် သံ​ဝါ​သ​ပြု​ရာ​ခု​တင်​သို့ လာ၍၊ မ​တ​ရား​သော​မေ​ထုန်​ကို​ပြု​သော​အား​ဖြင့် ညစ်​ညူး​စေ​ကြ၏။ သူ​သည်​လည်း ထို​သူ​တို့​ကို ရွံ​ရှာ​သည်​တိုင်​အောင် ညစ်​ညူး​ခြင်း​ကို ခံ​လေ၏။

ယေ​ဇ​ကျေ​လ 23:41

အ​သ​ရေ​ရှိ​သော ခု​တင်​ပေါ်၌​ထိုင်၍၊ ငါ့​နံ့​သာ​ပေါင်း​နှင့် ငါ့​ဆီ​ကို တင်​သော​စား​ပွဲ​ကို ခု​တင်​ရှေ့​မှာ ခင်း​လေ၏။

ယေ​ဇ​ကျေ​လ 6:13

ရုပ်​တု​ဆင်း​တု​အ​ပေါင်း​တို့​အား နံ့​သာ​ပေါင်း​ကို ပူ​ဇော်​ရာ​အ​ရပ်၊ ယဇ်​ပ​လ္လင်​များ​ပတ်​လည်၊ မြင့်​သော​ကုန်း၊ တောင်​ထိပ်​ရှိ​သ​မျှ​တို့​အ​ပေါ်၊ စိမ်း​သော​သစ်​ပင်၊ အ​ရိပ်​ကောင်း​သော သ​ပိတ်​ပင်​ရှိ​သ​မျှ​တို့ အောက်၌၊ ရုပ်​တု​ဆင်း​တု​တို့​တွင် သူ​ရဲ​တို့​သည်​လဲ၍ သေ​လျက်​ရှိ​ကြ​သော​အ​ခါ၊ ငါ​သည် ထာ​ဝ​ရ​ဘု​ရား​ဖြစ်​ကြောင်း​ကို သိ​ရ​ကြ​လိမ့်​မည်။