ဟေ​ရှာ​ယ 22:11

Judson Bible

ရေ​ကန်​ဟောင်း​မှ ထွက်​သော​ရေ စု​ဝေး​ရာ​ကို​လည်း၊ မြို့​ရိုး​နှစ်​ထပ်​စပ်​ကြား​တွင် လုပ်​ကြ​လိမ့်​မည်။ သို့​ရာ​တွင်၊ ဤ​အ​မှု​ကို စီ​ရင်​တော်​မူ​သော​သူ​ကို သင်​တို့​သည် မ​ကြည့်​မ​မှတ်​တတ်​ကြ။ ရှေး​က​ဖန်​ဆင်း​တော်​မူ​သော​သူ​ကို ပ​မာ​ဏ​မ​ပြု​တတ်​ကြ။

ပူးပေါင်းရင်းမြစ်များ

၄ ရာ 20:20

ဟေ​ဇ​ကိ​ပြု​မူ​သော​အ​မှု​အ​ရာ​ကြွင်း​လေ​သ​မျှ​တို့​နှင့် တန်​ခိုး​ကြီး​ခြင်း၊ ရေ​ကန်​နှင့် ရေ​ပြွန်​ကို​လုပ်၍ မြို့​ထဲ​သို့​ရေ​ကို ဆောင်​ခြင်း​အ​ရာ​တို့​သည် ယု​ဒ​ရာ​ဇ​ဝင်၌​ရေး​ထား​လျက်​ရှိ၏။

၄ ရာ 25:4

ခါ​လ​ဒဲ လူ​တို့​သည် မြို့​ရိုး​ကို​ဖြို​ဖောက်၍ မြို့​ကို​လည်း ဝိုင်း​နေ​သော​ကြောင့်၊ မြို့​သား​စစ်​သူ​ရဲ​အ​ပေါင်း​တို့​သည် ည​အ​ခါ​ပြေး၍ မြို့​ရိုး​နှစ်​ထပ်​စပ်​ကြား ဥ​ယျာဉ်​တော်​နား တံ​ခါး​ဝ​ဖြင့်​ထွက်​ပြီး​မှ လွင်​ပြင်​သို့​သွား​ကြ၏။

နေ​ဟ​မိ 3:16

သူ့​နောက်​မှ ဗက်​ဇု​ရ​မြို့​တစ်​ပိုင်း​ကို​အုပ်​သော အာ​ဇ​ဗုတ်​သား နေ​ဟ​မိ​သည်၊ ဒါ​ဝိဒ်​သင်္ချိုင်း တစ်​ဖက်​တစ်​ချက်​မှ​စ၍၊ နောက်​လုပ်​သော ရေ​ကန်​နှင့် ဗိုလ်​မင်း​အိမ်​တိုင်​အောင် ပြင်၏။

ဟေ​ရှာ​ယ 17:7

ထို​ကာ​လ၌ လူ​သည် မိ​မိ​ကို ဖန်​ဆင်း​တော်​မူ​သော အ​ရှင်​ကို ရည်​မှတ်၍၊ ဣ​သ​ရေ​လ​အ​မျိုး၌ သန့်​ရှင်း​တော်​မူ​သော​ဘု​ရား​ကို ဖူး​မျှော်​ရ​လိမ့်​မည်။

ဟေ​ရှာ​ယ 22:10

ယေ​ရု​ရှ​လင်​မြို့၌​ရှိ​သော အိမ်​များ​ကို ရေ​တွက်​ကြ​လိမ့်​မည်။ မြို့​ရိုး​ကို​ပြု​ပြင်​လို​သော​ငှာ၊ အိမ်​များ​ကို ဖြို​ဖျက်​ကြ​လိမ့်​မည်။

ဟေ​ရှာ​ယ 31:1

စစ်​ကူ​တောင်း​အံ့​သော​ငှာ အဲ​ဂု​တ္တု​ပြည်​သို့​သွား၍၊ မြင်း​တို့​ကို အ​မှီ​ပြု​လျက် များ​စွာ​သော ရ​ထား​တို့​ကို​လည်း​ကောင်း၊ အား​ကြီး​သော မြင်း​စီး​သူ​ရဲ​တို့​ကို​လည်း​ကောင်း ခို​လှုံ​လျက်၊ ဣ​သ​ရေ​လ​အ​မျိုး၏​သန့်​ရှင်း​သော​ဘု​ရား​ကို မ​မျှော်​လင့်၊ ထာ​ဝ​ရ​ဘု​ရား​ကို မ​ရှာ​ဘဲ​နေ​သော​သူ​တို့​သည် အ​မင်္ဂ​လာ​ရှိ​ကြ၏။

ဟေ​ရှာ​ယ 37:26

ငါ​သည်​အ​ထက်​က ဤ​အ​မှု​ကို စီ​ရင်​ကြောင်း​နှင့်၊ ရှေး​ကာ​လ၌ ပြု​ပြင်​ကြောင်း​ကို သင်​သည် မ​ကြား​သ​လော။ ယ​ခု​မှာ​လည်း သင်​သည် ခိုင်​ခံ့​သော​မြို့​တို့​ကို ဖျက်​ဆီး၍၊ ကျောက်​ပုံ ဖြစ်​စေ​သော​သူ ဖြစ်​မည်​အ​ကြောင်း ငါ​စီ​ရင်​ခန့်​ထား​လေ​ပြီ။

ဟေ​ရှာ​ယ 7:3

ထို​အ​ခါ ထာ​ဝ​ရ​ဘု​ရား​သည် ဟေ​ရှာ​ယ​ကို မိန့်​တော်​မူ​သည်​ကား၊ သင်​သည်​သင်၏​သား ရှာ​ယာ​ရှုပ်​နှင့် အ​တူ​သွား၍၊ ခ​ဝါ​သည်၏ လယ်​နား​မှာ​လျှောက်​သော​လမ်း၊ အ​ထက်​ရေ​ကန်​ပြွန်​ဝ၌ အာ​ခတ်​မင်း​ကို ကြို​ဆို၍​တွေ့​လျှင်၊ ဆင့်​ဆို​ရ​မည်​မှာ၊

ဟေ​ရှာ​ယ 8:17

ယာ​ကုပ်​အ​မျိုး​သား​တို့​တွင် မျက်​နှာ​တော်​ကို ကွယ်​ထား​တော်​မူ​သော ထာ​ဝ​ရ​ဘု​ရား​ကို ငါ​သည် ဆိုင်း​ငံ့​လျက် မျှော်​လင့်​မည်။

ယေ​ရ​မိ 39:4

ယု​ဒ​ရှင်​ဘု​ရင်​ဇေ​ဒ​ကိ​မင်း​နှင့် စစ်​သူ​ရဲ​အ​ပေါင်း​တို့​သည် ထို​လူ​များ​ကို​မြင်​လျှင်၊ ည​အ​ခါ​ပြေး၍ ဥ​ယျာဉ်​တော်​လမ်း​ကို​လိုက်​လျက်၊ မြို့​ရိုး​နှစ်​ထပ်​စပ်​ကြား တံ​ခါး​ဖြင့်​ထွက်​ပြီး​မှ လွင်​ပြင်​သို့​သွား​ကြ၏။

မိက္ခာ 7:7

ငါ​မူ​ကား၊ ထာ​ဝ​ရ​ဘု​ရား​ကို မျှော်​လင့်​မည်။ ငါ့​ကို ကယ်​တင်​တော်​မူ​သော ဘု​ရား​သ​ခင်​ကို ငါ​ခို​လှုံ​မည်။ ငါ၏​ဘု​ရား​သ​ခင်​သည် ငါ့​စ​ကား​ကို နား​ထောင်​တော်​မူ​မည်။