ဟော​ရှေ 4:16

Judson Bible

ဣ​သ​ရေ​လ​အ​မျိုး​သည် ရုန်း​တတ်​သော​နွား​မ​ပျို​ကဲ့​သို့ ဆန့်​ကျင်​ဘက်​ပြု​တတ်၏။ ယ​ခု​မှာ ထာ​ဝ​ရ​ဘု​ရား​သည် ကျယ်​သော​အ​ရပ်၌ သိုး​သ​ငယ်​ကို ထိန်း​သ​ကဲ့​သို့၊ ဣ​သ​ရေ​လ​အ​မျိုး​ကို ပြု​တော်​မူ​မည်။

ပူးပေါင်းရင်းမြစ်များ

ဟေ​ရှာ​ယ 22:18

တ​လိမ့်​လိမ့် လှိမ့်​လျက်၊ လောက်​လွှဲ​စာ​ကဲ့​သို့ ကျယ်​သော​ပြည်​သို့ ပစ်​လိုက်​တော်​မူ​လိမ့်​မည်။ သင်​သည် ထို​ပြည်၌ သေ​ရ​လိမ့်​မည်။ ထို​ပြည်၌​လည်း သင်၏ ကျက်​သ​ရေ​ရ​ထား​တို့​သည်၊ သင့်​အ​ရှင်၏​အ​မျိုး အ​ရှက်​ကွဲ​စ​ရာ​ဖြစ်​ရ​ကြ​လိမ့်​မည်။

ဟေ​ရှာ​ယ 30:23

သင်​သည် လယ်၌​ကြဲ​သော​မျိုး​စေ့​ဖို့ မိုး​ကို ရွာ​စေ​တော်​မူ​လိမ့်​မည်။ မြေ​အ​သီး​အ​နှံ​မှ​ဖြစ်​သော မုန့်​ကို အ​လွန်​ကြွယ်​ဝ​စွာ ပေး​သ​နား​တော်​မူ​လိမ့်​မည်။ ထို​အ​ခါ သင်၏​သိုး​နွား​တို့​သည် ကျယ်​သော​အ​ရပ်၌ ကျက်​စား​ရ​ကြ​လိမ့်​မည်။

ဟေ​ရှာ​ယ 5:17

ထို​အ​ခါ သိုး​သ​ငယ်​တို့​သည် အ​လို​အ​လျောက် ကျက်​စား​ကြ​လိမ့်​မည်။ သူ​ဌေး​သူ​ကြွယ်​ပိုင်​ဖူး၍ လူ​ဆိတ်​ညံ​ရာ​အ​ရပ်၌​လည်း ဧည့်​သည်​တို့​သည် စား​ရ​ကြ​လိမ့်​မည်။

ယေ​ရ​မိ 14:7

အို ထာ​ဝ​ရ​ဘု​ရား၊ အ​ကျွန်ုပ်​တို့၏​အ​ပြစ်​သည် အ​ကျွန်ုပ်​တို့​တစ်​ဖက်၌ သက်​သေ​ခံ​သော်​လည်း၊ နာ​မ​တော်​ကို ထောက်၍ စီ​ရင်​တော်​မူ​ပါ။ အ​ကျွန်ုပ်​တို့​သည် ကြိမ်​ဖန်​များ​စွာ ဖောက်​ပြန်​ပါ​ပြီ။ ကိုယ်​တော်​ကို ပြစ်​မှား​ပါ​ပြီ။

ယေ​ရ​မိ 3:11

တစ်​ဖန် ထာ​ဝ​ရ​ဘု​ရား​သည် ငါ့​အား မိန့်​တော်​မူ​သည်​ကား၊ သ​စ္စာ​ပျက်​သော​ယု​ဒ​သည် ဖောက်​ပြန်​သော​ဣ​သ​ရေ​လ​ထက် အ​ပြစ်​ကြီး၏။

ယေ​ရ​မိ 3:6

ယော​ရှိ​မင်း​ကြီး​လက်​ထက်၊ ထာ​ဝ​ရ​ဘု​ရား​သည် ငါ့​အား မိန့်​တော်​မူ​သည်​ကား၊ ဖောက်​ပြန်​သော ဣ​သ​ရေ​လ​အ​မျိုး ပြု​သော​အ​မှု​ကို သင်​မြင်​ပြီ​လော။ မြင့်​သော​တောင်​ရှိ​သ​မျှ အ​ပေါ်​သို့​တက်၍​လည်း​ကောင်း၊ စိမ်း​သော​သစ်​ပင်​ရှိ​သ​မျှ အောက်၌​လည်း​ကောင်း ပြည့်​တန်​ဆာ​လုပ်​လေ​ပြီ။

ယေ​ရ​မိ 3:8

ဖောက်​ပြန်​သော ဣ​သ​ရေ​လ​သည် မ​တ​ရား​သော​မေ​ထုန်​ကို​ပြု၍၊ မှား​ယွင်း​သော​အ​ပြစ်​များ​ကြောင့်၊ သူ​နှင့်​ငါ​ကွာ၍ ဖြတ်​စာ​ကို အပ်​သော်​လည်း၊ သ​စ္စာ​ပျက်​သော​ညီ​မ ယု​ဒ​သည်​လည်း၊ မ​ကြောက်​ဘဲ​သွား၍၊ ပြည့်​တန်​ဆာ​လုပ်​ကြောင်း​ကို ငါ​မြင်​ရ၏။

ယေ​ရ​မိ 31:18

ဧ​ဖ​ရိမ်​က၊ ကိုယ်​တော်​သည် အ​ကျွန်ုပ်​ကို ဆုံး​မ​တော်​မူ​ပြီ။ အ​ကျွန်ုပ်​သည် ရိုင်း​သော​နွား​လား​ကဲ့​သို့ ဆုံး​မ​ခြင်း​ကို ခံ​ရ​ပါ​ပြီ။ အ​ကျွန်ုပ်​ကို သွေး​ဆောင်​တော်​မူ​ပါ။ သို့​ပြု​လျှင်၊ အ​ကျွန်ုပ်​သည် ပြန်​လာ​ပါ​မည်။ အို ထာ​ဝ​ရ​ဘု​ရား၊ ကိုယ်​တော်​သည် အ​ကျွန်ုပ်၏ ဘု​ရား​သ​ခင် ဖြစ်​တော်​မူ၏။

ယေ​ရ​မိ 5:6

ထို​ကြောင့်၊ တော​မှ​လာ​သော ခြင်္သေ့​သည် သူ​တို့​ကို​သတ်​လိမ့်​မည်။ ညဉ့်​ဦး​ယံ၌ လည်​တတ်​သော တော​ခွေး​သည် သူ​တို့​ကို ကိုက်​စား​လိမ့်​မည်။ ကျား​သစ်​သည် သူ​တို့​မြို့​ကို​စောင့်၍၊ မြို့​ပြင်​သို့ ထွက်​သွား​သော​သူ အ​ပေါင်း​တို့​ကို အ​ပိုင်း​ပိုင်း​ဖြတ်​လိမ့်​မည်။ အ​ကြောင်း​မူ​ကား၊ သူ​တို့​ပြစ်​မှား​သော အ​ပြစ်​များ၍၊ အ​ကြိမ်​ကြိမ် အ​ထပ်​ထပ် ဖောက်​ပြန်​ကြ​ပြီ။

ယေ​ရ​မိ 7:24

သို့​ရာ​တွင်၊ သူ​တို့​သည် နား​မ​ထောင်၊ နား​ကို​မ​လှည့်​ဘဲ ဆိုး​ညစ်​သော​နှ​လုံး ခိုင်​မာ​သည်​နှင့်​အ​ညီ ကျင့်​ကြံ​ပြု​မူ​၍ မျက်​နှာ​မ​ပြု၊ ကျော​ခိုင်း​လျက်​နေ​ကြ​၏။

ယေ​ရ​မိ 8:5

ဤ​လူ​မျိုး​တည်း​ဟူ​သော ယေ​ရု​ရှ​လင်​မြို့​သား​တို့​သည် ထာ​ဝ​ရ​ဖောက်​ပြန်​ခြင်း​အား​ဖြင့် အ​ဘယ်​ကြောင့် ဖောက်​ပြန်​ကြ​သ​နည်း။ မု​သား​ကို စွဲ​လမ်း​ကြ၏။ ငါ​တို့​သည် ပြန်၍​မ​လာ​ဟု ခိုင်​မာ​စွာ​ဆို​ကြ၏။

ဟော​ရှေ 10:11

ဧ​ဖ​ရိမ်​သည် ယဉ်၍ စ​ပါး​ကို နင်း​ချင်​သော နွား​မ​ပျို​ဖြစ်​သော်​လည်း၊ ငါ​သည် ထမ်း​ပိုး​ကို ထမ်း​စေ​သ​ဖြင့်၊ ဧ​ဖ​ရိမ်​သည် က​ခြင်း​ကို​ခံ၍၊ ယု​ဒ​သည် ထွန်​လျက်၊ ယာ​ကုပ်​သည်​လည်း မြေ​စိုင်​ကို​ခွဲ​လျက် ရှိ​ရ​လိမ့်​မည်။

ဟော​ရှေ 11:6

ဓား​ဘေး​သည် သူ့​နေ​ရာ​မြို့​တို့​အ​ပေါ်​သို့ ရောက်၍ မင်း​တို့​ကို ဖျက်​ဆီး​လိမ့်​မည်။ သူ​တို့ ကြံ​စည်​ခြင်း​အား​ဖြင့်​ပင် သုတ်​သင်​ပယ်​ရှင်း​လိမ့်​မည်။

ဟော​ရှေ 11:7

ငါ၏​လူ​တို့​သည် ငါ့​ထံ​မှ​လွှဲ​မြဲ​လွှဲ​ကြ၏။ အ​မြင့်​ဆုံး​သော ဘု​ရား​ထံ​သို့ ခေါ်​သော်​လည်း၊ ထို​ဘု​ရား​ကို အ​ဘယ်​သူ​မျှ မ​ချီး​မြှောက်​လို။

ဝတ်​ပြု 26:33

သာ​သ​နာ​ပ​လူ​တို့​တွင် သင်​တို့​ကို အ​ရပ်​ရပ်​ငါ​ကွဲ​ပြား​စေ၍၊ ဓား​မိုး​လျက်​လိုက်​မည်။ သင်​တို့​ပြည်​သည်​လည်း လူ​ဆိတ်​ညံ​လျက်၊ မြို့​သည်​လည်း ပျက်​စီး​လျက်​ရှိ​လိမ့်​မည်။

ဇာ​ခ​ရိ 7:11

သူ​တို့​သည် နား​မ​ထောင်​ဘဲ လွတ်​အောင်​ရုန်း​ကြ၏။ မ​ကြား​စေ​ခြင်း​ငှာ နား​ကို ပိတ်​ကြ၏။

၁ ရာ 15:11

ငါ​သည် ရှော​လု​ကို ရှင်​ဘု​ရင်​အ​ရာ၌ ခန့်​ထား​သည်​အ​မှု​ကြောင့် နောင်​တ​ရ၏။ သူ​သည် ငါ၏​ပ​ညတ်​တို့​ကို​မ​ကျင့်၊ ငါ့​နောက်​သို့​မ​လိုက်၊ လမ်း​လွှဲ​ပြီ​ဟု မိန့်​တော်​မူ၏။ ရှ​မွေ​လ​သည် ဝမ်း​နည်း၍ တစ်​ည​လုံး ထာ​ဝ​ရ​ဘု​ရား​အား ဟစ်​ကြော်​ပြီး​လျှင်၊