သူ​ကြီး 19:16

Judson Bible

ဂိ​ဗာ​မြို့​သား​တို့​သည် ဗင်္ယာ​မိန်​အ​မျိုး​သား ဖြစ်​ကြ၏။ သို့​ရာ​တွင် တည်း​ခို​သော ဧ​ဖ​ရိမ်​တောင်​သား လူ​အို​တစ်​ယောက်​ရှိ​သည်​ဖြစ်၍၊ ထို​သူ​သည် ညဉ့်​ဦး​ယံ၌ လယ်​လုပ်​ရာ​မှ​လာ​စဉ်၊

ပူးပေါင်းရင်းမြစ်များ

ကမ္ဘာ​ဦး 3:19

သင်​ထွက်​ရာ​မြေ​သို့​မ​ပြန်​မီ​တိုင်​အောင်၊ သင်၏​မျက်​နှာ​မှ​ချွေး​ထွက်​လျက် အ​စာ​ကို​စား​ရ​မည်။ အ​ကြောင်း​မူ​ကား၊ သင်​သည်​မြေ​မှုန့်​ဖြစ်၍ မြေ​မှုန့်​သို့ ပြန်​ရ​မည်​ဟု မိန့်​တော်​မူ၏။

ဆာ​လံ 104:23

လူ​သည်​လည်း လုပ်​ဆောင်​ပြု​မူ​ခြင်း​ငှာ ညဉ့်​ဦး​တိုင်​အောင် ထွက်​သွား​ပါ၏။

ဆာ​လံ 128:2

ထို​သို့​ပြု​လျှင် သင်​သည် မိ​မိ​လက်​နှင့် လုပ်​ဆောင်၍​ရ​သော​အ​စာ​ကို စား​ရ​လိမ့်​မည်။ မင်္ဂ​လာ​ရှိ၍ ကောင်း​စား​ရ​လိမ့်​မည်။

သုတ္တံကျမ်း။ 13:11

လျှပ်​ပေါ်​ခြင်း​အား​ဖြင့် ဥ​စ္စာ​သည်​လျော့​တတ်၏။ ကြိုး​စား​အား​ထုတ်၍ ဆည်း​ပူး​သော​သူ၏​ဥ​စ္စာ​မူ​ကား၊ ပြန့်​ပွား​တတ်၏။

သုတ္တံကျမ်း။ 14:23

ကြိုး​စား၍ လုပ်​လေ​ရာ​ရာ၌ ကျေး​ဇူး​ရှိ၏။ စ​ကား​များ​ခြင်း​အ​ကျိုး​မူ​ကား၊ ဆင်း​ရဲ​ခြင်း​သက်​သက်​တည်း။

သုတ္တံကျမ်း။ 24:27

ပြင်​အ​ရပ်​မှာ သင်၏​အ​လုပ်​ကို ပြင်​လော့။ လယ်​တော၌ ကိုယ်​အ​ဖို့ ပြင်​ဆင်​လော့။ နောက်​မှ သင်၏​နေ​ရာ​အိမ်​ကို ဆောက်​လော့။

ဒေသနာကျမ်း။ 1:13

မိုး​ကောင်း​ကင်​အောက်၌ ပြု​သ​မျှ​တို့​ကို ဉာဏ်​ပ​ညာ​အား​ဖြင့်၊ ရှာ​ဖွေ​စစ်​ဆေး​ခြင်း​ငှာ နှ​လုံး​ထား၏။ လူ​သား​တို့ ကျင်​လည်​ရာ​ဖို့ ထို​ပင်​ပန်း​စေ​သော​အ​မှု​ကို ဘု​ရား​သ​ခင်​ပေး​တော်​မူ​ပြီ။

ဒေသနာကျမ်း။ 5:12

အ​လုပ်​လုပ်​သော​သူ​သည် များ​စွာ​စား​သည် ဖြစ်​စေ၊ အ​နည်း​ငယ်​စား​သည် ဖြစ်​စေ၊ အ​အိပ်​မြိန်​တတ်၏။ ရ​တတ်​သော​သူ၏ စည်း​စိမ်​မူ​ကား၊ စည်း​စိမ်​ရှင်​ကို အ​အိပ်​ပျက်​စေ​တတ်၏။

ဟော​ရှေ 9:9

ဂိ​ဗာ​မြို့ လက်​ထက်​ကဲ့​သို့ သူ​တို့​သည် ကိုယ်​ကို အ​လွန်​ညစ်​ညူး​စေ​ကြ​ပြီ။ သူ​တို့​အ​ပြစ်​ကို အောက်​မေ့၍ ဒု​စ​ရိုက်​များ​ကို စစ်​ကြော​တော်​မူ​မည်။

ဧ​ဖက် 4:28

ခိုး​တတ်​သော​သူ​သည် နောက်​တစ်​ဖန် မ​ခိုး​ဘဲ၊ ဆင်း​ရဲ​သော​သူ​အား ပေး​ကမ်း​ဝေ​ငှ​ရန် ရှိ​စေ​ခြင်း​ငှာ၊ မိ​မိ​လက်​နှင့် ကောင်း​သော​အ​လုပ်​ကို လုပ်​ဆောင်​အား​ထုတ်​စေ။-

၂ သက် 3:10

အ​ဘယ်​သို့​နည်း​ဟူ​မူ​ကား၊ သင်​တို့​နှင့်​အ​တူ​ရှိ​နေ​စဉ်​အ​ခါ၊ အ​လုပ်​မ​လုပ်​ချင်​သော​သူ​မည်​သည်​ကား၊ အ​စာ​ကို​လည်း မ​စား​စေ​နှင့်​ဟု ပ​ညတ်​ထား​ကြ​ပြီ။-

သူ​ကြီး 19:1

ဣ​သ​ရေ​လ​ရှင်​ဘု​ရင် မ​ရှိ​သည်​ကာ​လ၊ ဧ​ဖ​ရိမ်​တောင်​ခါး​ပန်း၌ တည်း​ခို​သော လေ​ဝိ​လူ​တစ်​ယောက်​သည်၊ ယု​ဒ​ခ​ရိုင် ဗက်​လင်​မြို့​သူ မိန်း​မ​တစ်​ယောက်​ကို သိမ်း​ယူ၏။

သူ​ကြီး 19:14

ခ​ရီး​သွား​ပြန်၍ ဗင်္ယာ​မိန်​ခ​ရိုင် ဂိ​ဗာ​မြို့​အ​နီး​သို့ ရောက်​သော​အ​ခါ၊ နေ​ဝင်​လေ၏။

သူ​ကြီး 19:15

ဂိ​ဗာ​မြို့​မှာ ည​ကို​လွန်​စေ​မည်​အ​ကြံ​နှင့် မြို့​ထဲ​သို့​ဝင်၍ အ​ဘယ်​သူ​မျှ ဧည့်​မ​ခံ​သေး​သော​ကြောင့် လမ်း​မှာ​ထိုင်​နေ၏။

သူ​ကြီး 19:17

မျှော်​ကြည့်၍၊ မြို့​လမ်း​မှာ ဧည့်​သည်​တစ်​ယောက်​ရှိ​သည်​ကို မြင်​လျှင်၊ သင်​သည် အ​ဘယ်​အ​ရပ်​သို့ သွား​သ​နည်း၊ အ​ဘယ်​အ​ရပ်​က လာ​သ​နည်း​ဟု မေး​သော်၊