ယေ​ရ​မိ 51:1

Judson Bible

ထာ​ဝ​ရ​ဘု​ရား မိန့်​တော်​မူ​သည်​ကား၊ ဗာ​ဗု​လုန်​မြို့​တစ်​ဖက်၌​လည်း​ကောင်း၊ ငါ၏​ရန်​သူ​တို့​နှင့် ပေါင်း​ဖော်​သော သူ​တို့ တစ်​ဖက်၌​လည်း​ကောင်း၊ ဖျက်​ဆီး​တတ်​သော လေ​ကို ငါ​ထ​စေ​မည်။

ပူးပေါင်းရင်းမြစ်များ

၄ ရာ 19:7

ထို​မင်း၌ အ​ခြား​သော​စိတ်​သ​ဘော​ကို ငါ​သွင်း​ပေး​မည်။ သူ​သည် သ​တင်း​ကြား၍ မိ​မိ​ပြည်​သို့ ပြန်​သွား​လိမ့်​မည်။ ထို​ပြည်၌ ဓား​ဖြင့် ငါ​ဆုံး​စေ​မည်​ဟူ​သော​စ​ကား​တော်​ကို သင်​တို့၏​သ​ခင်​အား ပြန်​ကြား​ကြ​လော့ ဟု​ပြော​ဆို၏။

ဆာ​လံ 137:8

ဖျက်​ဆီး​တတ်​သော ဗာ​ဗု​လုန်​မင်း​သ​မီး၊ သင်​သည် ငါ​တို့၌​ပြု​သည်​အ​တိုင်း၊ သင်၌ အ​ပြစ်​ကို ဆပ်​ပေး​သော​သူ​သည် မင်္ဂ​လာ​ရှိ၏။

ဟေ​ရှာ​ယ 13:13

သို့​ဖြစ်၍၊ ကောင်း​ကင်​ဗိုလ်​ခြေ​အ​ရှင် ထာ​ဝ​ရ​ဘု​ရား၏ ဒေါ​သ​အ​မျက်​တော်​ပြင်း​စွာ​ထွက်​သော​နေ့​ရက်၌၊ မိုး​ကောင်း​ကင်​ကို ငါ​လှုပ်​ရှား​မည်။ မြေ​ကြီး​လည်း မိ​မိ​နေ​ရာ​မှ ရွေ့​ရ​လိမ့်​မည်။

ဟေ​ရှာ​ယ 14:14

မိုး​တိမ်​ထိပ်​ပေါ်​သို့ ငါ​တက်​မည်။ အ​မြင့်​ဆုံး​သော​ဘု​ရား​ကဲ့​သို့ ငါ​နေ​မည်​ဟု စိတ်​အ​ကြံ​ရှိ​လေ​ပြီ။

ဟေ​ရှာ​ယ 21:1

ရေ​လွှမ်း​မိုး​သော​တော​နှင့် ဆိုင်​သော​ဗျာ​ဒိတ်​တော်​ကား၊ တောင်​လေ​မုန်​တိုင်း​တိုက်​သ​ကဲ့​သို့ ကြောက်​မက်​ဖွယ်​သော​ပြည်၊ တော​ကြီး​မှ​လာ၏။

ဟေ​ရှာ​ယ 47:1

အို ဗာ​ဗု​လုန် သ​တို့​သ​မီး​က​ညာ၊ ဆင်း၍ မြေ​မှုန့်၌​ထိုင်​လော့။ အို ခါ​လ​ဒဲ​သ​တို့​သ​မီး၊ ရာ​ဇ​ပ​လ္လင်​မ​ရှိ​ဘဲ မြေ​ပေါ်​မှာ​ထိုင်​လော့။ သင့်​ကို နူး​ညံ့​သိမ်​မွေ့​သော​သူ​ဟူ၍ နောက်​တစ်​ဖန်​မ​ခေါ်​ရ။

ယေ​ရ​မိ 23:19

ထာ​ဝ​ရ​ဘု​ရား၏ လေ​ပွေ​တော်​သည် ပူ​သော​အ​ရှိန်​နှင့် ထွက်၏။ ပြင်း​စွာ​သော လေ​ပွေ​ဖြစ်၍၊ မ​တ​ရား​သော သူ​တို့​ခေါင်း​ပေါ်​မှာ ပြင်း​စွာ​တိုက်​လိမ့်​မည်။

ယေ​ရ​မိ 49:36

အ​ရပ်​လေး​မျက်​နှာ​တို့​က လေ​လေး​မျိုး​ကို ဧ​လံ​ပြည်​သို့ ငါ​ဆောင်​ခဲ့​မည်။ ထို​လေ​တို့​ရှေ့​မှာ ပြည်​သား​များ​ကို ငါ​လွှင့်​မည်။ ထို​သို့​နှင်​ထုတ်​သော ဧ​လံ​ပြည်​သား​မ​ရောက်​သော တိုင်း​နိုင်​ငံ​တစ်​ခု​မျှ​မ​ရှိ​ရ။

ယေ​ရ​မိ 50:21

ပုန်​ကန်​တတ်​သော​ပြည်၊ ဆုံး​မ​အပ်​သော​ပြည်​သား​တို့​ရှိ​ရာ​သို့ စစ်​ချီ​ကြ​လော့။ သုတ်​သင်​ပယ်​ရှင်း၍ သူ​တို့​အ​မျိုး​အ​နွယ်​ကို အ​ကုန်​အ​စင် ဖျက်​ဆီး​ကြ​လော့။ ငါ​မှာ​ထား​သ​မျှ​အ​တိုင်း​ပြု​ကြ​လော့​ဟု ထာ​ဝ​ရ​ဘု​ရား မိန့်​တော်​မူ၏။

ယေ​ရ​မိ 50:24

အို ဗာ​ဗု​လုန်​မြို့၊ သင့်​အ​ဖို့​ကျော့​ကွင်း​ကို ငါ​ထောင်​ထား​သ​ဖြင့်၊ သင်​သည် သ​တိ​လစ်၍​ကျော့​မိ​ပြီ။ ထာ​ဝ​ရ​ဘု​ရား၏​အာ​ဏာ​တော်​ကို ဆန်​သော​ကြောင့်၊ ရန်​သူ​တွေ့၍ တိုက်​ယူ​ပြီ။

ယေ​ရ​မိ 50:29

လေး​သ​မား​တို့​ကို ဗာ​ဗု​လုန်​မြို့​သို့ ခေါ်​ကြ​လော့။ ပစ်​တတ်​သော​သူ​အ​ပေါင်း​တို့၊ မြို့​ပတ်​ဝန်း​ကျင်၌ တပ်​ချ​ကြ​လော့။ မြို့​သူ​မြို့​သား တစ်​ယောက်​ကို​မျှ မ​လွတ်​စေ​နှင့်။ ထို​မြို့​ကျင့်​သော အ​ကျင့်​နှင့်​အ​လျောက် အ​ပြစ်​ပေး​ကြ​လော့။ သူ​ပြု​ဖူး​သ​မျှ​အ​တိုင်း သူ၌​ပြု​ကြ​လော့။ သူ​သည် ဣ​သ​ရေ​လ​အ​မျိုး၏ သန့်​ရှင်း​တော်​မူ​သော​ဘု​ရား၊ ထာ​ဝ​ရ​ဘု​ရား​တစ်​ဖက်၌ ဝါ​ကြွား​ပြီ​တ​ကား။

ယေ​ရ​မိ 50:33

ကောင်း​ကင်​ဗိုလ်​ခြေ​အ​ရှင် ထာ​ဝ​ရ​ဘု​ရား​မိန့်​တော်​မူ​သည်​ကား၊ ဣ​သ​ရေ​လ​အ​မျိုး​သား​တို့​နှင့် တ​ကွ ယု​ဒ​အ​မျိုး​သား​တို့​သည် ညှဉ်း​ဆဲ​ခြင်း​ကို ခံ​ရ​ကြ​ပြီ။ သူ​တို့​ကို သိမ်း​သွား​သော​သူ​ရှိ​သ​မျှ​တို့​သည် ချုပ်​ထား​ပြီး​လျှင်၊ ငါ​တို့​သည် မ​လွှတ်​ဟု ငြင်း​ပယ်​လျက်​နေ​ကြ​ပြီ။

ယေ​ရ​မိ 50:9

အ​ကြောင်း​မူ​ကား၊ မြောက်​မျက်​နှာ​အ​ရပ်၌ ကြီး​စွာ​သော တိုင်း​နိုင်​ငံ​သား​အ​စု​အ​ဝေး​ကို ငါ​နှိုး​ဆော်၍၊ ဗာ​ဗု​လုန်​မြို့​သို့ ဆောင်​ခဲ့​မည်။ သူ​တို့​သည် မြို့​တစ်​ဖက်၌ တပ်​ခင်း​ကျင်း၍ တိုက်​ယူ​ကြ​လိမ့်​မည်။ သူ​တို့​ပစ်​သော​မြား​တို့​သည် လိ​မ္မာ​သော စစ်​သူ​ရဲ၏​မြား​ကဲ့​သို့​ဖြစ်၍ မ​မှန်​ဘဲ​မ​နေ​ရ။

ယေ​ရ​မိ 51:53

ဗာ​ဗု​လုန်​မြို့​သည် မိုး​ကောင်း​ကင်​သို့​တက်၍၊ မြို့​ရိုး​အ​ထွတ်​ကို ခိုင်​ခံ့​စွာ တည်​သော်​လည်း၊ ငါ​စေ​လွှတ်၍ လု​ယူ​သော​သူ​တို့​သည် သူ​ရှိ​ရာ​သို့ ရောက်​ကြ​လိမ့်​မည်​ဟု၊ ထာ​ဝ​ရ​ဘု​ရား မိန့်​တော်​မူ၏။

ယေ​ရ​မိ 51:60

ယု​ဒ​ရှင်​ဘု​ရင်​ဇေ​ဒ​ကိ နန်း​စံ​လေး​နှစ်​တွင်၊ ရှင်​ဘု​ရင်​နှင့်​အ​တူ ဗာ​ဗု​လုန်​မြို့​သို့​လိုက်​သွား​သော၊ မာ​သေ​ယ၏​သား​ဖြစ်​သော နေ​ရိ၏​သား အ​တွင်း​ဝန်​စ​ရာ​ယ​ကို မှာ​ထား​သော​စ​ကား​ဟူ​မူ​ကား၊

ယေ​ဇ​ကျေ​လ 19:12

သို့​ရာ​တွင်၊ ဒေါ​သ​အ​ရှိန်​အား​ဖြင့် နုတ်၍ မြေ​ပေါ်​မှာ လှဲ​ချ​လေ​ပြီ။ အ​ရှေ့​လေ​သည်​တိုက်၍ အ​သီး​ကို ပိန်​ခြောက်​စေ၏။ ခိုင်​ခံ့​သော​တံ​ဖျာ​တို့​သည်​ကျိုး၍ သွေ့​ခြောက်​သ​ဖြင့်၊ မီး​လောင်​ခြင်း​ကို ခံ​ရ​ကြ​ပြီ။

ဟော​ရှေ 13:15

မိ​မိ​ညီ​အစ်​ကို​တို့​တွင် အ​သီး​များ​စွာ သီး​တတ်​သော်​လည်း၊ အ​ရှေ့​လေ​လာ​လိမ့်​မည်။ ထာ​ဝ​ရ​ဘု​ရား၏​လေ​သည် တော​မှ​လာ၍ သူ၏​စမ်း​ရေ​တွင်း​ကို ခန်း​ခြောက်​စေ​သ​ဖြင့် ရေ​ပြတ်​လိမ့်​မည်။ ဘ​ဏ္ဍာ​တိုက်၌ ရှိ​သ​မျှ​သော တန်​ဆာ​အ​ကောင်း​အ​မြတ်​တို့​ကို ရန်​သူ လု​ယူ​လိမ့်​မည်။

အာ​မုတ် 3:6

မြို့​ထဲ​မှာ တံ​ပိုး​မှုတ်​လျှင်၊ မြို့​သား​တို့​သည် မ​ကြောက်​မ​လန့်​ဘဲ​နေ​ကြ​လိမ့်​မည်​လော။ ထာ​ဝ​ရ​ဘု​ရား စီ​ရင်​တော်​မ​မူ​ဘဲ ဘေး​တစ်​စုံ​တစ်​ခု​သည် မြို့​ထဲ​မှာ ရောက်​လိမ့်​မည်​လော။

ဇာ​ခ​ရိ 2:8

ကောင်း​ကင်​ဗိုလ်​ခြေ​အ​ရှင် ထာ​ဝ​ရ​ဘု​ရား မိန့်​တော်​မူ​သည်​ကား၊ သင်​တို့​ကို ဖျက်​ဆီး​သော​လူ​မျိုး​တို့​ရှိ​ရာ​သို့ ဘုန်း​ထင်​ရှား​ပြီး​မှ ငါ့​ကို စေ​လွှတ်​တော်​မူ၏။ သင်​တို့​ကို​ထိ​သော​သူ​သည် မျက်​ဆန်​တော်​ကို ထိ​သော​သူ​ဖြစ်၏။

တမန်တော်ဝတ္ထု 9:4

ရှော​လု​သည် မြေ​ပေါ်​မှာ​လဲ၍​နေ​စဉ်၊ ရှော​လု၊ ရှော​လု၊ အ​ဘယ်​ကြောင့် ငါ့​ကို​ညှဉ်း​ဆဲ​သ​နည်း​ဟု မိ​မိ​အား ပြော​သော​စ​ကား​သံ​ကို ကြား​လျှင်၊-