ယေ​ရ​မိ 4:16

Judson Bible

အ​ပြည်​ပြည်​တို့၌ သ​တင်း​ကြား​ကြ​လော့။ ယေ​ရု​ရှ​လင်​မြို့​ကို​ရည်​မှတ်၍ ကြွေး​ကြော်​ကြ​လော့။ ကင်း​စောင့်​တို့​သည် ဝေး​သော​ပြည်​က လာ၍၊ ယု​ဒ​မြို့​များ​တစ်​ဖက်၌ ထူး​ကြ​လိမ့်​မည်။

ပူးပေါင်းရင်းမြစ်များ

ဟေ​ရှာ​ယ 34:1

အို လူ​မျိုး​တို့၊ သင်​တို့​သည် ကြား​ရ​အံ့​သော​ငှာ ချဉ်း​ကပ်​ကြ​လော့။ အို လူ​စု​တို့၊ နား​ထောင်​ကြ​လော့။ မြေ​ကြီး​နှင့် မြေ​ကြီး၌ ပါ​သ​မျှ​သော​အ​ရာ၊ လော​က​ဓာတ်​နှင့် လော​က​ဓာတ် တန်​ဆာ​ခပ်​သိမ်း​တို့​သည် ကြား​ကြ​ပါ​စေ။

ဟေ​ရှာ​ယ 39:3

ထို​အ​ခါ ပ​ရော​ဖက် ဟေ​ရှာ​ယ​သည် ဟေ​ဇ​ကိ​မင်း​ကြီး​ထံ​တော်​သို့ သွား၍၊ ထို​သူ​တို့​သည် အ​ဘယ်​သို့ ပြော​ကြ​ပါ​သ​နည်း။ အ​ဘယ်​ပြည်​မှ အ​ထံ​တော်​သို့ လာ​ကြ​ပါ​သ​နည်း​ဟု မေး​လျှောက်​သော်၊ ဟေ​ဇ​ကိ​မင်း​က၊ ဝေး​သော​အ​ရပ်၊ ဗာ​ဗု​လုန်​ပြည်​မှ ရောက်​လာ​ကြ​သည်​ဟု ပြန်​ပြော၏။

ယေ​ရ​မိ 1:15

အ​ကြောင်း​မူ​ကား၊ မြောက်​တိုင်း​နိုင်​ငံ​သား အ​မျိုး​မျိုး​အ​ပေါင်း​တို့​ကို ငါ​ခေါ်၍၊ သူ​တို့​သည် လာ​ပြီး​လျှင်၊ ယေ​ရု​ရှ​လင်​မြို့ တံ​ခါး​ဝ​များ​တို့၌​လည်း​ကောင်း၊ မြို့​ရိုး​ပတ်​ဝန်း​ကျင်​အ​ရပ်​ရပ်​တို့၌​လည်း​ကောင်း၊ ယု​ဒ​မြို့​ရွာ​အ​လုံး​စုံ​တို့၌​လည်း​ကောင်း မိ​မိ​တို့ ရာ​ဇ​ပ​လ္လင်​များ​ကို အ​သီး​အ​သီး တည်​ထား​ကြ​လိမ့်​မည်။

ယေ​ရ​မိ 16:6

ပြည်​သူ​ပြည်​သား အ​ကြီး​အ​ငယ်​တို့​သည် သေ​ရ​ကြ​လိမ့်​မည်။ သို့​သော်​လည်း၊ မ​သင်္ဂြိုဟ်​ရ။ သူ​တို့​အ​တွက် မြည်​တမ်း​ခြင်း​ကို မ​ပြု​ရ။ ကိုယ်​ကို​ကိုယ်​ရှ​န​ခြင်း၊ ဆံ​ပင်​ရိတ်​ခြင်း​ကို​လည်း မ​ပြု​ရ။

ယေ​ရ​မိ 2:15

ခြင်္သေ့​တို့​သည် သူ့​ကို​ဟောက်၍ အ​သံ​မြည်​ကြ​ပြီ။ သူ၏​ပြည်​ကို ဖျက်​ဆီး​ကြ​ပြီ။ သူ၏​မြို့​တို့​သည် မီး​လောင်​သော​ကြောင့်၊ အ​ဘယ်​သူ​မျှ မ​နေ​ရ။

ယေ​ရ​မိ 31:10

အို လူ​မျိုး​တို့၊ ထာ​ဝ​ရ​ဘု​ရား၏​အ​မိန့်​တော်​ကို နား​ထောင်​ကြ​လော့။ ဝေး​သော​အ​ရပ်​ရပ်​တို့၌ ကြွေး​ကြော်၍၊ ဣ​သ​ရေ​လ အ​မျိုး​သား​တို့​ကို အ​ရပ်​ရပ်​သို့ ကွဲ​ပြား​စေ​သော​သူ​သည် တစ်​ဖန် စု​သိမ်း​ပြီး​လျှင်၊ သိုး​ထိန်း​သည် မိ​မိ​သိုး​စု​ကို​စောင့်​တတ်​သ​ကဲ့​သို့ စောင့်​တော်​မူ​မည်​ဟု ကြား​ပြော​ကြ​လော့။

ယေ​ရ​မိ 39:1

ယု​ဒ​ရှင်​ဘု​ရင် ဇေ​ဒ​ကိ​မင်း​ကြီး​နန်း​စံ​ကိုး​နှစ် ဒ​သ​မ​လ​တွင်၊ ဗာ​ဗု​လုန်​ရှင်​ဘု​ရင် နေ​ဗု​ခဒ်​နေ​ဇာ​သည် ဗိုလ်​ခြေ​အ​ပေါင်း​တို့​နှင့်​တ​ကွ​လာ၍ ယေ​ရု​ရှ​လင်​မြို့​ကို ဝိုင်း​ထား​ကြ၏။

ယေ​ရ​မိ 4:17

လယ်​ကို​စောင့်​သော​သူ​များ​ကဲ့​သို့၊ ထို​သူ​တို့​သည် ယု​ဒ​ပြည်​ကို ဝန်း​ရံ​ကြ၏။ အ​ကြောင်း​မူ​ကား၊ ထို​ပြည်​သည် ငါ့​ကို​ပုန်​ကန်​ပြီ။

ယေ​ရ​မိ 5:15

ထာ​ဝ​ရ​ဘု​ရား မိန့်​တော်​မူ​သည်​ကား၊ အို ဣ​သ​ရေ​လ​အ​မျိုး၊ သင့်​ကို တိုက်​စေ​ဖို့ လူ​တစ်​မျိုး​ကို ဝေး​သော​အ​ရပ်​က ငါ​ဆောင်​ခဲ့​မည်။ အား​ကြီး​သော​အ​မျိုး၊ ရှေး​ကာ​လ၌ ဖြစ်​ဖူး​သော​အ​မျိုး၊ သူ​တို့​စ​ကား​ကို သင်​မ​သိ နား​မ​လည်​သော​အ​မျိုး ဖြစ်​လိမ့်​မည်။

ယေ​ရ​မိ 5:6

ထို​ကြောင့်၊ တော​မှ​လာ​သော ခြင်္သေ့​သည် သူ​တို့​ကို​သတ်​လိမ့်​မည်။ ညဉ့်​ဦး​ယံ၌ လည်​တတ်​သော တော​ခွေး​သည် သူ​တို့​ကို ကိုက်​စား​လိမ့်​မည်။ ကျား​သစ်​သည် သူ​တို့​မြို့​ကို​စောင့်၍၊ မြို့​ပြင်​သို့ ထွက်​သွား​သော​သူ အ​ပေါင်း​တို့​ကို အ​ပိုင်း​ပိုင်း​ဖြတ်​လိမ့်​မည်။ အ​ကြောင်း​မူ​ကား၊ သူ​တို့​ပြစ်​မှား​သော အ​ပြစ်​များ၍၊ အ​ကြိမ်​ကြိမ် အ​ထပ်​ထပ် ဖောက်​ပြန်​ကြ​ပြီ။

ယေ​ရ​မိ 50:2

လူ​မျိုး​တို့​တွင် သ​တင်း​ကြား​ပြော​ကြ​လော့။ ဝှက်၍​မ​ထား​ဘဲ အ​လံ​ကို​ထူ၍ ကြော်​ငြာ​ကြ​လော့။ ကြား​ပြော​ရ​သော​စ​ကား​ဟူ​မူ​ကား၊ ဗာ​ဗု​လုန်​မြို့​ကို တိုက်​ယူ​ကြ​ပြီ။ ဗေ​လ​ဘု​ရား​သည် အ​ရှက်​ကွဲ​ပြီ။ မေ​ရော​ဒပ်​ဘု​ရား​သည် ကျိုး​ပြီ။ ဗာ​ဗု​လုန် ရုပ်​တု​ဆင်း​တု​တို့​သည် အ​ရှက်​ကွဲ၍ ကျိုး​ပဲ့​လျက်​ရှိ​ကြ၏။

ယေ​ရ​မိ 6:18

သို့​ဖြစ်၍၊ အို တစ်​ပါး​အ​မျိုး​သား​တို့၊ နား​ထောင်​ကြ​လော့။ တစ်​ပါး​အ​မျိုး​သား​တို့​တွင် ရှိ​နေ​သော​ပ​ရိ​သတ်​တို့၊ သိ​မှတ်​ကြ​လော့။

ယေ​ရ​မိ 6:19

အို မြေ​ကြီး​သား​တို့၊ နား​ထောင်​ကြ​လော့။ ဤ​လူ​မျိုး​သည် ငါ့​စ​ကား​ကို နား​မ​ထောင်၊ ငါ့​တ​ရား​ကို​လည်း​ငြင်း​ပယ်​သော​ကြောင့်၊ သူ​တို့​အ​လို​အ​လျောက် ကြံ​စည်​ခြင်း​အ​ကျိုး​အ​ပြစ်​တည်း​ဟူ​သော၊ ကြီး​စွာ​သော ဘေး​ဥ​ပဒ်​ကို၊ သူ​တို့​အ​ပေါ်​သို့ ငါ​သက်​ရောက်​စေ​မည်။

ယေ​ရ​မိ 6:22

ထာ​ဝ​ရ​ဘု​ရား မိန့်​တော်​မူ​သည်​ကား၊ လူ​မျိုး​တစ်​မျိုး​သည် မြောက်​မျက်​နှာ​မှ ပေါ်​လာ​လိမ့်​မည်။ ကြီး​စွာ​သော​လူ​မျိုး​ကို မြေ​ကြီး​စွန်း​မှ ငါ​နှိုး​ဆော်​မည်။

ယေ​ရ​မိ 6:23

လေး​နှင့်​လှံ​တို့​ကို လက်​စွဲ​ကြ၏။ ကြမ်း​ကြုတ်​သော​အ​မျိုး​ဖြစ်၍၊ သ​နား​ခြင်း​က​ရု​ဏာ မ​ရှိ။ သူ​တို့​စ​ကား​သံ​သည် သ​မု​ဒ္ဒ​ရာ​မြည်​သံ​ကဲ့​သို့ ဟုန်း​တတ်၏။ အို ဇိ​အုန်​သ​တို့​သ​မီး၊ စစ်​သူ​ရဲ​ကဲ့​သို့ တပ်​ခင်း​ကျင်း​လျက် မြင်း​စီး၍၊ သင်​ရှိ​ရာ​သို့ ချီ​လာ​ကြ​လိမ့်​မည်။

ယေ​ရ​မိ 8:19

ငါ၏​လူ​မျိုး သ​တို့​သ​မီး​အော်​ဟစ်​သံ​ကို ဝေး​သော​ပြည်​က ကြား​ရ၏။ ထာ​ဝ​ရ​ဘု​ရား​သည် ဇိ​အုန်​မြို့၌ ရှိ​တော်​မ​မူ​သ​လော။ မိ​မိ​ရှင်​ဘု​ရင်​သည် မြို့​ထဲ၌ ရှိ​တော်​မ​မူ​သ​လော။ တစ်​ကျွန်း​တစ်​နိုင်​ငံ​နှ​င့်​ဆိုင်​သော အ​ချည်း​နှီး​အ​ရာ၊ ရုပ်​တု​ဆင်း​တု​အား​ဖြ​င့် သူ​တို့​သည် ငါ့​အ​မျက်​ကို​နှိုး​ဆော်​ခြင်း​ငှာ အ​ဘယ်​ကြော​င့် ပြု​ကြ​သ​နည်း။

ယေ​ဇ​ကျေ​လ 21:22

ဝက်​ခွ​တိုင်၌ တုံး​တို့​ကို ဆွဲ​ထား​စေ​ခြင်း​ငှာ​လည်း​ကောင်း၊ လုပ်​ကြံ​ခြင်း​အ​မှု​ကို​မှာ​ထား​စေ​ခြင်း​ငှာ​လည်း​ကောင်း၊ ကြွေး​ကြော်​အော်​ဟစ် စေ​ခြင်း​ငှာ​လည်း​ကောင်း၊ မြို့တံခါးတစ်ဖက်တစ်ချက်ဝက်ခွတိုင်၌ တုံးတို့ကိုဆွဲထားစေခြင်းငှာလည်းကောင်း၊ မြေရိုးကိုဖို့စေခြင်းငှာလည်းကောင်း၊ ရဲ​တိုက်​ကို ဆောက်​စေ​ခြင်း​ငှာ​လည်း​ကောင်း၊ လက်​ယာ​ဘက်၌ ယေ​ရု​ရှ​လင်​မြို့​အ​ဖို့ ဗေ​ဒင်​တွက်၍ နေ​ရာ​ကျ၏။