ယေ​ရ​မိ 22:22

Judson Bible

သင့်​ကို ကျွေး​မွေး​သော​သူ​အ​ပေါင်း​တို့​ကို လေ​သည် စား​လိမ့်​မည်။ သင်၏​မိတ်​ဆွေ​တို့​ကို ရန်​သူ​တို့​သည် သိမ်း​သွား​ကြ​လိမ့်​မည်။ ထို​အ​ခါ သင်​သည် ကိုယ်​ပြု​သ​မျှ​သော ဒု​စ​ရိုက်​တို့​ကြောင့် အ​မှန်​ရှက်​ကြောက်၍ စိတ်​ပျက်​ခြင်း​ရှိ​လိမ့်​မည်။

ပူးပေါင်းရင်းမြစ်များ

ဟေ​ရှာ​ယ 64:6

အ​ကျွန်ုပ်​တို့​ရှိ​သ​မျှ​သည် စင်​ကြယ်​ခြင်း​မ​ရှိ​ပါ။ ပြု​ဖူး​သ​မျှ​သော ကု​သိုလ်​ကောင်း​မှု​တို့​သည် ညစ်​သော​အ​ဝတ်​နှင့် တူ​ကြ​ပါ၏။ အ​ကျွန်ုပ်​တို့ ရှိ​သ​မျှ​သည် သစ်​ရွက်​ကဲ့​သို့ ညှိုး​နွမ်း​လျက်​ရှိ၍၊ ကိုယ်​အ​ပြစ်​တို့​သည် လေ​ကဲ့​သို့ အ​ကျွန်ုပ်​တို့​ကို တိုက်​သွား​ပါ​ပြီ။

ဟေ​ရှာ​ယ 65:13

ထို​ကြောင့်၊ အ​ရှင်​ထာ​ဝ​ရ​ဘု​ရား မိန့်​တော်​မူ​သည်​ကား၊ ငါ၏​ကျွန်​တို့​သည် စား​ကြ​လိမ့်​မည်။ သင်​တို့​မူ​ကား၊ မွတ်​သိပ်​ကြ​လိမ့်​မည်။ ငါ၏​ကျွန်​တို့​သည် သောက်​ကြ​လိမ့်​မည်။ သင်​တို့​မူ​ကား၊ ရေ​ငတ်​ကြ​လိမ့်​မည်။ ငါ၏​ကျွန်​တို့​သည် ဝမ်း​မြောက်​ကြ​လိမ့်​မည်။ သင်​တို့​မူ​ကား၊ ရှက်​ကြောက်​ကြ​လိမ့်​မည်။

ယေ​ရ​မိ 10:21

အ​ကြောင်း​မူ​ကား၊ သိုး​ထိန်း​တို့​သည် တိ​ရ​စ္ဆာန်​သ​ဘော​ရှိ၍၊ ထာ​ဝ​ရ​ဘု​ရား​ကို​မ​ရှာ​ဖွေ​သော​ကြောင့် အ​ကြံ​မ​မြောက်​ရ​ကြ။ သိုး​စု​အ​ပေါင်း​တို့​သည် အ​ရပ်​ရပ်​သို့ ကွဲ​ပြား​ရ​ကြ၏။

ယေ​ရ​မိ 12:10

များ​စွာ​သော သိုး​ထိန်း​တို့​သည် ငါ့​စ​ပျစ်​ဥ​ယျာဉ်​ကို ဖျက်​ဆီး​ကြ​ပြီ။ ငါ​ရ​ထိုက်​သော​အ​ဖို့​ကို ကျော်​နင်း​ကြ​ပြီ။ ငါ​ရ​ထိုက်​သော နှစ်​သက်​ရာ​အ​ဖို့​ကို လူ​ဆိတ်​ညံ​ရာ​တော​ဖြစ်​စေ​ကြ​ပြီ။

ယေ​ရ​မိ 2:36

သင်​သည် အ​ရပ်​ရပ်​သို့ ပြောင်း​လဲ​ခြင်း​ငှာ၊ အ​ဘယ်​ကြောင့် ဤ​မျှ​လောက်​လှည့်​လည်​သ​နည်း။ အာ​ရှု​ရိ​ပြည်​ကို ရှက်​ကြောက်​သည်​နည်း​တူ၊ အဲ​ဂု​တ္တု​ပြည်​ကို ရှက်​ကြောက်​လိမ့်​မည်။

ယေ​ရ​မိ 2:37

သင်​သည် မိ​မိ​လက်​ကို မိ​မိ​ခေါင်း​ပေါ်​မှာ​တင်​လျက်၊ ထို​ပြည်​မှ အ​မှန်​ထွက်​သွား​ရ​လိမ့်​မည်။ အ​ကြောင်း​မူ​ကား၊ သင်​ခို​လှုံ​သော​အ​ရာ​တို့​ကို ထာ​ဝ​ရ​ဘု​ရား​သည်​ပယ်​တော်​မူ​သော​ကြောင့်၊ ခို​လှုံ၍ အ​ကျိုး​ကို မ​ရ​နိုင်​ရာ။

ယေ​ရ​မိ 2:8

ယဇ်​ပု​ရော​ဟိတ်​တို့​က၊ ထာ​ဝ​ရ​ဘု​ရား​သည် အ​ဘယ်​မှာ​ရှိ​တော်​မူ​သ​နည်း​ဟု မ​မေး​ကြ။ ကျမ်း​တတ်​တို့​သည် ငါ့​ကို​မ​သိ​ကြ။ သင်း​အုပ်​တို့ သည် ငါ့​ကို​ပြစ်​မှား​ကြ၏။ ပ​ရော​ဖက်​တို့​သည် ဗာ​လ​ကို​အ​မှီ​ပြု၍ ဟော​ပြော​လျက်၊ ကျေး​ဇူး​မဲ့​သော​လမ်း​သို့ လိုက်​ကြ၏။

ယေ​ရ​မိ 20:11

သို့​သော်​လည်း၊ ထာ​ဝ​ရ​ဘု​ရား​သည် အား​ကြီး​သော​သူ​ရဲ​ကဲ့​သို့ ငါ့​ဘက်၌ ရှိ​တော်​မူ၏။ ထို​ကြောင့်၊ ငါ့​ကို​ညှဉ်း​ဆဲ​သော သူ​တို့​သည် မ​နိုင်​ဘဲ ထိ​မိ၍ လဲ​ကြ​လိမ့်​မည်။ အ​ကြံ​မ​မြောက်​သော​ကြောင့် အ​လွန်​ရှက်​ကြ​လိမ့်​မည်။ မ​ပြေ​မ​ပျောက်​နိုင်​သော ထာ​ဝ​ရ​ရှက်​ကြောက်​ခြင်း ရှိ​ကြ​လိမ့်​မည်။

ယေ​ရ​မိ 30:14

သင်၏​မိတ်​ဆွေ​ရှိ​သ​မျှ​တို့​သည် သင့်​ကို မေ့​လျော့၍ မ​မေး​မ​ရှာ​ဘဲ နေ​ကြ၏။ သင့်​အ​ပြစ်​သည်​ကြီး၍၊ သင်​ပြု​သော ဒု​စ​ရိုက်​သည် များ​ပြား​သော​ကြောင့်၊ ရန်​သူ​ပေး​တတ်​သော​အ​နာ​နှင့် သင့်​ကို ငါ​နာ​စေ​ပြီ။ ကြမ်း​တမ်း​သော​သူ ပေး​တတ်​သော​ဒဏ်​ကို ငါ​ပေး​ပြီ။

ယေ​ရ​မိ 4:30

သင်​သည် ပျက်​စီး​ခြင်း​သို့​ရောက်​သော​အ​ခါ အ​ဘယ်​သို့ ပြု​လိမ့်​မည်​နည်း။ နီ​မောင်း​သော​အ​ဝတ်​ကို ဝတ်​သော်​လည်း​ကောင်း၊ ရွှေ​တန်​ဆာ​ကို ဆင်​သော်​လည်း​ကောင်း၊ သင်၏​မျက်​နှာ​စုတ်​ပဲ့​သည်​တိုင်​အောင် ဆေး​သုတ်​သော်​လည်း​ကောင်း၊ သင်၏​တင့်​တယ်​ခြင်း​ကို အ​ချည်း​နှီး​ပြ၏။ သင်၏​ရည်း​စား​တို့​သည် သင့်​ကို​စွန့်၍၊ သင်၏​အ​သက်​ကို သတ်​ခြင်း​ငှာ ရှာ​ကြံ​ကြ၏။

ယေ​ရ​မိ 5:13

ပ​ရော​ဖက်​တို့​သည် လေ​သက်​သက် ဖြစ်​ကြ၏။ သူ​တို့၌ နှုတ်​က​ပတ်​တော် မ​ရှိ။ သူ​တို့ ဟော​ပြော​သည်​အ​တိုင်း သူ​တို့​ခံ​ရ​လိမ့်​မည်​ဟု ထာ​ဝ​ရ​ဘု​ရား​ကို ငြင်း​ပယ်​လျက် ဆို​တတ်​ကြ၏။

ယေ​ရ​မိ 7:19

ထို​သို့​ပြု၍ ငါ့​ကို​နှောင့်​ယှက်​ကြ​သ​လော။ မိ​မိ​တို့ မျက်​နှာ​ကို​ဖျက်​မည်​အ​ကြောင်း၊ မိ​မိ​တို့​ကိုယ်​ကို​သာ နှောင့်​ယှက်​ကြ​သည် မ​ဟုတ်​လော​ဟု ထာ​ဝ​ရ​ဘု​ရား မိန့်​တော်​မူ၏။

ဟော​ရှေ 12:1

ဧ​ဖ​ရိမ်​သည် လေ​ကို ကျက်​စား​တတ်၏။ အ​ရှေ့​လေ​ကို လိုက်​တတ်၏။ နေ့​တိုင်း မု​သား​စ​ကား​နှင့် ပျက်​စီး​ခြင်း​အ​ကြောင်း​တို့​ကို များ​ပြား​စေ​တတ်၏။ အာ​ရှု​ရိ​လူ​တို့​နှင့် မိတ်​သ​ဟာ​ယ​ဖွဲ့​လျက်​နှင့်​ပင်၊ အဲ​ဂု​တ္တု​ပြည်​သို့ ဆီ​ကို ယူ​သွား​တတ်၏။

ဟော​ရှေ 13:15

မိ​မိ​ညီ​အစ်​ကို​တို့​တွင် အ​သီး​များ​စွာ သီး​တတ်​သော်​လည်း၊ အ​ရှေ့​လေ​လာ​လိမ့်​မည်။ ထာ​ဝ​ရ​ဘု​ရား၏​လေ​သည် တော​မှ​လာ၍ သူ၏​စမ်း​ရေ​တွင်း​ကို ခန်း​ခြောက်​စေ​သ​ဖြင့် ရေ​ပြတ်​လိမ့်​မည်။ ဘ​ဏ္ဍာ​တိုက်၌ ရှိ​သ​မျှ​သော တန်​ဆာ​အ​ကောင်း​အ​မြတ်​တို့​ကို ရန်​သူ လု​ယူ​လိမ့်​မည်။

ဟော​ရှေ 4:19

လေ​သည် မိ​မိ​အ​တောင်​တို့​နှင့်​တိုက်၍ ပါ​သွား​မည်။ သူ​တို့​သည် မိ​မိ​တို့​ပူ​ဇော်​သော​ယဇ်​များ​ကြောင့် ရှက်​ကြ​လိမ့်​မည်။

ဇာ​ခ​ရိ 11:17

သိုး​စု​ကို စွန့်​ပစ်​သော အ​ချည်း​နှီး​သိုး​ထိန်း​သည် အ​မင်္ဂ​လာ ရှိ​စေ​သ​တည်း။ သူ၏​လက်​ရုံး​နှင့် လက်​ယာ​မျက်​စိ၌ ဓား​ဘေး ရောက်​လိမ့်​မည်။ လက်​ရုံး​သည် အ​ကုန်​အ​စင် ခြောက်​ကပ်​လိမ့်​မည်။ လက်​ယာ​မျက်​စိ​သည် အ​ကုန်​အ​စင်​မိုက်​လိမ့်​မည်​ဟု မိန့်​တော်​မူ၏။

ဇာ​ခ​ရိ 11:8

သိုး​ထိန်း​သုံး​ယောက်​ကို​လည်း တစ်​လ​တွင် ငါ​ပယ်​ဖြတ်၏။ သူ​တို့​ကြောင့် ငါ့​စိတ်​ငြီး​ငွေ့၏။ သူ​တို့​သည်​လည်း ငါ့​ကို ရွံ​ရှာ​ကြ၏။