ယေ​ဇ​ကျေ​လ 43:20

Judson Bible

နွား​အ​သွေး​အ​ချို့​ကို​ယူ၍ ယဇ်​ပ​လ္လင်​ဦး​ချို လေး​ချောင်း၊ အ​ထစ်​လေး​ထောင့်၊ အ​နား​ပတ်​ကို​လူး​သော​အား​ဖြင့် သန့်​ရှင်း​စင်​ကြယ်​စေ​ရ​မည်။

ပူးပေါင်းရင်းမြစ်များ

ထွက်​မြောက် 29:12

အ​သွေး​ကို​ယူ၍ ယဇ်​ပ​လ္လင်​ဦး​ချို​တို့၌ လက်​ညှိုး​နှင့်​ထည့်​ပြီး​မှ၊ ကြွင်း​သော​အ​သွေး​ကို ယဇ်​ပ​လ္လင်​ခြေ​ရင်း​နား၌ သွန်​ရ​မည်။

ထွက်​မြောက် 29:36

ထို​မှ​တစ်​ပါး၊ အ​ပြစ်​ဖြေ​ခြင်း​အ​လို​ငှာ၊ နေ့​တိုင်း နွား​ထီး​တစ်​ကောင်​ကို​ပူ​ဇော်၍၊ အ​ပြစ်​ဖြေ​ရာ​ယဇ်​ပြု​ရ​မည်။ ထို​သို့​ယဇ်​ပ​လ္လင်​ဖို့ အ​ပြစ်​ဖြေ​ခြင်း​ကို​ပြု​ပြီး​မှ၊ ပ​လ္လင်​ကို စင်​ကြယ်​စေ​ရ​မည်။ ထို​နောက် သန့်​ရှင်း​စေ​ခြင်း​ငှာ ဆီ​နှင့်​လိမ်း​ရ​မည်။

ထွက်​မြောက် 29:37

ခု​နစ်​ရက်​ပတ်​လုံး ယဇ်​ပ​လ္လင်​ဖို့ အ​ပြစ်​ဖြေ​ခြင်း​ကို​ပြု၍ သန့်​ရှင်း​စေ​ပြီး​မှ၊ အ​လွန်​သန့်​ရှင်း​သော​ယဇ်​ပ​လ္လင်​ဖြစ်၍၊ ထို​ပ​လ္လင်​နှင့် တွေ့​သ​မျှ​သော​အ​ရာ​တို့​သည် သန့်​ရှင်း​သော​အ​ရာ​ဖြစ်​ရ​မည်။

ယေ​ဇ​ကျေ​လ 43:14

အောက်​အ​ထစ်​သည် မြေ​နှင့်​နှစ်​တောင်​ကွာ၍ အ​ကျယ်​တစ်​တောင်​ရှိ​ရ​မည်။ ငယ်​သော​အ​ထစ်​နှင့် ကြီး​သော​အ​ထစ်​သည် လေး​တောင်​ကွာ၍ အ​ကျယ်​တစ်​တောင် ရှိ​ရ​မည်။

ယေ​ဇ​ကျေ​လ 43:22

ဒု​တိ​ယ​နေ့၌​လည်း အ​ပြစ်​မ​ရှိ​သော ဆိတ်​သ​ငယ်​ကို​ယူ၍၊ အ​ပြစ်​ဖြေ​ရာ​ယဇ်​ဖို့ ပူ​ဇော်​ရ​မည်။ ယဇ်​ပ​လ္လင်​ကို နွား​အ​သွေး​နှင့် သန့်​ရှင်း​စေ​သ​ကဲ့​သို့ ဆိတ်​အ​သွေး​နှင့် သန့်​ရှင်း​စေ​ရ​မည်။

ယေ​ဇ​ကျေ​လ 43:26

ခု​နစ်​ရက်​ပတ်​လုံး ယဇ်​ပ​လ္လင်​ကို သန့်​ရှင်း​စင်​ကြယ်​စေ၍၊ ကိုယ်​ကို​လည်း ယဇ်​ပု​ရာ​ဟိတ်​အ​ရာ၌ ခန့်​ထား​ရ​ကြ​မည်။

ယေ​ဇ​ကျေ​လ 45:18

အ​ရှင်​ထာ​ဝ​ရ​ဘု​ရား မိန့်​တော်​မူ​သည်​ကား၊ ပ​ထ​မ​လ တစ်​ရက်​နေ့​တွင်၊ အ​ပြစ်​မ​ပါ၊ အ​သက်​ပျို​သော နွား​ထီး​တစ်​ကောင်​ကို​ယူ၍ သန့်​ရှင်း​ရာ​ဌာ​န​ကို စင်​ကြယ်​စေ​ရ​မည်။

ယေ​ဇ​ကျေ​လ 45:19

ယဇ်​ပု​ရော​ဟိတ်​သည် အ​ပြစ်​ဖြေ​ရာ​ယဇ်​ကောင် အ​သွေး​အ​ချို့​ကို​ယူ၍ အိမ်​တော်​တိုင်၌​လည်း​ကောင်း၊ ယဇ်​ပ​လ္လင် အောက်​ထစ် လေး​ထောင့်၌​လည်း​ကောင်း၊ အ​တွင်း​တံ​တိုင်း တံ​ခါး​တိုင်၌​လည်း​ကောင်း ထည့်​ရ​မည်။

ဝတ်​ပြု 16:18

နောက်​တစ်​ဖန် ထာ​ဝ​ရ​ဘု​ရား​ရှေ့​တော် ယဇ်​ပ​လ္လင်​သို့​ထွက်​လာ၍ ထို​ပ​လ္လင်​အ​ဖို့ အ​ပြစ်​ဖြေ​ခြင်း​ကို​ပြု​အံ့​သော​ငှာ၊ နွား​အ​သွေး၊ ဆိတ်​အ​သွေး​ကို​ယူ၍ ယဇ်​ပ​လ္လင်​ပတ်​လည် ဦး​ချို​တို့၌​ထည့်​ရ​မည်။

ဝတ်​ပြု 16:19

ယဇ်​ပ​လ္လင်​အ​ပေါ်၌​လည်း ထို​အ​သွေး​ကို​လက်​ညှိုး​နှင့် ခု​နစ်​ကြိမ်​တိုင်​အောင်​ဖျန်း၍ ဣ​သ​ရေ​လ​အ​မျိုး​သား​တို့၏ မ​စင်​ကြယ်​သော​အ​ပြစ်​မှ စင်​ကြယ်​သန့်​ရှင်း​စေ​ရ​မည်။

ဝတ်​ပြု 4:25

ယဇ်​ပု​ရော​ဟိတ်​သည် ထို​အ​ပြစ်​ဖြေ​ရာ​ယဇ်၏​အ​သွေး​ကို လက်​ညှိုး​နှင့်​ယူ၍ မီး​ရှို့​ရာ ယဇ်​ပ​လ္လင်​ဦး​ချို​တို့၌​ထည့်​ပြီး​မှ၊ ကြွင်း​သော​အ​သွေး​ကို ထို​ပ​လ္လင်​ခြေ​ရင်း​နား၌ သွန်​ရ​မည်။

ဝတ်​ပြု 4:30

ယဇ်​ပု​ရော​ဟိတ်​သည် အ​သွေး​ကို​လက်​ညှိုး​နှင့်​ယူ၍ မီး​ရှို့​ရာ​ယဇ်​ပ​လ္လင် ဦး​ချို​တို့၌​ထည့်​ပြီး​မှ၊ ကြွင်း​သော​အ​သွေး​ကို ယဇ်​ပ​လ္လင်​ခြေ​ရင်း​နား၌ သွန်​ရ​မည်။

ဝတ်​ပြု 4:34

ယဇ်​ပု​ရော​ဟိတ်​သည်၊ ထို​ယဇ်​ကောင်​အ​သွေး​ကို လက်​ညှိုး​နှင့်​ယူ၍ မီး​ရှို့​ရာ​ယဇ်​ပ​လ္လင်​ဦး​ချို​တို့၌ ထည့်​ပြီး​မှ ဖျန်း​သော​အ​သွေး​ကို ထို​ပ​လ္လင်​ခြေ​ရင်း​နား၌ သွန်​ရ​မည်။

ဝတ်​ပြု 8:14

ထာ​ဝ​ရ​ဘု​ရား​မှာ​ထား​တော်​မူ​သည်​အ​တိုင်း၊ အ​ပြစ်​ဖြေ​ရာ​ယဇ်​ဖို့ နွား​ထီး​ကို​ဆောင်​ခဲ့၍၊ အာ​ရုန်​နှင့် သူ၏​သား​တို့​သည်၊ မိ​မိ​တို့​လက်​ကို နွား​ခေါင်း​ပေါ်​မှာ​တင်​ကြ၏။

ဝတ်​ပြု 8:15

နွား​ကို​သတ်၍၊ မော​ရှေ​သည် ယဇ်​ပ​လ္လင်​ပတ်​လည်​ဦး​ချို​တို့၌ အ​သွေး​ကို လက်​ညှိုး​နှင့်​ယူ၍​ထည့်​သ​ဖြင့်၊ ယဇ်​ပ​လ္လင်​ကို စင်​ကြယ်​စေ​ပြီး​မှ၊ ကြွင်း​သော​အ​သွေး​ကို ယဇ်​ပ​လ္လင်​ခြေ​ရင်း​နား၌​သွန်၍၊ ထို​ယဇ်​ပ​လ္လင်​ပေါ်​မှာ အ​ပြစ်​ဖြေ​ခြင်း​ကို ပြု​မည်​အ​ကြောင်း သန့်​ရှင်း​စေ၏။

ဝတ်​ပြု 9:9

သူ၏​သား​တို့​လည်း အ​သွေး​ကို​ယူ​ဆောင်​ခဲ့​သ​ဖြင့်၊ အာ​ရုန်​သည် မိ​မိ​လက်​ညှိုး​ကို အ​သွေး၌​နှစ်၍ ယဇ်​ပ​လ္လင်​ဦး​ချို​တို့၌​ထည့်​ပြီး​မှ၊ ကြွင်း​သော​အ​သွေး​ကို ယဇ်​ပ​လ္လင်​ခြေ​ရင်း​နား၌ သွန်​လေ၏။