ယေ​ဇ​ကျေ​လ 32:4

Judson Bible

ငါ​သည် သင့်​ကို ကုန်း​ပေါ်​မှာ​တင်၍ လွင်​ပြင်၌​ပစ်​ထား​မည်။ မိုး​ကောင်း​ကင်​ငှက်​အ​ပေါင်း​တို့​ကို သင့်​အ​ပေါ်​မှာ နား​စေ​မည်။ မြေ​သား​အ​ပေါင်း​တို့​ကို ဝ​စွာ​ကျွေး​မည်။

ပူးပေါင်းရင်းမြစ်များ

ဆာ​လံ 63:10

ဓား​ဘေး​ဖြင့်​ဆုံး၍၊ မြေ​ခွေး​စား​ရန် ဖြစ်​ရ​ကြ​လိမ့်​မည်။

ဆာ​လံ 74:14

လ​ဝိ​သန်၏​ဦး​ခေါင်း​တို့​ကို နှိပ်​စက်၍ တော​တွင်း​သား​တို့ စား​စ​ရာ​ဖို့ အပ်​ပေး​တော်​မူ​ပြီ။

ဟေ​ရှာ​ယ 14:19

သင့်​ကို​မူ​ကား၊ ရွံ​ရှာ​ဖွယ်​သော​သစ်​ခက်​ကဲ့​သို့ သင်္ချိုင်း​ထဲ​က ထုတ်​ပစ်​ရ၏။ ကွပ်​မျက်​သော​သူ၊ ဓား​ဖြင့်​ထိုး​သော​သူ၊ သင်္ချိုင်း​တွင်း၌ ကျောက်​စု​ထဲ​သို့​ချ​သော​သူ​များ​နှင့် ဖုံး​အုပ်​လျက်၊ ခြေ​ဖြင့်​ကျော်​နင်း​သော အ​သေ​ကောင်​ဖြစ်​လေ၏။

ဟေ​ရှာ​ယ 18:6

သူ​တို့​သည် တောင်​ပေါ်​မှာ​နေ​တတ်​သော​ငှက်​များ၊ တော​သား​ရဲ​များ​တို့၏​အ​ဖို့​ဖြစ်၍၊ ငှက်​တို့​သည် နွေ​ကာ​လ၌​လည်း​ကောင်း၊ သား​ရဲ​အ​ပေါင်း​တို့​သည် ဆောင်း​ကာ​လ၌​လည်း​ကောင်း၊ သူ​တို့​အ​ပေါ်​မှာ နေ​ကြ​လိမ့်​မည်။

ဟေ​ရှာ​ယ 66:24

ထို​သူ​တို့​သည်၊ ငါ့​ကို​ပြစ်​မှား​သော​သူ​တို့၏ အ​သေ​ကောင်​များ​ကို ထွက်၍ ကြည့်​ရှု​ကြ​လိမ့်​မည်။ သူ​တို့၏ ပိုး​သည် မ​သေ​နိုင်​ရာ။ သူ​တို့၏​မီး​သည်​လည်း မ​ငြိမ်း​နိုင်​ရာ။ လူ​သ​တ္တ​ဝါ​အ​ပေါင်း​တို့၌ ရွံ​ရှာ​ဖွယ် ဖြစ်​ရ​ကြ​လိမ့်​မည်​ဟု မိန့်​တော်​မူ၏။ ပ​ရော​ဖက်​ဟေ​ရှာ​ယ စီ​ရင်​ရေး​ထား​သော အ​နာ​ဂ​တ္တိ​ကျမ်း​ပြီး၏။

ယေ​ရ​မိ 25:33

ထို​အ​ခါ ထာ​ဝ​ရ​ဘု​ရား ကွပ်​မျက်​တော်​မူ​ခြင်း​ကို ခံ​ရ​သော​သူ​တို့​သည် မြေ​ကြီး​တစ်​ဖက်​မှ တစ်​ဖက်​တိုင်​အောင် နှံ့​ပြား​ကြ​လိမ့်​မည်။ သူ​တို့​ကို မ​မြည်​တမ်း​ရ။ မ​စု​မ​ပုံ​ရ။ မ​သင်္ဂြိုဟ်​ရ။ မြေ​ပေါ်​မှာ မ​စင်​ကဲ့​သို့ ဖြစ်​ကြ​လိမ့်​မည်။

ယေ​ရ​မိ 8:2

ထို​သူ​တို့​သည် ကြည်​ညို​ရာ၊ အ​မှု​ဆောင်​ရာ၊ လိုက်​သွား​ရာ၊ ရှာ​ဖွေ​ရာ၊ ကိုး​ကွယ်​ရာ​ဖြစ်​သော နေ၊ လ၊ ကောင်း​ကင်​တန်​ဆာ​ရှေ့​မှာ လှန်​ထား​ကြ​လိမ့်​မည်။ ထို​အ​ရိုး​တို့​ကို​မ​စု​မ​ပုံ၊ မ​သင်္ဂြိုဟ်​ရ။ မြေ​ပေါ်​မှာ မ​စင်​ကဲ့​သို့ ဖြစ်​ရ​ကြ​လိမ့်​မည်။

ယေ​ဇ​ကျေ​လ 29:5

သင်​နှင့် သင့်​မြစ်၌​ရှိ​သ​မျှ​သော ငါး​တို့​ကို တော၌ ငါ​ပစ်​ထား​မည်။ လွင်​ပြင်၌​ကျ၍ နောက်​တစ်​ဖန် စု​ဝေး​ခြင်း​ကို​မ​ပြု​ရ။ တော​သား​ရဲ​များ၊ မိုး​ကောင်း​ကင်​ငှက်​များ စား​စ​ရာ​ဖို့ သင့်​ကို​ငါ​အပ်၏။

ယေ​ဇ​ကျေ​လ 35:8

သင်၏​တောင်​တို့​ကို​လည်း သင်၏​သူ​ရဲ အ​သေ​ကောင်​တို့​နှင့် ငါ​ပြည့်​စေ​မည်။ သင့်​နေ​ရာ​ကုန်း၊ ချိုင့်၊ မြစ်​နား၌ ဓား​ဖြင့် အ​သေ​ခံ​ရ​သော သူ​တို့​သည် ရှိ​ကြ​လိမ့်​မည်။

ယော​လ 3:19

ယု​ဒ​ပြည်၌ အ​ပြစ်​မ​ရှိ​သော​သူ​တို့​ကို သတ်၍ ယု​ဒ​အ​မျိုး​သား​တို့​ကို ညှဉ်း​ဆဲ​သော​ကြောင့်၊ အဲ​ဂု​တ္တု​ပြည်​သည် လူ​ဆိတ်​ညံ​လျက် ရှိ​လိမ့်​မည်။ ဧ​ဒုံ​ပြည်​သည်​လည်း လူ​ဆိတ်​ညံ​သော တော​ဖြစ်​လိမ့်​မည်။