ယေ​ဇ​ကျေ​လ 12:6

Judson Bible

ညဉ့်​ဦး​ယံ​အ​ချိန်၌ သူ​တို့​မျက်​မှောက်​တွင် ပ​ခုံး​ပေါ်​မှာ​ထမ်း၍ ထုတ်​ရ​မည်။ မြေ​ကို​မ​မြင်​ရ​အောင် မျက်​နှာ​ကို​ဖုံး​ရ​မည်။ အ​ကြောင်း​မူ​ကား၊ သင့်​ကို ဣ​သ​ရေ​လ​အ​မျိုး​အား နိ​မိတ်​လ​က္ခ​ဏာ​ဖြစ်​စေ​ခြင်း​ငှာ ငါ​ခန့်​ထား​ပြီ​ဟု မိန့်​တော်​မူ​သည်​အ​တိုင်း၊

ပူးပေါင်းရင်းမြစ်များ

၂ ရာ 15:30

ဒါ​ဝိဒ်​သည်​လည်း ငို​လျက်၊ ဦး​ခေါင်း​ကို ခြုံ​လျက်၊ ခြေ​နင်း​ကို​ချွတ်​လျက် သံ​လွင်​တောင်​ပေါ်​သို့ တက်​လေ၏။ နောက်​တော်၌ လိုက်​သော​သူ​အ​ပေါင်း​တို့​သည်​လည်း ဦး​ခေါင်း​ကို​ခြုံ​လျက် ငို​ကြွေး​လျက် တက်​ကြ၏။

၄ ရာ 7:5

မိုး​မ​လင်း​မီ​ထ၍ ရှု​ရိ​တပ်​သို့​သွား​ကြ၏။ တပ်​ဦး​သို့ ရောက်​သော​အ​ခါ အ​ဘယ်​သူ​ကို​မျှ မ​တွေ့​ကြ။

ယောဘဝတ္တု။ 24:17

နံ​နက်​ယံ​ကို သေ​မင်း​အ​ရိပ်​ကဲ့​သို့ ထင်​မှတ်၍၊ သေ​မင်း​အ​ရိပ်​ကြောက်​မက်​ဖွယ်​သော ဘေး​တို့​ကို သိ​ရ​ကြ၏။

ဟေ​ရှာ​ယ 8:18

ငါ​မှ​စ၍ ငါ့​အား ထာ​ဝ​ရ​ဘု​ရား​ပေး​တော်​မူ​သော သူ​ငယ်​တို့​သည် ရှိ​ကြ၏။ ဇိ​အုန်​တောင်​ပေါ်​မှာ ကျိန်း​ဝပ်​တော်​မူ​သော ကောင်း​ကင်​ဗိုလ်​ခြေ​အ​ရှင် ထာ​ဝ​ရ​ဘု​ရား​ထံ​တော်​က၊ ဣ​သ​ရေ​လ​အ​မျိုး၌ ပု​ပ္ပ​နိ​မိတ်​နှင့် အံ့​ဖွယ်​သော​အ​ရာ ဖြစ်​စေ​ခြင်း​ငှာ ပေး​တော်​မူ​သ​တည်း။

ယေ​ဇ​ကျေ​လ 12:13

ထို​မင်း​ကို​လည်း ငါ၏​ပိုက်​ကွန်​နှင့်​အုပ်​၍၊ ငါ​၏​ကျော့​ကွင်း​၌ ကျော့​မိ​စေ​မည်။ ခါ​လ​ဒဲ​ပြည် ဗာ​ဗု​လုန်​မြို့​သို့ ဆောင်​သွား​မည်။ ထို​မြို့​၌ သေ​ရ​သော်​လည်း မြို့​ကို​မ​မြင်​ရ။

ယေ​ဇ​ကျေ​လ 12:5

သူ​တို့​မျက်​မှောက်၌ အုတ်​ရိုး​ကို​တူး​ဖောက်​၍၊ ဥ​စ္စာ​ပ​ရိ​ကံ​များ​ကို ထုတ်​သွား​လော့။

ယေ​ဇ​ကျေ​လ 24:24

ထို​သို့ ယေ​ဇ​ကျေ​လ​သည် သင်​တို့​အား​ပု​ပ္ပ​နိ​မိတ်​ဖြစ်​ရ၏။ သူ​ပြု​သ​မျှ​အ​တိုင်း သင်​တို့​သည်၊ အ​မှု​ရောက်​သော​အ​ခါ​ပြု၍၊ ငါ​သည် ထာ​ဝ​ရ​ဘု​ရား​ဖြစ်​ကြောင်း သိ​ရ​ကြ​လိမ့်​မည်။

ယေ​ဇ​ကျေ​လ 4:3

ထို​မှ​တစ်​ပါး၊ သံ​ပြား​ကို​ယူ၍၊ သင်​နှင့် မြို့​စပ်​ကြား​မှာ သံ​ရိုး​ဖြစ်​စေ​ခြင်း​ငှာ ထောင်​ပြီး​လျှင်၊ မြို့​တစ်​ဖက်၌ သင်၏​မျက်​နှာ​ကို​ထား​လော့။ ထို​သို့ ဝိုင်း​ထား​သ​ဖြင့်၊ ထို​မြို့​သည် ဝိုင်း​ထား​ခြင်း​ကို ခံ​ရ​မည်။ ဤ​သည်​ကား ဣ​သ​ရေ​လ​အ​မျိုး​အား နိ​မိတ်​လ​က္ခ​ဏာ​ဖြစ်​လိမ့်​မည်။

ဇာ​ခ​ရိ 3:8

အို ယဇ်​ပု​ရော​ဟိတ်​မင်း​ယော​ရှု၊ သင့်​ရှေ့​မှာ​နေ​သော သင့်​အ​ပေါင်း​အ​ဖော်​တို့​နှင့်​တ​ကွ နား​ထောင်​လော့။ သူ​တို့​သည် နိ​မိတ်​လ​က္ခ​ဏာ​နှင့် ယှဉ်​သော​သူ ဖြစ်​ကြ၏။ ငါ၏​ကျွန်​တည်း​ဟူ​သော အ​ညွန့်​ကို ငါ​ပေါ်​ထွန်း​စေ​မည်။

၁ ရာ 28:8

ရှော​လု​သည် အ​ဝတ်​လဲ၍ ထူး​ခြား​သော အ​ယောင်​ကို​ဆောင်​လျက်၊ ည​အ​ခါ လူ​နှစ်​ယောက်​နှင့်​တ​ကွ ထို​မိန်း​မ​ဆီ​သို့​သွား၍ ရောက်​ပြီး​လျှင်၊ သင်​ပေါင်း​သော​နတ်​ကို​အ​မှီ​ပြု၍ သင့်​အား​ငါ​ပြော​မည့်​သူ​ကို ဖော်​ပါ​လော့​ဟု တောင်း​ပန်​လေ၏။