ဗျာ​ဒိတ် 18:22

Judson Bible

စောင်း​သ​မား၊ အ​ငြိမ့်​သ​မား၊ ပု​လွေ​သ​မား၊ တံ​ပိုး​သ​မား​များ တီး​မှုတ်​သော​အ​သံ​လည်း သင့်​အ​ထဲ၌ နောက်​တစ်​ဖန် မ​မြည်​ရ။ အ​မျိုး​မျိုး​သော လက်​တတ်​သ​မား​တို့​တွင် တစ်​ယောက်​မျှ သင့်​အ​ထဲ၌ နောက်​တစ်​ဖန် မ​ပေါ်​မ​ရှိ​ရ။ ကြိတ်​ဆုံ​သံ​လည်း သင့်​အ​ထဲ၌ နောက်​တစ်​ဖန် မ​မြည်​ရ။-

ပူးပေါင်းရင်းမြစ်များ

ယောဘဝတ္တု။ 3:7

လ​အ​ရေ​အ​တွက်၌ မ​ဝင်​ပါ​စေ​နှင့်။ အော်၊ ထို​ည​သည် ဆိတ်​ညံ​ပါ​စေ။ ရွှင်​လန်း​သော​အ​သံ မ​ရှိ​ပါ​စေ​နှင့်။

ဒေသနာကျမ်း။ 12:4

ကြိတ်​သံ​လျော့​သော​အ​ခါ၊ လမ်း​နား​မှာ တံ​ခါး​ရွက်​တို့​သည် စေ့​လျက်​ရှိ​လိမ့်​မည်။ ငှက်​သံ​ကို ကြား​သော​အ​ခါ၊ စော​စော​ထ​လိမ့်​မည်။ သီ​ချင်း​သည်​မ​အ​ပေါင်း​တို့​သည် အ​သံ​သေး​ကြ​လိမ့်​မည်။

ဟေ​ရှာ​ယ 23:12

ညှဉ်း​ဆဲ​ခြင်း​ကို ခံ​ရ​သော​က​ညာ၊ ဇိ​ဒုန်​မြို့၏​သ​မီး၊ သင်​သည် နောက်​တစ်​ဖန် ရွှင်​လန်း​ခြင်း​မ​ရှိ​ရ။ ထ​လော့။ ခိ​တ္တိမ်​ပြည်​သို့ ကူး​သွား​လော့။ ထို​အ​ရပ်၌​လည်း ငြိမ်​သက်​ခြင်း​မ​ရှိ​ရ​ဟု မိန့်​တော်​မူ၏။

ယေ​ရ​မိ 16:9

ဣ​သ​ရေ​လ​အ​မျိုး၏​ဘု​ရား​သ​ခင်၊ ကောင်း​ကင်​ဗိုလ်​ခြေ​အ​ရှင် ထာ​ဝ​ရ​ဘု​ရား​မိန့်​တော်​မူ​သည်​ကား၊ ဤ​အ​ရပ်၌ ဝမ်း​မြောက်​သော​အ​သံ၊ ရွှင်​လန်း​သော​အ​သံ၊ မင်္ဂ​လာ​ဆောင် သ​တို့​သား​အ​သံ၊ မင်္ဂ​လာ​ဆောင် သ​တို့​သ​မီး​အ​သံ​ကို သင်​တို့​လက်​ထက်၊ သင်​တို့​မျက်​မှောက်​တွင် ငါ​စဲ​စေ​မည်။

ယေ​ရ​မိ 25:10

ဤ​သူ​တို့​တွင် ဝမ်း​မြောက်​သော​အ​သံ၊ ရွှင်​လန်း​သော​အ​သံ၊ မင်္ဂ​လာ​ဆောင်​သ​တို့​သား၏​အ​သံ၊ သ​တို့​သ​မီး၏​အ​သံ၊ ကြိတ်​ဆုံ​သံ​နှင့် မီး​ခွက်​အ​လင်း​ကို ငါ​ကွယ်​ပျောက်​စေ​မည်။

ယေ​ရ​မိ 33:11

နောက်​တစ်​ဖန် ဝမ်း​မြောက်​သော​အ​သံ၊ ရွှင်​လန်း​သော​အ​သံ၊ မင်္ဂ​လာ​ဆောင် သ​တို့​သား​အ​သံ၊ မင်္ဂ​လာ​ဆောင် သ​တို့​သ​မီး​အ​သံ၊ ထာ​ဝ​ရ​ဘု​ရား​သည် ကောင်း​မြတ်​တော်​မူ၍ က​ရု​ဏာ​တော်​သည် အ​စဉ်​အ​မြဲ​တည်​သော​ကြောင့်၊ ကောင်း​ကင်​ဗိုလ်​ခြေ​အ​ရှင် ထာ​ဝ​ရ​ဘု​ရား​ကို ချီး​မွမ်း​ကြ​လော့​ဟု​ဆို​သော သူ​တို့၏​အ​သံ၊ ချီး​မွမ်း​ရာ​ပူ​ဇော်​သ​ကာ​ကို ဗိ​မာန်​တော်​သို့​ဆောင်​ခဲ့​သော သူ​တို့၏ အ​သံ​ကို ကြား​ရ​ကြ​လိမ့်​မည်။ အ​ကြောင်း​မူ​ကား၊ သိမ်း​သွား​ခြင်း​ကို​ခံ​ရ​သော ပြည်​သား​တို့​ကို ငါ​ဆောင်​ခဲ့၍၊ အ​ရင်​ကဲ့​သို့ နေ​စေ​မည်​ဟု မိန့်​တော်​မူ၏။

ယေ​ရ​မိ 7:34

ယု​ဒ​မြို့​များ၊ ယေ​ရု​ရှ​လင်​လမ်း​များ​တို့၌ ဝမ်း​မြောက်​သော​အ​သံ၊ ရွှင်​လန်း​သော​အ​သံ၊ မင်္ဂ​လာ​ဆောင်​သ​တို့​သား​အသံ​နှင့် မင်္ဂ​လာ​ဆောင် သ​တို့​သ​မီး​အ​သံ​ကို ငါ​စဲ​စေ​မည်။ တစ်​ပြည်​လုံး​သည် လူ​ဆိတ်​ညံ​ရာ​အ​ရပ်​ဖြစ်​လိမ့်​မည် ဟု​မိန့်​တော်​မူ၏။

ယေ​ဇ​ကျေ​လ 26:13

သင်​ဆို​သော​သီ​ချင်း​သံ​ကို ငါ​ငြိမ်း​စေ၍၊ သင်​တီး​သော​စောင်း​သံ​ကို နောက်​တစ်​ဖန် အ​ဘယ်​သူ​မျှ​မ​ကြား​ရ။

မဿဲ 9:23

အ​ရာ​ရှိ​အိမ်​သို့ ရောက်​တော်​မူ၍ တီး​မှုတ်​သော သူ​တို့​နှင့် များ​စွာ​သော​လူ​တို့​သည် အုန်း​အုန်း​သဲ​သဲ ပြု​ကြ​သည်​ကို​မြင်​လျှင်၊-