နေ​ဟ​မိ 5:2

Judson Bible

အ​ချို့​က​လည်း၊ ငါ​တို့​နှင့် သား​သ​မီး​များ​စွာ ရှိ​ကြ၏။ သူ​တို့ အ​သက်​မွေး​လောက်​အောင် စား​စ​ရာ​ဆန်​စ​ပါး​ကို အ​ဘယ်​မှာ ရ​နိုင်​မည်​နည်း​ဟု ဆို​ကြ၏။

ပူးပေါင်းရင်းမြစ်များ

ကမ္ဘာ​ဦး 41:57

ခပ်​သိမ်း​သော​ပြည်​တို့၌​လည်း အ​လွန်​အ​စာ​ခေါင်း​ပါး​သော​ကြောင့်၊ အ​သီး​အ​သီး​သော​ပြည်​သား​တို့​သည် စ​ပါး​ကို​ဝယ်​ခြင်း​ငှာ အဲ​ဂု​တ္တု​ပြည်​ယော​သပ်​ထံ​သို့ လာ​ရောက်​ကြ၏။

ကမ္ဘာ​ဦး 42:2

အဲ​ဂု​တ္တု​ပြည်၌ စ​ပါး​ရှိ​ကြောင်း​ကို​ငါ​ကြား​ရ​ပြီ။ ငါ​တို့​သည်​မ​သေ၊ အ​သက်​ရှင်​မည်​အ​ကြောင်း၊ ထို​ပြည်​သို့​သွား၍ ငါ​တို့​အ​ဖို့​ကို​ဝယ်​ကြ​လော့​ဟု မိ​မိ​သား​တို့​အား​ဆို​သည်​အ​တိုင်း၊

ကမ္ဘာ​ဦး 43:8

ယု​ဒ​က​လည်း၊ သူ​ငယ်​ကို ကျွန်ုပ်​နှင့်​အ​တူ​လွှတ်​ပါ။ သို့​ပြု​လျှင် အ​ဘ​မှ​စ၍ ကျွန်ုပ်​တို့​နှင့် သူ​ငယ်​များ​တို့​သည်​မ​သေ၊ အ​သက်​ရှင်​မည်​အ​ကြောင်း၊ ကျွန်ုပ်​တို့​ထ၍ သွား​ကြ​ပါ​မည်။

ကမ္ဘာ​ဦး 47:19

ရှေ့​တော်၌​အ​ဘယ်​ကြောင့်​သေ၍ ပြည်​တော်​ပျက်​ရ​ပါ​အံ့​နည်း။ အ​စာ​ကို​ပေး၍ ကျွန်​တော်​တို့​နှင့် ကျွန်​တော်​တို့​မြေ​ကို​ဝယ်​ပါ။ ကျွန်​တော်​တို့​သည် မြေ​နှင့်​တ​ကွ ဖာ​ရော​ဘု​ရင်၏​ကျွန်​ခံ​ပါ​မည်။ ကျွန်​တော်​တို့​သည် မ​သေ၊ အ​သက်​ရှင်​စေ​ခြင်း​ငှာ​လည်း​ကောင်း၊ ပြည်​တော်​သည်​လူ​မ​ဆိတ်​ညံ​စေ​ခြင်း​ငှာ​လည်း​ကောင်း၊ မျိုး​စေ့​ကို​ပေး​ပါ​ဟု လျှောက်​ကြ​သော်၊

၄ ရာ 4:1

ပ​ရော​ဖက်​အ​မျိုး​သား၏ မ​ယား​တစ်​ယောက်​သည် ဧ​လိ​ရှဲ​ထံ​သို့​လာ၍၊ ကိုယ်​တော်​ကျွန်၊ ကျွန်​မ၏​ခင်​ပွန်း​သေ​ပါ​ပြီ၊ ကိုယ်​တော်​ကျွန်​သည် ထာ​ဝ​ရ​ဘု​ရား​ကို ရို​သေ​သော​သူ​ဖြစ်​သည်​ကို ကိုယ်​တော်​သိ​တော်​မူ၏။ ယ​ခု​မှာ ကြွေး​ရှင်​သည် ကျွန်​မ၏​သား​နှစ်​ယောက်​ကို ကျွန်​ခံ​စေ​ခြင်း​ငှာ​လာ​ပါ​ပြီ​ဟု ကြွေး​ကြော်​လေ၏။

နေ​ဟ​မိ 5:3

အ​ချို့​က​လည်း၊ ငါ​တို့​သည် လယ်​ယာ၊ ဥ​ယျာဉ်၊ အိမ်​တို့​ကို ပေါင်​ထား​ပြီ။ အ​စာ​ခေါင်း​ပါး​သော​ကာ​လ၊ ဆန်​စ​ပါး​ကို အ​ဘယ်​မှာ ရ​နိုင်​ပါ​မည်​နည်း​ဟု ဆို​ကြ၏။

ဟ္ဂဲ 1:6

သင်​တို့​သည် များ​စွာ​သော မျိုး​စေ့​ကို ကြဲ​သော်​လည်း အ​သီး​အ​နှံ​နည်း​ပါး​ရ၏။ စား​ရ​သော်​လည်း ဝ​စွာ​မ​စား​ရ​ကြ။ သောက်​သော်​လည်း ဝ​စွာ မ​သောက်​ရ​ကြ။ အ​ဝတ်​ကို​ဝတ်​ရ​သော်​လည်း နွေး​စွာ မ​ဝတ်​ရ​ကြ။ အ​လုပ်​လုပ်၍ အ​ခ​ကို​ခံ​ရ​သော်​လည်း မ​လုံ​သော​အိတ်​ထဲ​မှာ သို​ထား​ရ​ကြ၏။

မာ​လ​ခိ 2:2

ငါ၏​နာ​မ​တော်​ကို ချီး​မွမ်း​လို​သော​ငှာ သင်​တို့​သည် နား​မ​ထောင်၊ နှ​လုံး​မ​သွင်း​ဘဲ​နေ​လျှင်၊ ကျိန်​ခြင်း​ဘေး​ကို သင်​တို့​အ​ပေါ်​သို့ ငါ​လွှတ်​လိုက်​မည်။ သင်​တို့၏​မင်္ဂ​လာ​ကို အ​မင်္ဂ​လာ​ဖြစ်​စေ​မည်။ ထို​မျှ​မ​က၊ နှ​လုံး​မ​သွင်း​ဘဲ​နေ​သော​ကြောင့် ယ​ခု​ပင် အ​မင်္ဂ​လာ​ဖြစ်​စေ​ပြီ။

တ​ရား​ဟော 23:19

သင်၏​အ​မျိုး​သား​ချင်း၌ အ​တိုး​ယူ၍၊ ငွေ၊ စား​စ​ရာ၊ အ​သုံး​အ​ဆောင်​ကို မ​ချေး​မ​ငှား​ရ။