တ​ရား​ဟော 28:45

Judson Bible

သင်၏​ဘု​ရား​သ​ခင် ထာ​ဝ​ရ​ဘု​ရား​ထား​တော်​မူ​သော စီ​ရင်​ထုံး​ဖွဲ့​ချက်​တ​ရား​ကို စောင့်​ရှောက်​ခြင်း​ငှာ၊ သင်​သည်​စ​ကား​တော်​ကို နား​မ​ထောင်​သော​ကြောင့်၊ မ​ပျက်​စီး​မီ​တိုင်​အောင် ဤ​ကျိန်​ခြင်း​အ​မင်္ဂ​လာ​ရှိ​သ​မျှ​တို့​သည် သင့်​အ​ပေါ်​မှာ သက်​ရောက်​လျက်၊ သင့်​ကို​လိုက်၍​မီ​လျက် ရှိ​ကြ​လိမ့်​မည်။

ပူးပေါင်းရင်းမြစ်များ

ကမ္ဘာ​ဦး 19:13

ဤ​အ​ရပ်​ကို ငါ​တို့​သည်​ဖျက်​ဆီး​ရ​မည်။ အ​ကြောင်း​မူ​ကား၊ အ​ရပ်​သား​တို့​သည် ထာ​ဝ​ရ​ဘု​ရား​ရှေ့​တော်​မှာ အ​လွန်​ကြွေး​ကြော်​ခြင်း​ရှိ​သည်​ဖြစ်၍၊ ဖျက်​ဆီး​စေ​ခြင်း​ငှာ ထာ​ဝ​ရ​ဘု​ရား​သည် ငါ​တို့​ကို​စေ​လွှတ်​တော်​မူ​ပြီ​ဟု လော​တ​အား​ပြော​ဆို​ကြ​၏။

၄ ရာ 17:20

ထာ​ဝ​ရ​ဘု​ရား​သည်​လည်း၊ ဣ​သ​ရေ​လ​အ​မျိုး​ရှိ​သ​မျှ​ကို ရွံ​ရှာ၍ မျက်​မှောက်​တော်​မှ မ​နှင်​ထုတ်​မီ​တိုင်​အောင် ဒဏ်​ခတ်​တော်​မူ၏။ လု​ယက်​သော​သူ​တို့​လက်၌ အပ်​တော်​မူ၏။

ဆာ​လံ 119:21

မာ​န​ကြီး​သော​သူ​နှင့် ပ​ညတ်​တော်​တို့​ကို လွန်​ကျူး၍၊ အ​ကျိန်​ခံ​ရ​သော သူ​တို့​ကို ကိုယ်​တော် ဆုံး​မ​တော်​မူ၏။

သုတ္တံကျမ်း။ 13:21

အ​ပြစ်​ရှိ​သော​သူ​တို့​ကို ဘေး​လိုက်​တတ်၏။ ဖြောင့်​မတ်​သော​သူ​တို့​မူ​ကား၊ ကောင်း​သော​အ​ကျိုး​ကို ခံ​ရ​လိမ့်​မည်။

ဟေ​ရှာ​ယ 1:20

သို့​မ​ဟုတ်​၊ ငြင်း​ဆန်​ပုန်​ကန်​လျှင် ဓား​လက်​နက်​ဖြင့် ဆုံး​ရ​လိမ့်​မည်​ဟု၊ ထာ​ဝ​ရ​ဘု​ရား​၏​နှုတ်​တော်​ထွက်​အ​မိန့်​တော်​ရှိ​၏။

ယေ​ဇ​ကျေ​လ 14:21

ထို​ကြောင့်၊ အ​ရှင်​ထာ​ဝ​ရ​ဘု​ရား မိန့်​တော်​မူ​သည်​ကား၊ ယေ​ရု​ရှ​လင်​မြို့၌ လူ​နှင့်​တိ​ရ​စ္ဆာန်​တို့​ကို ပယ်​ဖြတ်​ခြင်း​ငှာ ဓား​ဘေး၊ မွတ်​သိပ်​ခြင်း​ဘေး၊ ဖျက်​ဆီး​တတ်​သော သား​ရဲ​ဘေး၊ ကာ​လ​နာ​ဘေး​တည်း​ဟူ​သော၊ အ​လွန်​ဆိုး​သော ဘေး​လေး​ပါး​တို့​ကို ငါ​စေ​လွှတ်​သော​အ​ခါ၊ ထို​မျှ​မ​က လွှတ်​ခဲ​လိမ့်​မည်​မ​ဟုတ်​လော။

ယေ​ဇ​ကျေ​လ 7:15

ပြင်၌​ကား ဓား​ရှိ၏။ အ​တွင်း၌​ကား နာ​ခြင်း၊ မွတ်​သိပ်​ခြင်း​ရှိ၏။ လယ်​ပြင်​တွင်​ရှိ​သော​သူ​သည် ဓား​ဖြင့်​သေ​လိမ့်​မည်။ မြို့​ထဲ​တွင်​ရှိ​သော သူ​သည်​လည်း နာ​ခြင်း၊ မွတ်​သိပ်​ခြင်း​အား​ဖြင့် ဆုံး​လိမ့်​မည်။

ဝတ်​ပြု 26:28

ငါ​သည်​လည်း​အ​မျက်​ထွက်၍ သင်​တို့​ကို​ဆန့်​ကျင်​ဘက်​ပြု​သ​ဖြင့်၊ သင်​တို့​အ​ပြစ်​ကြောင့် ခု​နစ်​ဆ​သော​ဒဏ်​ကို​ပေး​ဦး​မည်။

တ​ရား​ဟော 28:15

ယ​နေ့ ငါ​ဆင့်​ဆို​သော သင်၏​ဘု​ရား​သ​ခင် ထာ​ဝ​ရ​ဘု​ရား စီ​ရင်​ထုံး​ဖွဲ့​တော်​မူ​ချက် အ​လုံး​စုံ​တို့​ကို ကျင့်​စောင့်​ခြင်း​ငှာ စ​ကား​တော်​ကို​နား​မ​ထောင်​လျှင်၊ သင့်​အ​ပေါ်​မှာ သက်​ရောက်​လ​တ္တံ့​သော ကျိန်​ခြင်း​အ​မင်္ဂ​လာ​များ​ဟူ​မူ​ကား၊

တ​ရား​ဟော 28:5

ခြင်​တောင်း၌​လည်း​ကောင်း၊ မုန့်​နယ်​သော​ခွက်၌​လည်း​ကောင်း မင်္ဂ​လာ​ရှိ​လိမ့်​မည်။

တ​ရား​ဟော 4:25

သင်​တို့​သည် သား​မြေး​တို့​ကို​ဖွား​မြင်၍၊ ထို​ပြည်၌​ကြာ​မြင့်​စွာ​နေ​ပြီး​မှ၊ တစ်​ဖန် ဖောက်​ပြန်​သ​ဖြင့်၊ သ​ဏ္ဌာန်​တစ်​စုံ​တစ်​ခု​ရှိ​သော ရုပ်​တု​ကို​လုပ်၍၊ သင်​တို့၏ ဘု​ရား​သ​ခင်​ထာ​ဝ​ရ​ဘု​ရား အ​မျက်​တော်​ကို နှိုး​ဆော်​ခြင်း​ငှာ ရှေ့​တော်၌​ဒု​စ​ရိုက်​ကို​ပြု​လျှင်၊

တ​ရား​ဟော 4:26

ကောင်း​ကင်​မြေ​ကြီး​ကို သင်​တို့​တစ်​ဖက်၌ ယ​နေ့​ငါ​တိုင်​တည်​သည်​ကား၊ သင်​တို့​သည် ယော်​ဒန်​မြစ်​ကို​ကူး၍ ဝင်​စား​သော​ပြည်၌၊ မ​ကြာ​မ​မြင့်​မီ ဆက်​ဆက် ပျောက်​ပျက်​ရ​ကြ​လိမ့်​မည်။ ထို​ပြည်၌ တာ​ရှည်​စွာ အ​သက်​မ​ရှင်​ရ။ ရှင်း​ရှင်း​ပျက်​စီး​ခြင်း​သို့ ရောက်​ရ​ကြ​လိမ့်​မည်။