တော​လည် 32:33

Judson Bible

ထို​အ​ခါ​မော​ရှေ​သည် အာ​မော​ရိ​ရှင်​ဘု​ရင်​ရှိ​ဟုန်၏ နိုင်​ငံ​ဆိုင်​သ​မျှ၊ ဗာ​ရှန်​ရှင်​ဘု​ရင်​ဩ​ဃ၏ နိုင်​ငံ​ဆိုင်​သ​မျှ​သော နယ်​မြေ​မြို့​ရွာ​တို့​ကို ဂဒ်​အ​မျိုး​သား၊ ရု​ဗင်​အ​မျိုး​သား၊ ယော​သပ်၏​သား မ​နာ​ရှေ​မှ​ဆင်း​သက်​သော မ​နာ​ရှေ​အ​မျိုး​သား​တစ်​ဝက်၌ အပ်​ပေး​လေ၏။

ပူးပေါင်းရင်းမြစ်များ

၁ ရာ​ချုပ် 12:31

ဒါ​ဝိဒ်​ကို ရှင်​ဘု​ရင်​အ​ရာ၌ ချီး​မြှောက်​ခြင်း​ငှာ စာ​ရင်း​ဝင်​သော မ​နာ​ရှေ​အ​မျိုး​တစ်​ဝက်​ထဲ​က လူ​တစ်​သောင်း​ရှစ်​ထောင်၊

၁ ရာ​ချုပ် 26:32

ယေ​ရိ​ယ၏​ပေါက်​ဖော်​တည်း​ဟူ​သော သူ​ရဲ​ကြီး၊ အ​ဆွေ​အ​မျိုး​သူ​ကြီး နှစ်​ထောင်​ခု​နစ်​ရာ​တို့​သည် ဒါ​ဝိဒ်​မင်း​ကြီး​ခန့်​ထား​သည်​အ​တိုင်း၊ ရု​ဗင်​အ​မျိုး၊ ဂဒ်​အ​မျိုး၊ မ​နာ​ရှေ​အ​မျိုး​တစ်​ဝက်​ကို​အုပ်​စိုး၍ ဘု​ရား​သ​ခင်၏​အ​မှု​တော်​နှင့် ရှင်​ဘု​ရင်​အ​မှု​အ​မျိုး​မျိုး​တို့​ကို စောင့်​ရ​ကြ၏။

၁ ရာ​ချုပ် 5:18

ရု​ဗင်​အ​မျိုး၊ ဂဒ်​အ​မျိုး၊ မ​နာ​ရှေ​အ​မျိုး​တစ်​ဝက်​တွင် ဒိုင်း​နှင့် ဓား​ကို​ကိုင်၍ လေး​နှင့်​ပစ်​တတ်​သ​ဖြင့်၊ စစ်​မှု​စစ်​ရေး​ကို လေ့​ကျက်၍ စစ်​ချီ​တတ်​သော စစ်​သူ​ရဲ​ပေါင်း​ကား၊ လေး​သောင်း​လေး​ထောင်​ခု​နစ်​ရာ​ခြောက်​ဆယ်​တည်း။

တော​လည် 32:1

ရု​ဗင်​အ​မျိုး​သား​နှင့် ဂဒ်​အ​မျိုး​သား​တို့​သည် အ​လွန်​များ​ပြား​သော တိ​ရ​စ္ဆာန်​တို့​နှင့် ကြွယ်​ဝ​သည်​ဖြစ်၍၊ ယာ​ဇာ​ပြည်၊ ဂိ​လဒ်​ပြည်​တို့၌ တိ​ရ​စ္ဆာန်​ကျက်​စား​စ​ရာ​ဖို့ ကောင်း​သည်​ကို​မြင်​ကြ​လျှင်၊

တော​လည် 32:32

ယော်​ဒန်​မြစ်​အ​ရှေ့​ဘက်၌ အ​မွေ​ခံ​ရ​ပါ​မည်​အ​ကြောင်း၊ ကျွန်​တော်​တို့​သည် လက်​နက်​ကိုင်​လျက် ထာ​ဝ​ရ​ဘု​ရား​ရှေ့​တော်၌ ခါ​နာန်​ပြည်​သို့ ကူး​သွား​ပါ​မည်​ဟု ပြန်​လျှောက်​ကြ၏။

တော​လည် 34:14

ရု​ဗင်​အ​မျိုး​သား၊ ဂဒ်​အ​မျိုး​သား၊ မ​နာ​ရှေ​အ​မျိုး​သား တစ်​ဝက်​တည်း​ဟူ​သော အ​မျိုး​နှစ်​မျိုး​နှင့် တစ်​ဝက်​တို့​သည် မိ​မိ​တို့​အ​မွေ​ခံ​သော​မြေ​ကို ယော်​ဒန်​မြစ်​အ​ရှေ့၊ ယေ​ရိ​ခေါ​မြို့​တစ်​ဖက်၊ နေ​ထွက်​ရာ​ဘက်၌ ဘိုး​ဘ​အ​ဆွေ​အ​မျိုး​အ​လိုက် ခံ​ရ​ကြ​ပြီ​ဟု ဣ​သ​ရေ​လ​အ​မျိုး​သား​တို့​အား မှာ​ထား​လေ၏။

တ​ရား​ဟော 29:8

သူ​တို့​ပြည်​ကို သိမ်း​ယူ​ပြီး​မှ၊ ရု​ဗင်​အ​မျိုး၊ ဂဒ်​အ​မျိုး၊ မ​နာ​ရှေ​အ​မျိုး​တစ်​ဝက်၌ ပေး​လေ၏။

ယော​ရှု 12:1

ယော်​ဒန်​မြစ်​အ​ရှေ့ နေ​ထွက်​ရာ​ဘက်၌၊ အာ​နုန်​မြစ်​မှ​စ၍ ဟေ​ရ​မုန်​တောင်​တိုင်​အောင်၊ အ​ရှေ့​လွင်​ပြင်​ရှိ​သ​မျှ​ပါ​လျက်၊ ဣ​သ​ရေ​လ​အ​မျိုး​သား​တို့​သည် လုပ်​ကြံ၍ သိမ်း​ယူ​သော​ပြည်​ကို အ​စိုး​ရ​သော မင်း​ကြီး​များ​ဟူ​မူ​ကား၊

ယော​ရှု 12:6

ထို​ရှင်​ဘု​ရင်​နှစ်​ပါး​ကို ထာ​ဝ​ရ​ဘု​ရား၏​ကျွန်​မော​ရှေ​နှင့် ဣ​သ​ရေ​လ​အ​မျိုး​သား​တို့​သည် လုပ်​ကြံ၍၊ ထာ​ဝ​ရ​ဘု​ရား၏​ကျွန်​မော​ရှေ​သည် သူ​တို့​ပြည်​ကို ရု​ဗင်​အ​မျိုး၊ ဂဒ်​အ​မျိုး၊ မ​နာ​ရှေ​အ​မျိုး​တစ်​ဝက်​တို့​အား အ​ပိုင်​ပေး​လေ၏။

ယော​ရှု 14:3

မော​ရှေ​သည် ဣ​သ​ရေ​လ​အ​မျိုး​နှစ်​မျိုး​နှင့် တစ်​ဝက်​တို့​အား၊ ယော်​ဒန်​မြစ်​အ​ရှေ့​ဘက်၌ အ​မွေ​ပေး​နှင့်​ပြီ။ လေ​ဝိ​သား​တို့​အား အ​ခြား​သော​အ​မျိုး​နှင့်​ရော၍ အ​မွေ​မ​ပေး။

ယော​ရှု 22:4

ယ​ခု​မှာ သင်​တို့၏​ဘု​ရား​သ​ခင် ထာ​ဝ​ရ​ဘု​ရား​က​တိ​တော်​ရှိ​သည်​အ​တိုင်း၊ ညီ​အစ်​ကို​တို့​အား ငြိမ်​သက်​ခြင်း​အ​ခွင့်​ကို ပေး​တော်​မူ​သော​ကြောင့်၊ သင်​တို့​ပြန်၍ ကိုယ်​နေ​ရာ​အိမ်​သို့​လည်း​ကောင်း၊ ယော်​ဒန်​မြစ်​တစ်​ဖက်၌ ထာ​ဝ​ရ​ဘု​ရား၏​ကျွန် မော​ရှေ​ပေး​သည်​အ​တိုင်း၊ ကိုယ်​ပိုင်​သော​မြေ​သို့​လည်း​ကောင်း သွား​ကြ​လော့။

ယော​ရှု 22:7

မ​နာ​ရှေ​အ​မျိုး​တစ်​ဝက်​အား မော​ရှေ​သည် ဗာ​ရှန်​ပြည်၌ မြေ​ကို​ပေး​နှင့်​ပြီ။ အ​မျိုး​တစ်​ဝက်​အား ယော​ရှု​သည် ယော်​ဒန်​မြစ်​အ​နောက်​ဘက်၌ သူ​တို့​ညီ​အစ်​ကို​များ​နှင့် အ​တူ မြေ​ကို​ပေး၏။

၁ ရာ 13:7

ယော်​ဒန်​မြစ်​တစ်​ဖက်၌ နေ​သော​သူ​အ​ချို့​တို့​သည် ကူး​ပြန်၍၊ ဂဒ်​ပြည်၊ ဂိ​လဒ်​ပြည်​သို့ သွား​ကြ၏။ ရှော​လု​သည် ဂိ​လ​ဂါ​လ​မြို့၌ နေ​သေး၍၊ လူ​အ​ပေါင်း​တို့​သည် သူ့​နောက်၌ တုန်​လှုပ်​လျက်​ရှိ​ကြ၏။