ဝတ်ပြု 25:11 - မြန်မာ့စံမီသမ္မာကျမ်း ငါးဆယ်မြောက်နှစ်သည် သင်တို့အဖို့ မင်္ဂလာရတုနှစ်ဖြစ်ရမည်။ ထိုနှစ်တွင် မျိုးမကြဲရ။ အလေ့ကျပေါက်သောအပင်မှသီးနှံကို မရိတ်သိမ်းရ။ မပြုစုထားသောစပျစ်ပင်မှစပျစ်သီးကိုလည်း မဆွတ်ခူးရ။ Common Language Bible သင်တို့သည်လယ်များကိုမစိုက်မပျိုးရ။ အလိုအလျောက်သီးသောအသီးအနှံ များကိုလည်းမဆွတ်မခူးရ။- Garrad Bible ထို ငါး ဆယ် မြောက် သော နှစ် သည် မင်္ဂ လာ နှစ် ဖြစ် သည့် အ လျောက် မျိုး ကြဲ ခြင်း၊ အ လေ့ ပေါက် စ ပါး ရိတ် သိမ်း ခြင်း၊ လှပ် ထား သော စ ပျစ် ခြံ အ သီး ဆွတ် ခူး ခြင်း များ ကို မ ပြု ကြ ရ။ Judson Bible ငါးဆယ်မြောက်သောနှစ်သည် ယုဘိလနှစ်ဖြစ်သောကြောင့် လယ်မလုပ်ရ။ အလိုလိုပေါက်သော အပင်ကိုမျှမရိတ်ရ။ မသုတ်သင်သော စပျစ်ဥယျာဉ်အသီးကိုမျှ မဆွတ်ရ။ |
သင့်အတွက် နိမိတ်လက္ခဏာကား ဤသို့ဖြစ်၏။ ယခုနှစ်တွင် အလေ့ကျပေါက်သောသီးနှံများကို စားရမည်။ ဒုတိယနှစ်တွင် ထိုသီးနှံတို့မှပြန်ပေါက်သောသီးနှံများကို စားရမည်။ တတိယနှစ်တွင်မူ မျိုးကြဲကြလော့၊ ရိတ်သိမ်းကြလော့၊ စပျစ်ပင်ကိုစိုက်ကြလော့၊ စပျစ်သီးကိုစားကြလော့။
သင်တို့သည် ငါးဆယ်မြောက်နှစ်ကို သန့်ရှင်းစေ၍ ထိုပြည်၌နေထိုင်သောသူအပေါင်းတို့ လွတ်လပ်ခွင့်ရကြောင်း တစ်ပြည်လုံးကြေညာရမည်။ ထိုနှစ်သည် သင်တို့အဖို့ မင်္ဂလာရတုနှစ်ဖြစ်၍ သင်တို့အသီးသီး မိမိပိုင်ဆိုင်ရာမြေသို့လည်းကောင်း၊ မိမိမျိုးနွယ်စုထံသို့လည်းကောင်း ပြန်ရမည်။
အကြောင်းမူကား ထိုမင်္ဂလာရတုနှစ်သည် သင်တို့အဖို့ သန့်ရှင်းရမည်။ သင်တို့သည် လယ်ယာမှအလေ့ကျပေါက်သောအပင်၏အသီးအနှံကိုသာ စားရမည်။
ထိုသူသည် မိမိလယ်ယာကို မင်္ဂလာရတုနှစ်၌ ဆက်ကပ်လိုလျှင် သင်ဖြတ်သည့်တန်ဖိုးအတိုင်း တည်စေရမည်။