ယောရှု 2:5 - မြန်မာ့စံမီသမ္မာကျမ်း ညဥ့်နက်တံခါးပိတ်ခါနီးတွင် သူတို့ထွက်သွားကြပါ၏။ အဘယ်အရပ်သို့သွားကြသည်ကို မသိပါ။ သူတို့နောက်သို့ အလျင်အမြန်လိုက်ကြပါလော့။ မီကောင်းမီနိုင်လိမ့်မည်”ဟု ဆိုလေ၏။ Judson Bible မိုးချုပ်၍ တံခါးပိတ်ချိန်ရှိသောအခါ၊ သူတို့သည် ထွက်သွားကြပါ၏။ အဘယ်အရပ်သို့ ထွက်သွားသည်ကို မသိပါ။ အလျင်အမြန် လိုက်ကြလော့။ မီကောင်း မီပါလိမ့်မည်ဟု ပြန်ပြော၏။ |
ဂျေရုဆလင်မြို့တံခါးများကို ဥပုသ်နေ့မတိုင်မီတစ်ရက် မှောင်ရီပျိုးအချိန်မှစ၍ ပိတ်ထားရမည်။ ထိုတံခါးတို့ကို ဥပုသ်နေ့ကုန်မှပြန်ဖွင့်ရမည်ဟု ငါမှာထား၏။ ဥပုသ်နေ့တွင် အထုပ်အပိုးများ မသယ်ဆောင်လာရန် မြို့တံခါးများတွင် ငါ့လူအချို့ကို အစောင့်ချထား၏။
လူမျိုးတကာတို့၏ဥစ္စာပစ္စည်းကို သင့်ထံသို့ယူဆောင်လာနိုင်မည့်အကြောင်း၊ သူတို့၏ရှင်ဘုရင်များကို သင့်ထံသို့ခေါ်ဆောင်လာနိုင်မည့်အကြောင်း သင်၏တံခါးတို့ကို ပိတ်မထားရ၊ နေ့နေ့ညညအစဉ်ဖွင့်ထားရမည်။
ထာဝရဘုရားက “ထိုနေ့ရက်၊ ထိုအချိန်၌ အသက်ရှင်ကျန်ရစ်သောသူတို့ကို ငါခွင့်လွှတ်မည်ဖြစ်၍ အစ္စရေးလူမျိုး၏ဒုစရိုက်ကို ရှာသော်လည်း တွေ့မည်မဟုတ်။ ယုဒလူမျိုး၏အပြစ်ကိုရှာသော်လည်း တွေ့မည်မဟုတ်”ဟု မိန့်တော်မူ၏။
မြစ်ကမ်းဘေးတစ်ဖက်တစ်ချက်တွင် သီးပင်စားပင်အမျိုးမျိုး ပေါက်ရောက်လိမ့်မည်။ သန့်ရှင်းရာဌာနမှစီးလာသော မြစ်ရေကို ရရှိသောကြောင့် အပင်တို့သည် အရွက်မညှိုးနွမ်း၊ အသီးလည်း မပြတ်။ လစဉ်အသီးသီးလိမ့်မည်။ အသီးသည် စားဖို့၊ အရွက်သည် အနာရောဂါပျောက်ကင်းဖို့ ဖြစ်လိမ့်မည်”ဟု ဆို၏။
ရာခပ်သည် ထိုသူနှစ်ယောက်ကို ဝှက်ထားနှင့်ပြီးဖြစ်၍ မင်းမှုထမ်းတို့အား “ထိုသူတို့သည် ကျွန်မထံသို့ရောက်လာကြသည်မှာ မှန်ပါ၏။ သို့ရာတွင် သူတို့ အဘယ်ကလာကြသည်ကို ကျွန်မ မသိပါ။
ရာခပ်သည် ထိုသူတို့ကို ခေါင်မိုးပြင်သို့တက်စေပြီး ခေါင်မိုးပြင်၌ ဖြန့်ထားသောဗီသွာရိုးများအောက်၌ ဝှက်ထားနှင့်ပြီ။
မင်းမှုထမ်းတို့သည် ဂျော်ဒန်မြစ်နံဘေးလမ်းအတိုင်း ရေတိမ်ပိုင်းအထိ ထိုသူတို့နောက်သို့ လိုက်ကြ၏။ မြို့ပြင်သို့ရောက်သည်နှင့် မြို့တံခါးလည်းပိတ်သွား၏။
ထိုနေရာ၌ ညမရှိသောကြောင့် မြို့တံခါးများကို မည်သည့်နေ့ရက်တွင်မျှ ပိတ်ထားခြင်းမရှိ။
ရှောလုမင်းကြီးသည် ဒါဝိဒ်ကို ဖမ်းဆီးရန် တမန်တို့ကို စေလွှတ်သောအခါ မိခါလက “သူ နေမကောင်းပါ”ဟု ပြောလွှတ်လိုက်၏။