1Tantara 1 - DIEM PROTESTANTA

LISITRA ARA-TETIARANA Hatreo amin’i Adama ka hatrany amin’ny terak’i Hesao

¹ I Adàma no rain’i Seta; i Seta no rain’i Enôsa;

² i Enôsa no rain’i Kenàna; i Kenàna no rain’i Mahalalela; i Mahalalela no rain’i Jareda,

³ i Jareda no rain’i Henôka; i Henôka no rain’i Metosela; i Metosela no rain’i Lamèka; ary i Lamèka no rain’i Noà.

⁴ Ny zanakalahin’i Noà dia i Sema sy i Hama ary i Jafeta.

⁵ Ny zanakalahin’i Jafeta dia i Gômera sy i Magôga, i Maday sy i Javàna, i Tobala, i Mesèka ary i Tirasa.

⁶ Ny zanakalahin’i Gômera dia i Askenaza sy i Difata ary i Tôgarmà.

⁷ Ny zanakalahin’i Javàna dia i Elisà sy i Tarsisy ary i Kitima sy i Rôdanima.

⁸ Ny zanakalahin’i Hama dia i Kosy sy i Mitsiraîma ary i Pota sy i Kanahàna.

⁹ Ny zanakalahin’i Kosy dia i Seba sy i Havilà, i Sabtà sy i Rahemà ary i Sabtekà; ny zanakalahin’i Rehamà dia i Sebà sy i Dedàna.

¹⁰ I Kosy koa no ray niteraka an’i Nimrôda izay nanjary lehilahy mahery mpanapaka voalohany teto ambonin’ny tany.

¹¹ I Mitsiraîma no razambe nipoiran’ny Lodita sy ny Hanamita, ny Lehabita sy ny Neftohita,

¹² ny Patrôsita sy ny Kaslohita ary ny Kaftôrita; ka ny Kaftôrita no niavian’ny Filistinina.

¹³ I Kanahàna no ray niteraka an’i Tsidôna (lahimatoany) sy i Heta;

¹⁴ i Kanahàna koa no razambe nipoiran’ny Jebosita sy ny Amôrita, ny Girgasîta

¹⁵ sy ny Hivita, ny Harkita sy ny Sinîta,

¹⁶ ny Arvadita sy ny Tsemarita ary ny Hamatîta.

¹⁷ Ny zanakalahin’i Sema dia i Helama sy i Asora, i Arama sy i Arpaksada, i Loda sy i Arama, i Hotsa sy i Hola ary i Getera sy i Mesèka.

¹⁸ I Arpaksada no ray niteraka an’i Kaina; i Kaina no ray niteraka an’i Salà; i Salà no ray niteraka an’i Hebera.

¹⁹ i Hebera niteraka zanaka roa lahy: ny anaran’ny voalohany dia i Pelega (izay midika hoe «Fizarana») satria tamin’ny androny no nizara ny olombelona teto an-tany; ary i Jôktàna no anaran’ny rahalahiny.

²⁰ I Jôktàna no ray niteraka an’i Almôdada sy i Salefa, i Hatsarmavety sy i Jarà,

²¹ i Hadôrama sy i Ozala, i Diklà

²² sy i Hebala, i Abimaela sy i Sebà

²³ mbamin’i Ofîra sy i Havilà ary i Jôbaba: ireo no zanakalahin’i Jôktàna.

²⁴ I Sema no rain’i Arpaksada; i Arpaksada no rain’i Sela;

²⁵ i Sela no rain’i Hebera; i Hebera no rain’i Pelega; i Pelega no rain-dRehò;

²⁶ i Rehò no rain’i Seroga; i Seroga no rain’i Nahôra; i Nahôra no rain’i Tera;

²⁷ i Tera no rain’i Abrama izay hantsoina koa hoe Abrahama.

²⁸ Ny zanakalahin’i Abrahama dia i Itsehàka sy i Jismahela.

²⁹ Ireto avy no taranak’izy telo mianaka: I Nebaiôta no lahimatoan’i Jismahela, dia i Kedara sy i Abdeola, i Mibsama

³⁰ sy i Mismà, i Domà sy i Masà, i Hadada

³¹ sy i Jetora ary i Nafisa sy i Kedmà: ireo no zanakalahin’i Jismahela.

³² Ny zanakalahy naterak’i Ketorà, vadikelin’i Abrahama, dia i Zimràna, i Jôksàna, i Medàna, i Midiàna, i Jisbàka ary i Soha. Ny zanakalahin’i Jôksàna dia i Sebà sy i Dedàna.

³³ Ny zanakalahin’i Midiàna dia i Hefà sy i Hefèra, i Hanôka sy i Abidà ary i Eldahà. Ireo rehetra ireo no taranak’i Ketorà.

³⁴ I Abrahama no ray niteraka an’i Itsehàka. Ny zanakalahin’i Itsehàka dia i Hesao sy i Israely.

³⁵ Ny zanalahin’i Hesao dia Elifaza sy i Rehoela, i Jehisa sy i Jahelama ary i Kôrà.

³⁶ Ny zanakalahin’i Elifaza dia i Temàna sy i Omara, i Tsefao sy i Gahetama, i Kenaza sy i Timnà ary i Hamalèka.

³⁷ Ny zanakalahin-dRehoela dia i Nahata sy i Zerà ary i Samà sy i Mizrà.

³⁸ Ny zanakalahin’i Sehira dia i Lôtàna sy i Sôbala, i Tsibehôna (izay rain’i Hanà sady raiben’i Disôna), i Etsèra ary i Disàna.

³⁹ Ny zanakalahin’i Lôtàna dia i Hôrỳ sy i Hômàna. I Lôtàna dia nanana anabavy atao hoe Timnà.

⁴⁰ Ny zanakalahin’i Sôbala dia i Haliàna sy i Manahata, i Hebala sy i Sefao ary i Ônama. Ny zanakalahin’i Tsibehôna dia i Aià sy i Hanà.

⁴¹ Ny zanakalahin’i Hanà dia i Disôna; ny zanakalahin’i Disôna dia i Hamràna sy i Esbàna ary i Jitràna sy i Keràna.

⁴² Ny zanakalahin’i Etsera dia i Bilehàna sy i Zahavàna ary i Jahakano. Ny zanakalahin’i Disàna dia i Hotsy sy i Aràna.

Ireo mpanjaka sy lehibe tao Edôma

⁴³ Ary ireto kosa ny mpanjaka izay nanjaka tao amin’ny tany Edôma talohan’ny nanjakana mpanjaka tamin’ny Israelita: i Belà zanakalahin’i Behôra, ka i Dinihabà no anaran’ny tanàna fiaviany.

⁴⁴ Rehefa maty i Belà, dia nanjaka nandimby azy i Jôbaba, zanakalahin’i Zerà, avy ao Bôtserà.

⁴⁵ Rehefa maty i Jôbaba, dia nanjaka nandimby azy i Hosama avy amin’ny tanin’ny Temanîta.

⁴⁶ Rehefa maty i Hosama, dia nanjaka nandimby azy i Hadada zanakalahin’i Bedada, ka i Havita no anaran’ny tanàna fiaviany: izy no namely ny Midianita tao amin’ny tanin’i Môaba.

⁴⁷ Rehefa maty i Hadada, dia nanjaka nandimby azy i Samlà avy any Masrekà.

⁴⁸ Rehefa maty i Samlà, dia nanjaka nandimby azy i Saoly avy any Rehôbôta amoron’ny renirano.

⁴⁹ Rehefa maty i Saoly, dia nanjaka nandimby azy i Bahala-Hanàna zanakalahin’i Hakbôra.

⁵⁰ Rehefa maty i Bahala-Hanàna, dia nanjaka nandimby azy i Hadada; ka i Pahò no anaran’ny tanàna fiaviany, ary i Mehetabeela no anaran’ny vadiny, zanakavavin’i Matreda sady zafikelin’i Me-Zahaba.

⁵¹ Ary rehefa maty i Hadada, dia ireto no lehibem-poko nitondra an’i Edôma: i Timnà sy i Halvà, i Jeteta

⁵² sy i Ohôlibamà, i Elà sy i Pinôna,

⁵³ i Kenaza sy i Temàna, Mibitsara

⁵⁴ sy i Magdiela ary i Hirama; ireo no lehibem-poko nitondra an’i Edôma.