Salamo 1 - Baiboly KatolikaSALAMO 1 Lalana roa 1 Sambatra ny olona tsy mandeha amin’ny fisainan’ny tsy mpivavaka, tsy mijanona amin’ny lalan’ny mpanota, ary tsy mipetraka amin’ny mpaniratsira; 2 fa ny lalàn’i Iaveh no ifaliany, sady saintsaininy andro aman’alina. 3 Tahaka ny hazo nambolena eo amoron’ny ranovelona izy, ka ny voany tonga amin’ny fotoany; ny raviny tsy mba malazo; ny ataony rehetra vanona avokoa. 4 Tsy mba toy izany ny tsy mpivavaka: toy ny akofa faohin’ny rivotra izy, 5 ka tsy hahatsangana amin’ny andron’ny fitsarana ny tsy mpivavaka, na eo amin’ny fiangonan’ny olo-marina, ny mpanota. 6 Satria ny lalan’ny marina fantatr’i Iaveh fa ny lalan’ny mpanota mitarika ho amin’ny fahaverezana. |
Baiboly Katolika © La Société Biblique Malgache, 2003.
Malagasy Bible Society