Rota 4:14 - DIEM PROTESTANTA

¹⁴ Dia hoy ireo vehivavy tao Betlehema tamin’i Nahômỳ: –Hisaorana anie ny TOMPO fa tsy navelany tsy hanan-kavana mahavotra ianao ankehitriny! Halaza eo amin’i Israely anie ny anaran’ny zafinao!

Baiboly Protestanta Malagasy 2011

¹⁴ Ary hoy ireo vehivavy tamin’i Naomy: Isaorana anie NY TOMPO izay tsy namela anao androany tsy hanan-kavana mahavotra, ary aoka hambara eo amin’ny Israely ny anarany!

Dikateny Iombonana Eto Madagasikara

¹⁴ Dia hoy ireo vehivavy tao Betlehema tamin’i Nahômỳ: –Hisaorana anie ny TOMPO fa tsy navelany tsy hanan-kavana mahavotra ianao ankehitriny! Halaza eo amin’i Israely anie ny anaran’ny zafinao!

Baiboly Katolika

¹⁴ Dia hoy ny vehivavy tamin’i Nôemì: «Hisaorana anie i Iaveh fa tsy navelany tsy hanam-panavotra ianao ankehitriny. Hankalazaina anie ny anarany eo amin’i Israely!

Baiboly Protestanta Malagasy

¹⁴ Ary hoy ireo vehivavy tamin’i Naomy: Isaorana anie Jehovah, Izay tsy namela anao andro-any tsy hanan-kavana mahavotra, ary aoka halaza ny anarany eo amin’ny Isiraely.

Malagasy Bible

¹⁴ Ary hoy ireo vehivavy tamin'i Naomy: Isaorana anie Jehovah, Izay tsy namela anao androany tsy hanan-kavana mahavotra, ary aoka halaza ny anarany eo amin'ny Isiraely.

Rota 4:14 Rohy Ifampitohizana

Genesisy 12:2

Hataoko firenena lehibe ianao; hitahy anao Aho ka hampahalaza ny anaranao. Hanjary fitahiana ho an’ny hafa ianao.

Genesisy 24:27

nanao hoe: –Hisaorana anie Ianao, ry TOMPO Andriamanitr’i Abrahama tompoko, fa tsy namela ny fitiavanao sy ny toetranao mahatoky hiala tamin’ny tompoko Ianao, fa teny an-dalana aho dia nentinao hankaty amin’ny tranon’ireo havan’ny tompoko.

Genesisy 29:35

Fa mbola bevohòka indray izy, dia niteraka zazalahy fahefatra, ka nanao hoe: –Amin’ity kosa dia hidera ny TOMPO aho. Dia nataony hoe Joda ny anarany. Dia nitsahatra tsy niteraka intsony izy.

Lioka 1:58

Ny mpiara-monina sy ny lafin-kavana dia samy nahare fa nanehoan’ny Tompo hatsaram-po lehibe i Elizabeta ka niara-paly taminy.

Romana 12:15

Miaraha mifaly amin’izay mifaly, miaraha mitomany amin’izay mitomany.

1Korintiana 12:26

Koa raha mijaly ny zavatra anankiray anisan’ny tena, dia miara-mijaly avokoa ny zavatra rehetra anisan’ny tena; fa raha omem-boninahitra ny zavatra anankiray anisan’ny tena, dia miara-mifaly avokoa ny zavatra rehetra anisan’ny tena.

1Tesaloniana 5:18

misaora an’Andriamanitra amin’ny zavatra rehetra, fa izany no sitrak’Andriamanitra hataonareo tafaray amin’i Kristy Jesoa.

2Tesaloniana 1:3

Tsy maintsy velom-pisaorana mandrakariva an’Andriamanitra izahay, ry havana, noho ny aminareo. Mendrika hataonay izany satria mandroso fatratra ny finoanareo ary mitombo hatrany ny fifankatiavanareo rehetra.