Nomery 26:65 - DIEM PROTESTANTA

⁶⁵ satria ny TOMPO efa nilaza fa ho faty any an-taniefitra ireo. Koa tsy nisy niangana tamin’ireo, afa-tsy i Kaleba zanakalahin’i Jefone ary i Josoa zanakalahin’i Nona.

Baiboly Protestanta Malagasy 2011

⁶⁵ Fa NY TOMPO efa nilaza tamin’izy ireo hoe: Ho faty any an-tany efitra tokoa ireo. Koa tsy nisy olona sisa tamin’ireny afa-tsy i Kaleba, zanak’i Jefone, sy i Josoa, zanak’i Nona, ihany.

Dikateny Iombonana Eto Madagasikara

⁶⁵ satria ny TOMPO efa nilaza fa ho faty any an-taniefitra ireo. Koa tsy nisy niangana tamin’ireo, afa-tsy i Kaleba zanakalahin’i Jefone ary i Josoa zanakalahin’i Nona.

Baiboly Katolika

⁶⁵ Fa ireny efa nilazan’i Iaveh hoe: Ho faty any an’efitra; ka tsy nisy sisa intsony tamin’ireny, afa-tsy i Kaleba, zanak’i Jefone, sy i Jôsoe zanak’i Nona.

Baiboly Protestanta Malagasy

⁶⁵ Fa Jehovah efa nilaza azy hoe: Ho faty any an-efitra tokoa ireo. Koa dia tsy nisy olona sisa tamin’ireny afa-tsy Kaleba, zanak’i Jefone, sy Josoa, zanak’i Nona, ihany.

Malagasy Bible

⁶⁵ Fa Jehovah efa nilaza azy hoe: Ho faty any an-efitra tokoa ireo. Koa dia tsy nisy olona sisa tamin'ireny afa-tsy Kaleba, zanak'i Jefone, sy Josoa, zanak'i Nona, ihany.

Nomery 26:65 Rohy Ifampitohizana

Salamo 37:9

Satria hofongorana ireo mpanao ratsy, fa izay matoky ny TOMPO no handova ny tany.

Eksodosy 12:37

Niala avy tao an-tanàna Rahamsesa ny Israelita ka nizotra ho any Sokôta; lehilahy mahery misy andiany eninjato eo ho eo no isany, afa-tsy ny zaza amam-behivavy sy ny antitra.

Nomery 14:26

Niteny tamin’i Mosesy sy i Aharôna indray ny TOMPO ka nanao hoe:

Nomery 14:32

Ianareo izany ho faty ka hiampatrampatra amin’ity taniefitra ity;

Nomery 14:35

Izaho TOMPO no efa niteny, ka mianiana Aho fa hataoko tokoa amin’ity fiangonana ratsy sy niodina tamiko ity izany: atỳ an-taniefitra no hiafarany sy hahafatesany.»

Nomery 14:38

Fa i Josoa zanakalahin’i Nona sy i Kaleba zanakalahin’i Jefonè no sisa velona tamin’ireo nandeha nisafo ny tany.

Nomery 27:3

–Maty tany an-taniefitra ny rainay, nefa tsy mba isan’ny tarik’i Kôra izay niara-nioko hiodina tamin’ny TOMPO; fa matin’ny fahotany ihany izy, nefa tsy nanan-janakalahy.

Nomery 34:19

Izao avy ny anaran’izy ireo: ho an’ny fokon’i Joda dia i Kaleba zanakalahin’i Jefone;

Romana 11:22

Jereo àry fa sady mora fo Andriamanitra no sarotiny: sarotiny amin’izay lavo Izy, fa mora fo aminao kosa raha mitoetra ao amin’ny hamoram-pony ianao; fa raha tsy mitoetra ao ianao, dia hoesorina koa.

Deoteronomia 1:36

Tsy hisy hahita azy afa-tsy i Kaleba, zanakalahin’i Jefone; ary dia izy sy ireo zanany no homeko ny faritany izay efa nodiaviny, satria nanaraka tanteraka Ahy TOMPO i Kaleba.»

Josoa 5:4

Fony niala tany Ejipta ny vahoaka Israelita, ny lehilahy rehetra mahatam-piadiana dia samy efa voafora avokoa; nefa maty teny an-dalana tany an-taniefitra avokoa ireo. Fa ny zazalahy teraka teny an-dalana tany an-taniefitra kosa dia tsy mbola nisy voafora: izany no anton’ny namoran’i Josoa azy.

Joda 1:5

Na dia efa fantatrareo aza ny zavatra rehetra, dia tiako hampahatsiarovina anareo ireto: rehefa novonjen’ny Tompo tanteraka ho afaka tany Ejipta ny vahokany, dia naringany ihany tatỳ aoriana izay tsy nino,