Nomery 20:20 - DIEM PROTESTANTA

²⁰ Fa novalian’ny mpanjakan’i Edôma hoe: –Tsy mahazo mandalo eo ianareo. Dia nivoaka nitsena azy niaraka tamin’ny vahoaka marobe nirongo fiadiana ny Edômita.

Baiboly Protestanta Malagasy 2011

²⁰ Hoy anefa ny navaliny: Tsy mahazo mandalo eto ianao! Ary niainga hisakana azy ny Edomita ka nitondra vahoaka betsaka sady nampiseho hery be.

Dikateny Iombonana Eto Madagasikara

²⁰ Fa novalian’ny mpanjakan’i Edôma hoe: –Tsy mahazo mandalo eo ianareo. Dia nivoaka nitsena azy niaraka tamin’ny vahoaka marobe nirongo fiadiana ny Edômita.

Baiboly Katolika

²⁰ Hoy ny navaliny: «Tsy handalo ianao» sady nivoaka hitsena azy i Edôma, nombam-bahoaka be sy tafika mahery.

Baiboly Protestanta Malagasy

²⁰ Fa hoy izy: Tsy mahazo mandalo atỳ hianao. Ary nivoaka hisakana azy ny Edomita nitondra vahoaka betsaka sady nanao tàna-mahery.

Malagasy Bible

²⁰ Fa hoy izy: Tsy mahazo mandalo atỳ ianao. Ary nivoaka hisakana azy ny Edomita nitondra vahoaka betsaka sady nanao tàna-mahery.

Nomery 20:20 Rohy Ifampitohizana

Genesisy 27:41

Ary nankahalain’i Hesao i Jakôba, satria nahazo ny tsodranon-drainy; ka hoy i Hesao anakampo hoe: «Efa akaiky ny andro hisaonana an’i dada, ary amin’izay no hamonoako an’i Jakôba rahalahiko.»

Genesisy 32:6

Manana omby sy boriky sy ondry aman’osy aho ary koa mpanompo lahy sy vavy maro. Nandefa ireto irako ireto aho hampilaza aminao tompokolahy mba handraisanao ahy tsara.»

Salamo 120:7

Vao itenenako fiadanana izy, dia mila ady amiko foana.

Amosa 1:11

Izao no lazain’ny TOMPO: «Fahotana mifanesy no vitan’ny mponin’i Edôma, fa indrindra ity anankiray ity: Nenjehiny hotrobarana sabatra ny Israelita rahalahiny sady tsy nananany antra akory; tsy nisy fetra ny fahatezerany namiravira, ary nitahiry lolom-po mandrakariva izy. Noho izany, dia tsy hahemotro ny sazy momba azy:

Nomery 20:18

Fa hoy ny mpanjakan’i Edôma namaly azy: –Tsy mahazo mandalo ny taniko ianareo; fa raha tsy izany, dia ady no hitsenako anareo.

Nomery 20:21

Toy izany no tsy namelan’i Edômita ny Israelita handalo eo amin’ny taniny; koa dia lalan-kafa no nizorany.

Mpitsara 11:17

Tao izy no nandefa iraka nangataka tamin’ny mpanjakan’i Edôma mba hahazo hamaky ny faritaniny, saingy tsy navelany. Ary nandefa fangatahana toy izany koa tamin’ny mpanjakan’i Môaba izy nefa tsy nekeny; ka dia nipetraka tao Kadesy ny Israelita.

Mpitsara 11:20

Tsy natoky ny Israelita i Sihôna ka tsy namela azy hamakivaky ny taniny; fa namory ny tafiny manontolo, dia nitoby tao Jahatsa ary nanafika ny Israelita.