Nomery 14:40 - DIEM PROTESTANTA

⁴⁰ Ny ampitso vao maraina, dia niakatra tany an-tendrombohitra izy ireo sady nanao hoe: –Tena nanota tokoa izahay, fa izao kosa dia vonona hiakatra hankany amin’ny toerana voatondron’ny TOMPO.

Baiboly Protestanta Malagasy 2011

⁴⁰ Ary nifoha vao maraina izy dia niakatra tany an-tampon’ny tendrombohitra ka niteny hoe: Indreto izahay hiakatra ho any amin’ny tany izay nolazain’NY TOMPO, fa efa nanota izahay!

Dikateny Iombonana Eto Madagasikara

⁴⁰ Ny ampitso vao maraina, dia niakatra tany an-tendrombohitra izy ireo sady nanao hoe: –Tena nanota tokoa izahay, fa izao kosa dia vonona hiakatra hankany amin’ny toerana voatondron’ny TOMPO.

Baiboly Katolika

⁴⁰ Nifoha maraina koa izy ireo, dia niakatra tany an-tampon’ny tendrombohitra, ka nanao hoe: «Indreto izahay hiakatra any amin’ny fitoerana voalazan’i Iaveh, fa efa nanota izahay.»

Baiboly Protestanta Malagasy

⁴⁰ Dia nifoha maraina koa izy ary niakatra tany an-tampon’ny tendrombohitra ka nanao hoe: Indreto izahay hiakatra ho any amin’ny tany izay nolazain’i Jehovah, fa efa nanota izahay.

Malagasy Bible

⁴⁰ Dia nifoha maraina koa izy ary niakatra tany an-tampon'ny tendrombohitra ka nanao hoe: Indreto izahay hiakatra ho any amin'ny tany izay nolazain'i Jehovah, fa efa nanota izahay.

Nomery 14:40 Rohy Ifampitohizana

Mpitoriteny 9:3

Mitovy avokoa ny manjo ny olona rehetra: io no loza amin’izay rehetra atao eto ambonin’ny tany. Feno faharatsiana ny fon’ny olona ka fahadalana no ao aminy mandritra ny fiainany; avy eo anefa dia ho any amin’ny maty no hiafarany.

Nomery 15:30

«Fa raha Israelita na vahiny kosa no manao fanahy iniana manota ka manamavo Ahy TOMPO, dia hofongorana tsy ho anisan’ny vahoakako izy.

Nomery 22:34

Dia hoy i Balahama tamin’ilay anjelin’ny TOMPO: –Nanota aho satria tsy nahafantatra fa ianao no nisakan-dalana ahy. Koa ankehitriny raha tsy tianao ny hankanesako any, dia hiverina hody aho.

Lioka 13:25

Rehefa nitsangana nanidy varavarana ny tompon-trano no ianareo mbola any alatrano, dia handondòm-baravarana ianareo hanao hoe: «Mba vohay izahay, tompoko ô!» Fa hovaliany hoe: «Tsy fantatro izay fiavianareo.»

Deoteronomia 1:41

Ho setrin’izany kosa dia hoy ianareo tamiko: «Efa nanota tamin’ny TOMPO izahay! Hiakatra ihany izahay ka hiady, araka izay rehetra nandidian’ny TOMPO Andriamanitray anay.» Dia samy nivonona tamin’ny fiadiany avy ianareo rehetra, ka nataonareo ho mora ny hananika izany faritra havoana izany.

Deoteronomia 1:43

Dia niteny taminareo aho fa tsy nohenoinareo; nolavinareo ny tenin’ny TOMPO, ary nanao sahisahy ianareo ka nananika iny faritra havoana iny.