Matio 26:61 - DIEM PROTESTANTA

⁶¹ ka nanao hoe: –Izao no voalazan’ilay io; azoko ravana ity tempolin’Andriamanitra ity ary haoriko indray ao anatin’ny telo andro.

Baiboly Protestanta Malagasy 2011

⁶¹ Ilehity dia nilaza hoe: Mahay mandrava ny tempolin’Andriamanitra Aho sy manangana azy ao anatin’ny hateloana.

Dikateny Iombonana Eto Madagasikara

⁶¹ ka nanao hoe: –Izao no voalazan’ilay io; azoko ravana ity tempolin’Andriamanitra ity ary haoriko indray ao anatin’ny telo andro.

Baiboly Katolika

⁶¹ ka nanao hoe: «Ilay io nilaza hoe: Mahay mandrava ny Tempolin’Andriamanitra Aho, ary mahay manangana azy amin’ny hateloana indray.»

Baiboly Protestanta Malagasy

⁶¹ Ilehity nanao hoe: Mahay mandrava ny tempolin’Andriamanitra Aho sy manangana azy amin’ny hateloana.

Malagasy Bible

⁶¹ Ilehity nanao hoe: Mahay mandrava ny tempolin'Andriamanitra Aho sy manangana azy amin'ny hateloana.

Matio 26:61 Rohy Ifampitohizana

Genesisy 19:9

Fa hoy ny navalin’ireo azy: –Mialà teo ianao, ianao izay tonga hivahiny indray ve no hanao lalàna ho anay ankehitriny! Hasianay ratsy lavitra noho ireo ianao. Dia nanosika mafy an’i Lôta ireo mba hisesika hamaky ny varavarana.

1Mpanjaka 22:27

ka lazao ireo fa baiko avy amiko ny hanaovana ity olona ity an-tranomaizina ary ny hamahanana azy mofo kely sy rano kely fotsiny mandra-piveriko soa aman-tsara.

2Mpanjaka 9:11

Ary nivoaka ny efitrano i Jehò, dia niverina nankeo amin’ny manamboninahitra hafa ka nanontanian’ireo hoe: –Tsara ihany ve ianao? Fa inona no notadiavin’ilay adala iny taminao? Hoy kosa ny navalin’i Jehò azy: –Fantatrareo ihany iny lehilahy iny sy ny redirediny.

Isaia 49:7

Ny TOMPO Mpanavotra sady Masin’i Israely, dia miteny aminao, ry voaeson’ny olona sy ankahalain’ny firenen-kafa, ary andevozin’ireo mpanjakazaka; ka izao no lazainy aminao: «Raha vao mahita anao ny mpanjaka dia hitsangana hiala amin’ny sezafiandrianany; ary hiankohoka ny manampahefana, raha vao mahatazana anao. Izany no hanajany Ahy TOMPO mahatoky, dia Ilay Masin’i Israely efa nifidy anao.»

Isaia 53:3

Notsiratsiraina sy nolavin’ny olona izy; lehilahy tototry ny fahoriana sady ilomam-pijaliana tahaka izay tsy tian-kojerena akory. Eny, notsiratsiraina izy ka tsy mba nahoantsika.

Matio 12:24

Nony nandre izany kosa ny Farisianina, dia niteny hoe: –Tsy misy androahan’ilay io ny demony, afa-tsy fahefana avy amin’i Belzeboba, filohan’ny demony!

Matio 26:62

Dia nitsangana ny mpisorombe ary niteny tamin’i Jesoa hoe: –Tsy mamaly na inona na inona ve Ianao? Inona no iampangan’ireo Anao?

Matio 26:71

Dia lasa nankeo am-bavahady i Petera; kanjo nisy vehivavy mpiasa anankiray hafa nahatazana azy ary niteny tamin’izay teo hoe: –Io rangahy io koa niaraka tamin’i Jesoa, Ilay avy any Nazareta.

Matio 27:40

ka nanao hoe: –Ry Ilay mandrava ny tempoly sy manorina azy anatin’ny telo andro ity, vonjeo ny tenanao, raha Zanak’Andriamanitra tokoa Ianao, ary midîna avy eo amin’ny hazofijaliana!

Matio 27:5

Sady nanipy ny vola tao amin’ny Toeramasina i Jodasy no niala teo, ary dia lasa nananton-tena.

Marka 14:58

–Renay ilay io nanao hoe: «Horavako ity tempoly nataon-tanan’olombelona ity, ary ao anatin’ny telo andro, dia hanorina hafa tsy nataon-tanan’olombelona Aho.»

Marka 15:29

Dia nanevateva an’i Jesoa ny mpandalo sady nanifikifi-doha ka nanao hoe: –Sakoizay, ry Ilay hoe mandrava ny tempolin’Andriamanitra ary manangana azy ao anatin’ny telo andro!

Lioka 23:2

ary nanomboka niampanga Azy nanao hoe: –Ity olona ity hitanay manakorontana ny firenenay sy mandrara tsy handoa hetra amin’ny amperôra rômanina ary mihambo ny tenany ho Mesia mpanjaka.

Jaona 9:29

Fantatray fa i Mosesy dia nitenenan’Andriamanitra; ilay iny kosa tsy fantatray izay ipoirany.

Asan’ny Apostoly 17:18

Nisy koa filôzôfy epikorianina sy stôisianina nifanakalo hevitra taminy, ka hoy ny sasany hoe: –Inona no tian’ity mpirediredy holazaina? Ny sasany kosa, nony nandre an’i Paoly nanambara ny Vaovao Mahafaly momba an’i Jesoa sy ny fitsanganan’ny maty, dia niteny hoe: –Toa andriamanitra vahiny no torîny!

Asan’ny Apostoly 18:13

ka nanao hoe: –Mitaona ny olona hanaraka fivavahana mifanohitra amin’ny lalànan’i Mosesy io lehilahy io!

Asan’ny Apostoly 22:22

Nihaino an’i Paoly hatrany hatrany ny olona; fa nony mby tamin’ireo teny ireo, dia velona antsoantso mafy hoe: –Esory amin’ny tany ny karazan’olona toy itony, fa tsy mendrika ho velona!