Levitikosy 1:17 - DIEM PROTESTANTA

¹⁷ ary hosamahiny anelanelan’ny elany fa tsy hosarahiny roa tanteraka ilay vorona, ka hodorany hanetona eo ambonin’ny alitara, dia eo ambonin’ny kitay izay napetraka tambony vainafo. Sorona dorana manontolo izany, dia sorona levonina amin’ny afo ho hanitra ankasitrahina ho an’ny TOMPO.

Baiboly Protestanta Malagasy 2011

¹⁷ Hosamahiny ny elany nefa tsy hotapahiny hiala amin’ny vatany; ary ny mpisorona dia handoro azy ho fofona eo ambonin’ny alitara, ambonin’ny kitay eo amin’ny afo; fanatitra dorana manontolo izany, fanatitra levonina amin’ny afo ho hanitra ankasitrahana ho an’NY TOMPO.

Dikateny Iombonana Eto Madagasikara

¹⁷ ary hosamahiny anelanelan’ny elany fa tsy hosarahiny roa tanteraka ilay vorona, ka hodorany hanetona eo ambonin’ny alitara, dia eo ambonin’ny kitay izay napetraka tambony vainafo. Sorona dorana manontolo izany, dia sorona levonina amin’ny afo ho hanitra ankasitrahina ho an’ny TOMPO.

Baiboly Katolika

¹⁷ Izay vao hosamahiny amin’ny elany ny vorona, tsy hatao hentitra, dia hodoran’ny mpisorona hanetona eo ambonin’ny ôtely, eo ambonin’ny kitay hazo voatohoka amin’ny afo. Sorona dorana izany, dia sorona atao amin’ny afo, ho hanitra ankasitrahin’i Iaveh.

Baiboly Protestanta Malagasy

¹⁷ ary hosamahiny amin’ny elany no fameraka azy, fa tsy hohenteriny; ary ny mpisorona handoro azy ho fofona eo ambonin’ny alitara, ambonin’ny kitay izay eo amin ny afo; fanatitra dorana izany, dia fanatitra atao amin’ny afo ho hanitra ankasitrahana ho an’i Jehovah.

Malagasy Bible

¹⁷ ary hosamahany amin'ny elany no fameraka azy, fa tsy hohenteriny; ary ny mpisorona handoro azy ho fofona eo ambonin'ny alitara, ambonin'ny kitay izay eo amin'ny afo; fanatitra dorana izany, dia fanatitra atao amin'ny afo ho hanitra ankasitrahana ho an'i Jehovah.

Levitikosy 1:17 Rohy Ifampitohizana

Genesisy 15:10

Dia nentin’i Abrama teo amin’ny TOMPO ireo rehetra ireo, ary nosasahiny teo afovoany afa-tsy ny vorona ka napetrany mifanatrika ny tapany avy.

Genesisy 8:21

Ary nony ren’ny TOMPO ilay hanitra ankasitrahiny, dia hoy IZY anakampo hoe: «Tsy mba hanozona ny tany intsony Aho noho ny amin’ny olombelona. Eny, manomboka amin’ny fahatanorany, dia mirona ho amin’ny ratsy ny fon’ny olombelona; koa tsy hamely ny miaina rehetra intsony toy izay nataoko Aho.

Salamo 16:10

satria Ianao tsy manary ahy ho rembin’ny fonenan’ny maty sady tsy mamela ahy hogiazan’ny fasana noho izaho tena mpivavaka aminao.

Levitikosy 1:13

Izay mpanolotra no hanasa ny taovany sy ny tongony; fa ilay mpisorona kosa no hitondra azy rehetra ka handoro azy hanetona eo ambonin’ny alitara. Sorona dorana manontolo izany, dia sorona levonina amin’ny afo ho hanitra ankasitrahina ho an’ny TOMPO.

Levitikosy 2:2

Hoentiny ho amin’ireo mpisorona taranak’i Aharôna izany; dia handraoka eran-tanan’ila amin’ny lafarinina voararaka menaka sy handraoka manontolo ny vovoka zava-manitra ireo, ka handoro izany fanati-pahatsiarovana izany hanetona eo ambonin’ny alitara. Fanatitra levonina amin’ny afo izany ho hanitra ankasitrahina ho an’ny TOMPO.

Levitikosy 3:5

Ireo taranak’i Aharôna kosa handoro izany hanetona eo ambonin’ny alitara, miaraka amin’ireo sorona dorana manontolo eo ambonin’ny kitay mirehitra. Sakafo levonina amin’ny afo ho hanitra ankasitrahina ho an’ny TOMPO izany.

Levitikosy 5:8

Hoentin’ilay olona ireo vorona ireo ho eo amin’ny mpisorona. Ka ny hatolotry ny mpisorona aloha dia ilay sorona fanalana ny ota: hofolahiny amin’ny hoho ny lohany, eo akaikin’ny hatony, saingy tsy hataony tangarana;

Levitikosy 6:14

Haroana menaka izany koba izany, dia hendasina amin’ny lapoaly; ary rehefa voaendy izy, dia vakivakîna, vao atao fanatitra ho hanitra ankasitrahina ho Ahy Tompo.

Levitikosy 8:21

nodorany hanetona koa ny tsinainy sy ny tongony rehefa avy nosasany. Indray nodorany hanetona teo ambonin’ny alitara ilay ondrilahy: sorona dorana manontolo izany, dia sorona levonina amin’ny afo hanitra ankasitrahina ho an’ny TOMPO, araka izay efa nandidiany an’i Mosesy.

Levitikosy 9:13

Ary ny sorona dorana manontolo voarasa sy ny lohany dia natolotr’ireo azy tsirairay, ka nodorana hanetona teo ambonin’ny alitara.

Nomery 15:3

dia hanao sorona dorana manontolo ho Ahy TOMPO, na koa sorona hafa ho fanalam-boady, na fanatitra an-tsitrapo, na fanatitra amin’ny fety. Hofidinareo hatao sorona amin’izany na omby na ondry na osy, ka hanetona ho hanitra hankasitrahina ho AHY.

Nomery 28:8

Ny zanak’ondry faharoa kosa dia hatolotra ho an’ny TOMPO amin’ny hariva, ka hampiarahina amin’ireo fanatitra lafarinina sy divay toy ny tamin’ny maraina; ho sakafo dorana ho an’ny TOMPO izany ka hanetona ho hanitra hankasitrahiny.

Matio 27:50

Fa niantso tamin’ny feo mahery indray i Jesoa, dia niala aina.

Jaona 19:30

Rehefa nanandrana ny vinaingitra Izy dia nanao hoe: –Vita ny zavatra rehetra! Dia nanondri-doha Izy ka nanolotra ny fanahiny.

Romana 4:25

Fa natolotra ho faty noho ny fahotantsika i Jesoa ary natsangana ho velona mba hahatonga antsika ho olo-marina eo imason’Andriamanitra.

1Petera 3:18

Fa i Kristy koa dia efa maty indray mandeha monja ho fanalana ny ota: ny Marina no efa maty hamonjy ny tsy marina, mba hitondra antsika ho amin’Andriamanitra. Novonoina tao amin’ny nofo i Kristy, fa novelomina araka ny Fanahy Masina.