Levitikosy 1:15 - DIEM PROTESTANTA

¹⁵ Hoentin’ny mpisorona ho eo amin’ny alitara izany, ka hotapahiny ny lohany, dia hodorany hanetona eo ambonin’ny alitara; ary hofiazany hiraraka eo amin’ny rindrin’ny alitara ny rany.

Baiboly Protestanta Malagasy 2011

¹⁵ Haterin’ny mpisorona ho eo amin’ny alitara izany, dia hotapahiny ny lohany ka hodorany ho fofona eo ambonin’ny alitara sady hofiazany eo amin’ny rindrin’ny alitara ny rany.

Dikateny Iombonana Eto Madagasikara

¹⁵ Hoentin’ny mpisorona ho eo amin’ny alitara izany, ka hotapahiny ny lohany, dia hodorany hanetona eo ambonin’ny alitara; ary hofiazany hiraraka eo amin’ny rindrin’ny alitara ny rany.

Baiboly Katolika

¹⁵ Hoentin’ny mpisorona eo amin’ny ôtely ny vorona, ka hofolahiny amin’ny hohony ny lohany, dia hodorany hanetona eo ambonin’ny ôtely, ary hofiazany amin’ny rindrin’ny ôtely ny rany.

Baiboly Protestanta Malagasy

¹⁵ Ary haterin’ny mpisorona ho eo amin’ny alitara izany, ka hotapahiny amin’ny hoho ny lohany, dia hodorany ho fofona eo ambonin’ny alitara, ary hofiazany eo amin’ny rindrin’ny alitara ny rany;

Malagasy Bible

¹⁵ Ary haterin'ny mpisorona ho eo amin'ny alitara izany, ka hotapahiny amin'ny hoho ny lohany, dia hodorany ho fofona eo ambonin'ny alitara, ary hofiazany eo amin'ny rindrin'ny alitara ny ràny;

Levitikosy 1:15 Rohy Ifampitohizana

Salamo 22:1

Tao amin’ny tahirin-kiran’ny filohan’antoko-mpihira. Hohiraina araka ny feon’ny hoe «Ny dieravavy, fony mazavatsinanana». Salamo nataon’i Davida.

Salamo 22:21

Afaho tsy ho ritra tankina ny aiko, arovy aho tsy ho rembin’ireo alika,

Salamo 73:10

Noho izany, na dia ny vahoakan’Andriamanitra aza dia lasa mirona mankany amin’ireo ary migoka ny teniny toa rano fisotro.

Isaia 53:10

Fa sitraky ny TOMPO ny hahatorotoro ilay mpanompony ka izany no nampiaretany azy fangirifiriana. Fa rehefa nanolo-tena ho sorom-panorenana izy, dia hahita taranaka sy ho ela velona; ary amin’ny alalan’io mpanompony io rahateo no hahatanteraka ny sitrapon’ny TOMPO.

1Jaona 2:27

Ianareo kosa, dia ny Fanahy Masina efa noraisinareo avy tamin’i Kristy no mitoetra ao anatinareo, ka tsy mila hampianarin’olona ianareo. Fa ny Fanahy Masina avy amin’i Kristy no mampianatra anareo ny amin’ny zavatra rehetra, ary zavatra marim-pototra fa tsy lainga no ampianariny; ka tomoera ao anatin’i Kristy ianareo, araka ny nampianaran’ny Fanahy Masina anareo.

Mpitsara 6:38

Dia tanteraka tokoa araka izany; fa raha nifoha maraina i Gidehôna ny ampitso ka nofiazany ny volon’ondry, dia nisy ranon’ando tokony hahafeno kaopy iray.