Jeremia 44:23 - DIEM PROTESTANTA

²³ Izao loza izao no mihatra aminareo dia noho ny nanoloranareo zava-manitra mifangaro ho an’ny andriamani-kafa sy nanotanareo tamin’ny TOMPO: tsy nihaino izay nolazainy taminareo manko ianareo sady tsy nanaraka ny lalànany sy ny didiny ary ny fampitandremany.

Baiboly Protestanta Malagasy 2011

²³ Noho ny nandoroanareo ditin-kazo manitra sy ny nanotanareo tamin’NY TOMPO, fa tsy nihaino ny feon’NY TOMPO ianareo, na nandeha araka ny lalànany sy ny didiny ary ny teny vavolombelony, dia izany no nahatonga izao loza izao taminareo tahaka ny amin’izao anio izao.

Dikateny Iombonana Eto Madagasikara

²³ Izao loza izao no mihatra aminareo dia noho ny nanoloranareo zava-manitra mifangaro ho an’ny andriamani-kafa sy nanotanareo tamin’ny TOMPO: tsy nihaino izay nolazainy taminareo manko ianareo sady tsy nanaraka ny lalànany sy ny didiny ary ny fampitandremany.

Baiboly Katolika

²³ Satria ianareo nanolotra emboka manitra sy nanota tamin’i Iaveh, fa tsy nihaino ny feon’i Iaveh, ny lalàny sy ny fitsipika aman-didiny; dia noho izany no niharan’izao loza manjò anareo izao ianareo, araka izao hita anio izao.»

Baiboly Protestanta Malagasy

²³ Noho ny nandoroanareo ditin-kazo manitra sy ny nanotanareo tamin’i Jehovah, fa tsy nihaino ny feon’i Jehovah, na nandeha araka ny lalàny sy ny didiny ary ny teny vavolombelony hianareo, dia izany no nahatonga izao loza izao taminareo tahaka ny amin’izao anio izao.

Malagasy Bible

²³ Noho ny nandoroanareo ditin-kazo manitra sy ny nanotanareo tamin'i Jehovah, fa tsy nihaino ny feon'i Jehovah, na nandeha araka ny lalàny sy ny didiny ary ny teny vavolombelony ianareo, dia izany no nahatonga izao loza izao taminareo tahaka ny amin'izao anio izao,

Jeremia 44:23 Rohy Ifampitohizana

1Mpanjaka 9:9

Ary hisy olona hamaly hoe: «Satria nilaozan’ny Israelita ny TOMPO Andriamaniny, dia Ilay nitondra ny razany niala tany Ejipta; ary nifikitra tamin’andriamani-kafa ireo sady niankohoka teo anatrehany sy nanompo azy, ka dia nampiharan’ny TOMPO izao loza isan-karazany izao.»

2Mpanjaka 17:15

Nolaviny ny lalànan’Andriamanitra sy ny fanekempihavanana izay nataony tamin’ny razany ary ny fampitandremana nananarany azy. Nanenjika zava-poana izy ka dia tonga zava-poana koa; ary nanaraka ny hafa firenena manodidina azy sady efa nandraran’ny TOMPO azy tsy hotahafina.

2Tantara 36:16

Saingy nihomehezan’ny vahoaka ireo irak’Andriamanitra sady nozimbazimbainy ny teniny; noesoesoiny ny mpaminaniny mandra-pihatry ny fahatezeran’ny TOMPO taminy ka tsy nisy fanafany intsony.

Nehemia 13:18

Nanao ratsy toy izao ny razanareo ka dia nahatran’Andriamanitsika amintsika sy amin’ity tanàna ity izao loza rehetra izao. Ianareo kosa, noho ny tsy anajanareo ny sabata, dia efa mampitombo ny fahatezeran’Andriamanitra amin’i Israely.

Salamo 119:136

Izaho dia mamarin-dranomaso, satria tsy voatandrina ny lalànanao.

Salamo 119:150

Ireo mpanenjika ahy manatona heloka; ny lalànanao kosa halaviriny.

Salamo 119:155

Lavitra ny olon-dratsy ny famonjena, satria tsy ny lalànanao no katsahiny.

Salamo 78:10

Tsy nitandro ny fanekempihavanana nifanaovany tamin’Andriamanitra izy, fa tsy nety hanaraka ny lalànany;

Salamo 78:56

Nefa nihantsy an’Andriamanitra Avo Indrindra izy ka nikomy taminy sy nandika ny didiny;

Jeremia 26:4

Koa ambarao azy hoe: Izao no lazain’ny TOMPO: ‹Mihainoa Ahy ianareo ka araho ny lalàna izay nomeko anareo;

Jeremia 40:3

Ary ankehitriny dia notanterahin’ny TOMPO tokoa izay nambarany, noho ny nanotanareo taminy sy tsy nankatoavanareo izay nolazainy. Izany no nahatonga izao zavatra izao taminareo.

Jeremia 44:10

Mandraka androany dia tsy mbola nisy na iray aza nanenina na nanaja Ahy ka nanaraka ny lalànako sy ny fitsipiko izay nomeko anareo sy ny razanareo.› »

Jeremia 44:18

Nefa hatramin’izay tsy nanoloranay fanatitra zava-manitra mifangaro sy divay ho an’ny mpanjakavavin’ny lanitra izay, dia tsy manana na inona na inona intsony izahay sady matin’ny ady sy ny mosary.

Jeremia 44:2

«Izao no lazain’ny TOMPOn’izao rehetra izao sady Andriamanitr’i Israely: ‹Hitanareo ny loza rehetra izay nampihariko tamin’i Jerosalema sy ireo tanàna hafa rehetra tany Joda. Ankehitriny ireny dia efa lao sady tsy misy mponina intsony ao aminy,

Jeremia 44:21

–Moa tsy efa nanolotra ireny fanatitra ireny tany an-tanànan’i Joda sy teny an-dalamben’i Jerosalema tokoa ve ny tenanareo sy ny ray aman-dreninareo ary ny mpanjakanareo sy ny mpitondra anareo mbamin’ny sarambabem-bahoaka? Koa heverinareo va fa tsy hitan’ny TOMPO sady hadinony ireny?

Jeremia 44:3

satria nampahasosotra Ahy ny mponina tao tamin’ireo ratsy nataony, fa nandeha nanao sorona sy nanompo ireo andriamani-kafa izay tsy misy ifandraisana aminy na aminareo na amin’ny razanareo akory izy.

Jeremia 44:8

Moa mitady hampahasosotra Ahy va ianareo amin’ny asan-tananareo sy ny fanoloranareo sorona ho an’ireo andriamani-kafa ao amin’ny tany Ejipta izay ialokalofanareo? Sa tianareo haringana ny tenanareo ka ho tonga oha-panozonana sy oha-pandatsana any amin’ny firenen-kafa rehetra eran-tany!

Fitomaniana 1:8

Efa nanota dia nanota i Jerosalema, ka izany no mahatonga azy ho fako maharikoriko. Izay rehetra nanaja azy mamingavinga satria mahita azy mitanjaka. Na ny tenany aza dia misento sady lasa nihodina.

Daniela 9:13

Araka izay voasoratra tao amin’ny lalànan’i Mosesy, ireo loza rehetra ireo dia tonga taminay, kanefa tsy nifona teo anatrehanao Tompo Andriamanitray izahay mba hialanay amin’ny helokay sady tsy niraika akory tamin’ny fahamarinanao.

1Korintiana 10:20

Tsia, fa ny zavatra atao sorona amin’ny sampy dia aterina ho an’ny demony fa tsy ho an’Andriamanitra; ka tsy tiako ho mpiombona amin’ny demony ianareo.

2Korintiana 6:16

Ahoana no hifandraisan’ny tempolin’Andriamanitra amin’ny sampy? Fa isika no tempolin’Andriamanitra velona, araka ny voalazan’Andriamanitra hoe: «Honina eo aminy Aho ary handeha eo afovoany, dia ho Andriamaniny Aho ary izy ireo ho vahoakako.»