Jeremia 36:4 - DIEM PROTESTANTA

⁴ Dia niantso an’i Baròka zanakalahin’i Nerià i Jeremià, ka nanonona taminy ny hafatra rehetra izay nampitondrain’ny TOMPO azy; ary nosoratan’i Baròka tamin’ny horonan-taratasy ireny.

Baiboly Protestanta Malagasy 2011

⁴ Ary niantso an’i Baroka, zanak’i Neria i Jeremia; dia nosoratan’i Baroka tamin’ny horonan-taratasy ny tenin’NY TOMPO rehetra avy tamin’ny vavan’i Jeremia, dia izay efa nolazain’NY TOMPO taminy.

Dikateny Iombonana Eto Madagasikara

⁴ Dia niantso an’i Baròka zanakalahin’i Nerià i Jeremià, ka nanonona taminy ny hafatra rehetra izay nampitondrain’ny TOMPO azy; ary nosoratan’i Baròka tamin’ny horonan-taratasy ireny.

Baiboly Katolika

⁴ Dia niantso an’i Baròka zanak’i Nerià, i Jeremia, ka ny teny rehetra nolazain’i Iaveh tamin’i Jeremia, dia nosoratan’i Baròka tamin’ny horonan-taratasy araka ny nanononany azy.

Baiboly Protestanta Malagasy

⁴ Ary Jeremia niantso an’i Baroka, zanak’i Neria; ary dia nosoratan’i Baroka tamin’ny horonan-taratasy ny tenin’i Jehovah rehetra avy tamin’ny vavan’i Jeremia, dia izay efa nolazainy taminy.

Malagasy Bible

⁴ Ary Jeremia niantso an'i Baroka, zanak'i Neria, ary dia nosoratan'i Baroka tamin'ny horonan-taratasy ny tenin'i Jehovah rehetra avy tamin'ny vavan'i Jeremia, dia izay efa nolazainy taminy.

Jeremia 36:4 Rohy Ifampitohizana

Isaia 30:8

Hoy kosa ny Tompo tamin’i Isaià: «Ankehitriny, ndeha soraty amin’ny fafana izany eo anatrehan’ny mponin’i Jerosalema, ka ataovy raki-tsoratra ho vavolombelona haharitra hatrany amin’ny andro ho avy.

Isaia 8:1

Ary hoy ny TOMPO tamiko: –Mandraisa takela-tanimanga iray lehibe, dia soraty araka ny fanaon’ny olona izao: «Ho an’i Mahera-Salala-Hasy-Baza» na hoe «Ho an’i Faingàna hamabo-Dodòna handroba.»

Jeremia 25:13

Hataoko mihatra amin’izany tany izany ny loza rehetra izay efa nolazaiko. Voasoratra ao anatin’ity boky ity ireny, dia araka izay efa nambaran’ny mpaminany Jeremià ny amin’ny firenena rehetra.

Jeremia 30:2

«Izao no lazain’ny TOMPO Andriamanitr’i Israely: Ataovy an-tsoratra izay hafatra rehetra efa nampitaiko taminao.

Jeremia 32:12

ka natolotro an’i Baròka, zanakalahin’i Nerià sady zafikelin’i Mahaseià, teo imason’i Hanamèla zana-drahalahin-draiko sy teo imason’ireo vavolombelona izay niara-nanao sonia ny taratasy fivarotana ary teo imason’ireo Jiosy rehetra nipetraka teo an-kianja fiambenana.

Jeremia 36:14

Koa naniraka an’i Jehodỳ, zanakalahin’i Netanià sy zafikelin’i Selemià sady zafiafin’i Kosy ireo mpitondra fanjakana ireo mba hiantso an’i Baròka ho tonga ao aminy miaraka amin’ny horonan-taratasy eny am-pelatanany. Dia nentin’i Baròka ny horonan-taratasy ary nankany aminy izy.

Jeremia 36:21

Dia naniraka an’i Jehodỳ ny mpanjaka mba haka ilay horonan-taratasy tao amin’ny biraon’i Elisamà. Koa nalain’i Jehodỳ ny horonan-taratasy ary novakîny mafy teo anatrehan’ny mpanjaka sy ireo mpitondra fanjakana ambony rehetra izay nipetraka teo anilany.

Jeremia 36:23

Koa isaky ny mahavaky toko telo na efatra i Jehodỳ, dia notapatapahin’ny mpanjaka tamin’ny antsipîka ireny ka natsipiny tao anaty afo; koa farany dia tapitra may avokoa ny horonan-taratasy manontolo.

Jeremia 36:26

fa vao mainka aza nomeny baiko i Jerahimèla, andriana zanakalahin’ny mpanjaka, sy i Seraià zanakalahin’i Hazriela sy i Selemià zanakalahin’i Habdèla mba hisambotra an’i Baròka mpanoratra sy i Jeremià mpaminany; saingy ny TOMPO efa nanafina azy roa lahy.

Jeremia 36:27

Taorian’ny nandoroan’ny mpanjaka ny horonan-taratasy nisy ny hafatra rehetra izay nosoratan’i Baròka avy tamin’ny fanononan’i Jeremià, dia tonga tamin’i Jeremià ny baikon’ny TOMPO nanao hoe:

Jeremia 36:28

«Makà horonan-taratasy iray hafa ianao ka soraty ao ireo hafatra rehetra tamin’ny horonan-taratasy voalohany izay nodoran’i Jôiakima mpanjakan’i Joda.

Jeremia 36:32

Dia naka horonan-taratasy iray hafa i Jeremià ka nomeny an’i Baròka, zanakalahin’i Nera sady mpanoratra. Ary nosoratany tao izay notononin’i Jeremià, dia ireo hafatra rehetra izay efa tao amin’ilay boky nodoran’i Jôiakima mpanjakan’i Joda; sady mbola niampy hafatra maro tahaka ireny koa.

Jeremia 36:6

Fa ianao kosa, mankanesa ao amin’ny andron’ny fifadian-kanina, dia vakio mafy ao ny hafatry ny TOMPO izay efa notononiko ka efa voasoratrao, ary ataovy ren’ny olona ao amin’ny tempoly mbamin’izay rehetra tonga avy amin’ireo tanànan’i Joda izany.

Jeremia 43:3

I Baròka, zanakalahin’i Nerià, no nanome saina anao hamely anay, fa tiany ho voatolotra eo an-tanan’ny Babilônianina izahay mba hamonoany anay ho faty na hitondrany anay ho babo any Babilôna.

Jeremia 51:59

I Seraià, zanakalahin’i Nerià sady zafikelin’i Mahaseià, no lehiben’ny tobin’i Tsedekià mpanjakan’i Joda. Koa ny taona fahefatra nanjakan’i Tsedekià dia nanaraka ny mpanjaka tany Babilôna izy. Nosoratan’i Jeremià tamin’ny horonan-taratasy ny loza rehetra izay hamely an’i Babilôna, dia ireo fanambarana rehetra momba izany! Dia nanome baiko an’i Seraià i Jeremià hoe:

Ezekiela 2:9

Dia indro hitako nisy tanana iray nitsotra nanatona ahy sady nitana boky iray miendrika horonan-taratasy.

Daniela 7:1

Tamin’ny taona voalohany nanjakan’i Belsatsara tao Babilôna dia nanonofy i Daniela ary nahazo fahitana teo am-pandriany. Nosoratany ny nofy ary notantarainy araka izao manaraka izao:

Zakaria 5:1

Nanopy maso indray aho, ka indro hitako nisy horonam-boky manidina.

Romana 16:22

Noho isika tafaray amin’ny Tompo, izaho Tersy izay nanao an-tsoratra ity taratasy ity dia manao veloma anareo.