Jeremia 27:18 - DIEM PROTESTANTA

¹⁸ Sady nampian’i Jeremià hoe: «Raha mpaminany tokoa ireo olona ireo, ka tena mitondra ny hafatra avy amin’ny TOMPO, dia aoka izy hangataka amin’ny TOMPOn’izao rehetra izao mba tsy havelany hoentina any Babilôna ireo fanaka sarobidy sisa mbola ao an-tranon’ny TOMPO sy ao an-dapan’ny mpanjakan’i Joda na eto an-tanàna.

Baiboly Protestanta Malagasy 2011

¹⁸ Fa raha mpaminany tokoa ireo, ary raha ao aminy tokoa ny tenin’NY TOMPO dia aoka hifona amin’Andriamanitra, Tompon’izao rehetra izao, Andriamanitry ny Israely, izy, mba tsy ho lasa ho any Babilona koa ny fanaka sisa ao amin’ny tranon’NY TOMPO sy ao an-tranon’ny mpanjakan’ny Joda sy ato Jerosalema.

Dikateny Iombonana Eto Madagasikara

¹⁸ Sady nampian’i Jeremià hoe: «Raha mpaminany tokoa ireo olona ireo, ka tena mitondra ny hafatra avy amin’ny TOMPO, dia aoka izy hangataka amin’ny TOMPOn’izao rehetra izao mba tsy havelany hoentina any Babilôna ireo fanaka sarobidy sisa mbola ao an-tranon’ny TOMPO sy ao an-dapan’ny mpanjakan’i Joda na eto an-tanàna.

Baiboly Katolika

¹⁸ Raha mpaminany izy ireo ka ao aminy tokoa ny tenin’i Iaveh, aoka izy hifona amin’i Iavehn’ny tafika mba tsy ho lasa any Babilôna ny fanaka sisa tavela ao an-tranon’i Iaveh sy ao an-tranon’ny mpanjakan’i Jodà ary ao Jerosalema.

Baiboly Protestanta Malagasy

¹⁸ Fa raha mpaminany tokoa ireo, ary raha ao aminy tokoa ny tenin’i Jehovah, dia aoka hifona amin’i Jehovah, Tompon’ny maro, izy, mba tsy ho lasa ho any Babylona koa ny fanaka sisa ao an-tranon’i Jehovah sy ao an-tranon’ny mpanjakan’ny Joda sy ato Jerosalema.

Malagasy Bible

¹⁸ Fa raha mpaminany tokoa ireo, ary raha ao aminy tokoa ny tenin'i Jehovah, dia aoka hifona amin'i Jehovah, Tompon'ny maro, izy, mba tsy ho lasa ho any Babylona koa ny fanaka sisa ao an-tranon'i Jehovah sy ao an-tranon'ny mpanjakan'ny Joda sy ato Jerosalema

Jeremia 27:18 Rohy Ifampitohizana

Genesisy 20:17

Nataon’ny TOMPO momba koa ny vehivavy rehetra tao an-tranon’i Abimelèka noho ilay raharahan’i Sarà vadin’i Abrahama. Dia nivavaka tamin’Andriamanitra i Abrahama; koa nositranin’Andriamanitra i Abimelèka sy ny vadiny ary ireo mpanompovaviny, ka afa-niteraka indray.

1Mpanjaka 18:24

Hiantso ny anaran’ny andriamanitrareo ianareo, fa izaho kosa hiantso ny anaran’ny TOMPO; koa izay mamaly vavaka amin’ny fandrehetana ny afo no ho tena Andriamanitra. Ary ny vahoaka rehetra namaly hoe: –Marina izany teny izany.

1Mpanjaka 18:26

Dia nalain’ireo ny ombilahy izay nomena azy ka nokarakarainy hatao sorona; ary niantso ny anaran’i Bahala izy hatramin’ny maraina ka mandra-pitataovovonan’ny andro nanao hoe: «Ry Bahala ô, mamalia anay!» Kanjo tsy nisy nanoina na namaly akory. Ary nihinjakinjaka nanodidina ny alitara namboariny izy.

2Tantara 32:20

Noho izany toe-javatra izany dia nivavaka i Hezekià mpanjaka sy i Isaià mpaminany zanakalahin’i Amôtsa, ka niantso vonjy tamin’Andriamanitra.

Jeremia 15:1

Ary hoy ny TOMPO tamiko: –Na dia i Mosesy sy i Samoela aza no mitsangana manelanelana eto amiko, dia tsy handefitra amin’ity vahoaka ity Aho. Roahy hiala eto anatrehako izy mba handeha any!

Jeremia 18:20

Moa tokony hovaliana ratsy ve ny soa? Nefa izy manomana fandrika hamely ahy Ianao kosa, ry Tompo, aoka hahatsiaro fa nitsangana nitaraina teo anatrehanao aho mba hialan’ny fahatezeranao taminy.

Jeremia 42:2

dia nanatona an’i Jeremià mpaminany ka niteny taminy hoe: –Mba ekeo re ny fiangaviana ataonay eto anatrehanao, ka mivavaha amin’ny TOMPO Andriamanitrao ho anay rehetra sisa tavela ireto satria vitsy kely izahay araka izao hitanao maso izao.

Jeremia 7:16

Ianao kosa, ry Jeremià, aza mivavaka amiko ho an’ity vahoaka ity intsony na mampakatra fitarainana sy fifonana ho azy, fa tsy hihaino anao Aho.

Ezekiela 14:14

Ary na dia misy telo lahy toa an’i Noà sy i Daniela ary i Jôba aza eo anivon’ireo mponina ireo, dia tsy haharo afa-tsy ny ainy ihany ny fahamarinan’ireo. Teny hentitra avy amiko Tompo ANDRIANANAHARY izany.

Ezekiela 22:30

Nokarohiko izay vonona hanangana ny manda na izay vonona hijanona eo amin’ny bangan’ny manda mba hifona eo anatrehako ho an’ny tany sy hisakana Ahy tsy handrava azy; nefa tsy nahita Aho.

Malakia 1:9

Koa ankehitriny, ry mpisorona, mifonà amiko Andriamanitrareo ange ianareo, raha toa ka mba hiantra ny vahoakako Aho. Noho izay nataon’ny tananareo izay, moa heverinareo ve fa hihaino anareo Izaho TOMPOn’izao rehetra izao? Sanatria izany!

1Samoela 12:19

Dia hoy ny besinimaro tamin’i Samoela: –Ivavaho amin’ny TOMPO Andriamanitrao izahay mba tsy ho faty, fa fahotana maro no efa vitanay ankoatra ny fangatahanay mpanjaka ho anay.

1Samoela 12:23

Fa ny amiko kosa, dia sanatriaviko ny hanota amin’ny TOMPO ka hijanona tsy hivavaka ho anareo. Ary hatoroko anareo hatrany ny lalana tsara sy mahitsy.

1Samoela 7:8

ka nanao tamin’i Samoela hoe: –Aza arianao izahay, fa mivavaha amin’ny TOMPO Andriamanitsika ho anay, mba hamonjeny anay tsy ho voagejan’ny Filistinina.