Jeremia 2:37 - DIEM PROTESTANTA

³⁷ Dia hialanao amin-kenatra koa i Ejipta ka hanaron-tava amin’ny tanana ianao; satria Izaho TOMPO tsy manaiky ny hitadiavanao io karazam-panampiana io, fa tsy hanambina anao izany.

Baiboly Protestanta Malagasy 2011

³⁷ Hiala amin’izany koa ianao ka hiloloha tanana; fa nolavin’NY TOMPO ny zavatra maro nitokisanao ka tsy hahomby miaraka amin’ireo ianao.

Dikateny Iombonana Eto Madagasikara

³⁷ Dia hialanao amin-kenatra koa i Ejipta ka hanaron-tava amin’ny tanana ianao; satria Izaho TOMPO tsy manaiky ny hitadiavanao io karazam-panampiana io, fa tsy hanambina anao izany.

Baiboly Katolika

³⁷ Avy any ianao dia hiverina, miloloha tanana; satria nolavin’i Iaveh ry zareo itokianao, ka tsy hahomby ianao miankina amin’ireo.»

Baiboly Protestanta Malagasy

³⁷ Izany koa dia hialanao, ka hiloloha tànana hianao; Fa nolavin’i Jehovah ny tokinao, Ka tsy hambinina amin’ireo hianao.

Malagasy Bible

³⁷ Izany koa dia hialanao, ka hiloloha tanana ianao; Fa nolavin'i Jehovah ny tokinao, ka tsy hambinina amin'ireo ianao.

Jeremia 2:37 Rohy Ifampitohizana

2Samoela 11:12

Ary hoy i Davida tamin’i Orià: –Mijanòna ihany àry atỳ anio. Fa rahampitso dia halefako ianao. Dia nijanona tao Jerosalema hatramin’ny ampitson’iny i Orià.

2Samoela 13:19

Norarahany lavenona ny lohany ary notriariny ny akanjo lava teny aminy; dia niloloha tanana izy sady nikiakiaka nitomany teny am-pandehanana.

2Tantara 13:12

Indro miaraka aminay Andriamanitra mba ho mpitarika anay; ary indreo ny mpisorony vonona hitsoka ny trompetra avo faneno mba hanaingana hamely anareo. Koa aza miady amin’ny TOMPO Andriamanitry ny razanareo, ry Israelita tavaratra, fa tsy hahomby ange ianareo!»

Isaia 10:4

Izao ihany no azonareo atao: hitanondrika miaraka amin’ireo babo na hidaboka miaraka amin’ireo maty. Saingy, na teo aza izany rehetra izany, dia mbola tsy afaka ny fahatezeran’ny TOMPO fa mihinji-tanana mandrahona ihany Izy.

Isaia 28:18

Hofoanana ny fifanekenareo tamin’ny fahafatesana ary tsy hateza ny fifanarahanareo tamin’ny fonenan’ny maty; koa raha mandalo ny loza mifofofo fiavy, dia hanapotika anareo.

Jeremia 14:3

Irahin’ny lehibe mba haka rano ireo mpiasa madinika; tonga eo amin’ny lavaka fantsakana izy nefa tsy mahita rano intsony ka miverina mitondra siny foana, dia menatra sy mangaihay ary diso fanantenana.

Jeremia 14:4

Noho ny fangentan’ny tany fa tsy nisy orana latsaka taminy dia menatra sy diso fanantenana ny tantsaha.

Jeremia 17:5

Izao no lazain’ny TOMPO: –Voaozona izay mitoky amin’olombelona sy miantehitra amin’ny nofo ho heriny ka mampiala ny fony amiko.

Jeremia 2:36

Ahoana no nanovanao faingana ny tetikao? Kanefa ho diso fanantenana amin’i Ejipta ianao tahaka ny nahazo anao tamin’i Asiria.

Jeremia 22:20

Miakara any an-tampon’i Libano ka manaova koka lava, ry Jerosalema; ataovy re any Basàna ny feonao manaova koka lava eny amin’ny havoanan’i Habarima fa potika ny sakaizanao rehetra.

Jeremia 22:30

Izao no lazainy: «Aoka iny lehilahy iny hosoratana ho toy ny tsy niteraka sady tsy nahomby tamin’ny androm-piainany. Fa tsy hisy taranany hahazo hipetraka hanjaka eo amin’ny sezafiandrianan’i Davida na hifehy an’i Joda intsony.»

Jeremia 32:5

Dia hoentina any Babilôna i Tsedekià, ka hijanona any saingy hokarakaraiko, hoy ny teny hentitra avy amiko TOMPO. Fa na dia hanohy hiady amin’ny Babilônianina aza ianareo, dia tsy haharesy azy.»

Fitomaniana 4:17

Mbola vizana ny masonay miandry foana ny famonjena. Nitazana teo an-tilikambo izahay nanantena firenena tsy hahavonjy.

Nomery 14:41

Fa hoy i Mosesy hoe: –Inona no anton’izao? Mandika ny baikon’ny TOMPO ianareo ka tsy hahomby amin’izany mihitsy!