Isaia 20:6 - DIEM PROTESTANTA

⁶ Amin’izany andro izany, dia hiteny ireo mponina amoron-tsiraka hoe: «Jereo ity manjo ny firenena nantenaintsika hialofana sy hitadiavam-bonjy ary hahafaka antsika manoloana ny mpanjakan’i Asiria! Ka aiza indray izao no handosirantsika?»

Baiboly Protestanta Malagasy 2011

⁶ Amin’izany andro izany dia hiteny ny mponina etỳ amoron-dranomasina hoe: E, ity manjo ilay nantenaintsika sady nandosirantsika mba hamonjy antsika ho afaka amin’ny mpanjakan’i Asiria! Aiza intsony re no handosirantsika?

Dikateny Iombonana Eto Madagasikara

⁶ Amin’izany andro izany, dia hiteny ireo mponina amoron-tsiraka hoe: «Jereo ity manjo ny firenena nantenaintsika hialofana sy hitadiavam-bonjy ary hahafaka antsika manoloana ny mpanjakan’i Asiria! Ka aiza indray izao no handosirantsika?»

Baiboly Katolika

⁶ Amin’izany andro izany ny mponina eo amoron’ity ranomasina ity hanao hoe: ‹Izao lahy no nanjò an’ilay niankinantsika, ilay noheverintsika mandositra hohatonina hitady famonjena ary mba ho afaka eo an-tanan’ny mpanjakan’i Asiria? Ary isika indray kosa hataontsika ahoana no hahafa-mandositra?› »

Baiboly Protestanta Malagasy

⁶ Ary amin’izany andro izany ny mponina etỳ amoron-dranomasina dia hanao hoe: He! ity manjo ilay nantenaintsika sady nandosirantsika ho famonjena antsika ho afaka amin’ny mpanjakan’i Asyria! Aiza intsony re no handosirantsika?

Malagasy Bible

⁶ Ary amin'izany andro izany ny mponina etỳ amoron-dranomasina dia hanao hoe: He! ity manjo ilay nantenaintsika sady nandosirantsika ho famonjena antsika ho afaka amin'ny mpanjakan'i Asyria! Aiza intsony re no handosirantsika?

Isaia 20:6 Rohy Ifampitohizana

Joba 22:30

Satria manafaka na dia ny olo-meloka aza Izy; eny, ny fahadiovan’ny tananao no hanafaka azy.

Joba 6:20

Diso fanantenana ireo satria samy nanampo, kanjo nangaihay nony tonga teo.

Isaia 10:3

Amin’ny andro famalian’ny TOMPO, raha ho tonga avy any lavitra ny rambondanitra handrava, inona no azonareo atao, aiza no handosiranareo hitadiavam-bonjy ary aiza no hametrahanareo ny harenareo?

Isaia 28:17

Ny rariny no horaisiko ho hazo mahitsy, ary ny fahamarinana no hataoko pilao. Koa hopaohin’ny havandra ny fiarovan-tsandoka ianteheranareo ary hindaosin’ny rano ny fierenareo.

Jeremia 30:1

Nisy baiko tamin’i Jeremià, dia baiko avy amin’ny TOMPO nanao hoe:

Jeremia 30:7

Loza ity! fa andro mampahatahotra, andro tsy misy toa azy; vanim-potoana mahory ho an’ny taranak’i Jakôba! Nefa ho afaka amin’izany ihany izy.»

Jeremia 31:1

«Rehefa tonga izany fotoana izany, hoy ny teny hentitry ny TOMPO, dia ho Andriamanitry ny foko israelita rehetra Aho, ary izy ho vahoakako.»

Jeremia 4:30

Ary inona ity ataonao, ry Jerosalema? Na miakanjo marevaka aza ianao sy miravaka volamena sady manao manja maso, dia tsy misy ilana ny hatsaran-tarehinao. Fa harian’ireo lehilahy naka anao ianao, sady tadiaviny hovonoina ho faty.

Jeremia 47:4

Tonga ny andro fandravana ny Filistinina rehetra, hany ka tsy misy olona sisa tavela intsony mba hanampy an’i Tiro sy i Sidôna. Ravan’ny TOMPO tokoa ny Filistinina, dia ireo sisa velona avy any amin’ny nosy Kaftôra.

Matio 23:33

–Ry bibilava, tarana-menarana, hataonareo ahoana no fandositra tsy ho voaheloka any amin’ny lohasahan’afo?

1Tesaloniana 5:3

Amin’ny anaovan’ny olona hoe: «Miadana sy mandry feizay ny zavatra rehetra!», amin’iny no hamely azy tampoka ny fandringanana ka tsy ho azony andosirana mihitsy, mova tsy ny fanaintainan’ny vehivavy bevohòka mihetsi-jaza.

Hebreo 2:3

ka hataontsika ahoana no fandositra, raha tsy raharahaintsika ny famonjen-dehibe toy izany? Ny Tompo mihitsy no efa nitory voalohany izany famonjena izany, ary nohamafisin’ireo izay nandre mba ho fanasoavana antsika.