Isaia 19:16 - DIEM PROTESTANTA

¹⁶ Amin’izany andro izany, dia ho tahaka ny olona vavivavy toetra ny Ejiptianina, ka hangovitra noho ny tahotra raha vao maninji-tanana handrahona azy ny TOMPOn’izao rehetra izao.

Baiboly Protestanta Malagasy 2011

¹⁶ Amin’izany andro izany dia ho tahaka ny vehivavy i Ejipta ka ho toran-kovitra sy ho raiki-tahotra noho ny fanaingan’Andriamanitra, Tompon’izao rehetra izao, ny tanany, izay aingainy hamelezany azy.

Dikateny Iombonana Eto Madagasikara

¹⁶ Amin’izany andro izany, dia ho tahaka ny olona vavivavy toetra ny Ejiptianina, ka hangovitra noho ny tahotra raha vao maninji-tanana handrahona azy ny TOMPOn’izao rehetra izao.

Baiboly Katolika

¹⁶ Amin’izany andro izany i Ejipta, hanahaka ny vehivavy; ho toran-kovitra sy ho raiki-tahotra, mahita an’i Iavehn’ny tafika manainga tanana, izay aingainy hamelezana azy.

Baiboly Protestanta Malagasy

¹⁶ Amin’izany andro izany dia ho tahaka ny vehivavy Egypta Ka ho toran-kovitra sy ho raiki-tahotra Noho ny faninjitr’i Jehovah, Tompon’ny maro, ny tànany, Izay ahinjiny hamelezany azy.

Malagasy Bible

¹⁶ Amin'izany andro izany dia ho tahaka ny vehivavy Egypta ka ho toran-kovitra sy ho raiki-tahotra noho ny faninjitr'i Jehovah, Tompon'ny maro, ny tànany, izay ahinjiny hamelezany azy.

Isaia 19:16 Rohy Ifampitohizana

Salamo 48:6

kanjo nahatazana, dia nidonàka, nangorohoro ka riatra nandositra.

Eksodosy 11:6

Hanako eran’i Ejipta ny fidradradradrana lehibe izay tsy mbola nisy toa azy, sady tsy hisy ho toa azy intsony.

Isaia 10:32

Fa androtr’io ihany ny fahavalo dia maka toerana ao Nôba, ka maninji-tanana mandrahona an’i Tsiôna, dia ilay tendrombohitra mampahonena, ilay havoana iorenan’i Jerosalema.

Isaia 11:15

Handritra ny helo-dranomasin’i Ejipta ny TOMPO; haninji-tanana handrahona ny ony Eofrata Izy, ka ny rivo-mahery avy aminy no hizaràny azy hisampantsampana ho sakeli-drano fito izay ho azo diavin-tongotra tsy miala kapa.

Isaia 13:2

Hoy ny TOMPO hoe: «Manangàna faneva eo an-tendrombohitra mangadihady. Ampandreneso amin’ny koka lava ireo mpiady. Hofahofay tanana izy mba hiditra amin’ny vavahadin’ny miaramila manolo-tena.

Isaia 30:17

Fahavalo iray monja no mandrahona, dia hampandositra ny arivo aminareo; ary raha misy dimy aminy no mandrahona dia handositra avokoa ianareo rehetra. Ka singantsingany no sisa ho velona aminareo, tahaka ny famantarana eny an-tampon-tendrombohitra na tahaka ny faneva tavela eny amin’ny havoana.

Jeremia 50:37

Hisy ady hamely ny soavaliny sy ny kalesiny mbamin’ny olona rehetra samy hafa firenena ao aminy, ka halemy toy ny vehivavy izy! Hisy ady hamely ny haren-tsarobidiny, ka ho voaroba ireo!

Jeremia 51:30

Tsy mety hiady intsony ny miaramila kalazan’i Babilôna, fa lasa niery any amin’ny trano fiarovana. Lefy herim-po izy, ka nalemy toy ny vehivavy. Nodorana ny fonenany, potika ny hidim-baravarany.

Obadia 1:9

Dia ho raiki-tahotra mafy ny lehilahy maherinao, ry Temàna; ka haringana avokoa ny mponina ao amin’ny tendrombohitr’i Hesao.

Nahoma 3:13

Indro tonga osa toy ny vehivavy ny lehilahy eo aminao; ary midanadana ho an’ny fahavalonao ny vavahadin’ny taninao, satria kilan’ny afo ny hidiny.

Zakaria 10:11

Hamakivaky ny ranomasim-pahoriana izy; Izaho Tompo kosa hively ny onjan-dranomasina sy hahatankina tanteraka ny onin’ny Neily. Dia haetry ny avonavon’i Asiria, ary ho very fahefana i Ejipta.

Zakaria 2:13

Eny, haninjirako tanana ireo firenena ireo mba ho lasa babon’ireo nandevoziny.» Amin’izay dia hiaiky ianareo fa ny TOMPOn’izao rehetra izao no naniraka ahy.

Zakaria 2:9

Ary hoy ny teny hentitry ny TOMPO hoe: ‹Izaho no ho manda afo manodidina hiaro ny tanàna, ary ny voninahitro no ho eo afovoany›. »

1Korintiana 2:3

Izany no nahatonga ahy ho osa sy natahotra ary nangovitra teo anoloanareo;

2Korintiana 5:11

Fantatray ny atao hoe fahatahorana ny Tompo, ka miezaka hampanaiky ny olona izahay. Tena mahalala anay Andriamanitra, ary antenaiko fa mahalala ahy ao amin’ny fieritreretanareo koa ianareo.

Hebreo 10:31

Zavatra mahatahotra izany ho azon’ny tanan’ilay Andriamanitra velona!