Isaia 18:5 - DIEM PROTESTANTA

⁵ Fa alohan’ny fotoam-pijinjana, rehefa tapitra namelana avokoa ny voaloboka ary rehefa tonga voany mihamasaka ny voniny, dia horantsanana amin’ny hety ny rantsany, ary hotapahina ny sakeliny sy ny raviny.

Baiboly Protestanta Malagasy 2011

⁵ Fa raha mbola tsy tonga ny fararano, rehefa tapitra ny fitsimohany, rehefa tonga voa ny voniny, dia horantsanany amin’ny fanetezam-boaloboka ny rantsany, ary hotapahiny sy hesoriny ny sakeliny.

Dikateny Iombonana Eto Madagasikara

⁵ Fa alohan’ny fotoam-pijinjana, rehefa tapitra namelana avokoa ny voaloboka ary rehefa tonga voany mihamasaka ny voniny, dia horantsanana amin’ny hety ny rantsany, ary hotapahina ny sakeliny sy ny raviny.

Baiboly Katolika

⁵ Fa alohan’ny fijinjana, rehefa tapitra ny famoniana, ka efa tonga sampaho efa ho masaka ny voniny, dia hotapahiny amin’ny antsy ny rantsany, hoesoriny ny sampany dia hotangosany.

Baiboly Protestanta Malagasy

⁵ Fa raha mbola tsy tonga ny fararano, rehefa tapitra ny fitsimohany, Ka efa mby am-boany ny voniny, Dia horantsanany amin’ny fanetezam-boaloboka ny rantsany, Ary hotapahiny sy hesoriny ny sakeliny.

Malagasy Bible

⁵ Fa raha mbola tsy tonga ny fararano, rehefa tapitra ny fitsimohany, ka efa mby am-boany ny voniny, dia horantsanany amin'ny fanetezam-boaloboka ny rantsany, ary hotapahiny sy hesoriny ny sakeliny.

Isaia 18:5 Rohy Ifampitohizana

Tononkiran’i Solomona 2:13

Mihamasaka eny amin’ny aviavy irony voany tanora; ary mamerovero manitra ny voaloboka mamony. Koa mitsangàna, rahavako; ry ilay tsaratarehiko, ndeha hiaraka amiko.

Tononkiran’i Solomona 2:15

«Sambory ka omeo anay ny fosa, dia ireo zanaka fosa mpanimba ny tanimboalobokay fa efa mamony izao ny voalobokay.»

Isaia 10:33

Indro ny Tompo ANDRIAMANITR’izao rehetra izao fa manjera rantsana amin-kerisetra; voakapa ny hazo mijoalajoala, voadaboka ny hazo avo dia avo.

Isaia 27:11

Rehefa maina ny rantsan-kazo, dia hotapahina; ary ho avy ny vehivavy ka handoro azy. Tsy manam-pahalalana tokoa ity firenena ity ka tsy hiantran’ilay Mpahary azy, sady tsy hangorahan’ilay Mpamorona azy.