Hebreo 1:7 - DIEM PROTESTANTA

⁷ Sady izao no voalazan’Andriamanitra momba ny anjely: «Andriamanitra dia nanao ny anjeliny ho rivotra ary ny mpanompony ho lelafo.»

Baiboly Protestanta Malagasy 2011

⁷ Ary ny anjely dia ilazany hoe: «Manao ny anjeliny ho rivotra Izy ary ny mpanompony ho lelafo» (Sal 104.4).

Dikateny Iombonana Eto Madagasikara

⁷ Sady izao no voalazan’Andriamanitra momba ny anjely: «Andriamanitra dia nanao ny anjeliny ho rivotra ary ny mpanompony ho lelafo.»

Baiboly Katolika

⁷ Ny Anjely lazainy hoe: Nanao ny Anjeliny ho rivotra Izy, ary ny mpanompony ho lelafo;

Baiboly Protestanta Malagasy

⁷ Ary ny anjely dia ilazany hoe: ,,Izy manao ny anjeliny ho rivotra, Ary ny mpanompony ho lelafo’’ (Sal. 104.4).

Malagasy Bible

⁷ Ary ny anjely dia ilazany hoe: "Izy manao ny anjeliny ho rivotra, Ary ny mpanompony ho lelafo" (Sal.104. 4).

Hebreo 1:7 Rohy Ifampitohizana

Genesisy 3:24

Rehefa avy nandroaka ny olombelona Izy, dia nametraka teo atsinanan’ny zaridaina ireo kerobima, izay mitondra sabatra misy lelafo midedadeda mba hiambina ny lalana mankany amin’ny hazon’aina.

1Mpanjaka 22:19

Ary hoy indray i Mikaià: –Henoy àry ny tenin’ny TOMPO: Hitako nipetraka teo amin’ny sezafiandrianany manko ny TOMPO; ary ireo anjeliny marobe any an-danitra nijoro teo ankavanany sy teo ankaviany.

2Mpanjaka 2:11

Ary raha mbola nanohy dia sy niresaka iny izy mianaka, dia indro nisy kalesy afo sy soavaly afo nampisaraka azy mianaka; ary i Elià dia nakarina tao anaty tadio ho any ana habakabaka any.

2Mpanjaka 6:17

Avy eo i Elisà dia nivavaka hoe: –TOMPO ô, sokafy re ny mason’ity mpanompoko ity mba hahitany. Dia nosokafan’ny TOMPO ny mason’ilay mpanompo ka hitany ny tendrombohitra feno soavaly sy kalesy afo manodidina an’i Elisà.

Salamo 104:4

nataonao haingam-pandeha toy ny rivotra ny anjelinao, nataonao mirehidrehitra toy ny tselatra ny mpanomponao.

Isaia 6:2

Nisy serafima nitsangana teo amboniny, izay samy manana elatra enina avy: ka ny roa nanakonany endrika, ny roa nanakonany vatana, ary ny roa nanidinany.

Daniela 7:10

Ony afo no nipoitra sy nikoriana avy teo anatrehany. An-tapitrisa ireo nanompo azy ary an-jato tapitrisa no nitsangana teo anatrehany. Dia nipetraka ireo mpitsara ary nosokafana ny boky.

Zakaria 6:5

Dia hoy izy namaly ahy: –Ireo kalesy efatra ireo dia hiroso ho any amin’ny vazan-tany efatra rehefa avy niseho teo anatrehan’ilay Tompon’ny tany tontolo.

Hebreo 1:14

Fa inona moa ny anjely? Fanahy manompo an’Andriamanitra izy rehetra, ka irahiny mba hanasoa ireo olona natao handray famonjena.