Genesisy 41:30 - DIEM PROTESTANTA

³⁰ Avy eo dia hisy taona fito mosarena handimby azy, ka ho hadino ny fahavokarana be nanerana an’i Ejipta fa hamely ny tany kosa ny mosary.

Baiboly Protestanta Malagasy 2011

³⁰ Manaraka izany kosa hisy fito taona hisy mosary ka ho hadino ny fahavokarana be rehetra teo amin’ny tany Ejipta fa ho ritran’ny mosary ny tany.

Dikateny Iombonana Eto Madagasikara

³⁰ Avy eo dia hisy taona fito mosarena handimby azy, ka ho hadino ny fahavokarana be nanerana an’i Ejipta fa hamely ny tany kosa ny mosary.

Baiboly Katolika

³⁰ Manaraka izany, hisy kosa fito taona mosarena, ka amin’ny tany Ejipta ho hadino izany fahavokaram-be rehetra izany, ary ny mosary handevona ny tany.

Baiboly Protestanta Malagasy

³⁰ ary manaraka izany kosa dia hisy fito taona mosarena, ka ho hadino ny fahavokarana be rehetra teo amin’ny tany Egypta ary ho ritry ny mosary ny tany;

Malagasy Bible

³⁰ ary manaraka izany kosa dia hisy fito taona mosarena, ka ho hadino ny fahavokarana be rehetra teo amin'ny tany Egypta ary ho ritry ny mosary ny tany;

Genesisy 41:30 Rohy Ifampitohizana

Genesisy 41:21

Kanjo rehefa nihinana ireny izy fito, dia tsy fantatra akory hoe efa ao an-kibony satria mbola ratsy tarehy toy ny teo aloha ihany no fijery azy. Tamin’izay indrindra no taitra aho.

Genesisy 41:27

Ny ombivavy fito mahia sady ratsy tarehy izay niakatra tafara sy ny salohim-bary fito manakofa sady main’ny rivotra avy any atsinanana dia manambara fito taona koa, saingy fito taona mosarena.

Genesisy 41:31

Satria ho mafy loatra ny mosary dia tsy ho fantatra akory izay taon-jina teo aloha.

Genesisy 41:51

Nantsoin’i Jôsefa hoe Manase ny lahimatoa, fa hoy izy hoe «Nampanadinoin’Andriamanitra ahy ny fahoriako rehetra mbamin’izay rehetra any an-tranon’ny raiko.»

Genesisy 41:54

ary nanomboka kosa ny fito taona mosarena, araka izay efa voalazan’i Jôsefa. Nihatra tamin’ny tany rehetra ny mosary; fa nanerana an’i Ejipta kosa nisy tahirim-bokatra.

Genesisy 41:56

Ary rehefa nanenika an’i Ejipta manontolo ny mosary, dia nasain’i Jôsefa novohana ny fitahirizam-bokatra mba hivarotana vary amin’ny Ejiptianina, satria namely mafy ny mosary manerana an’i Ejipta.

Genesisy 47:13

Ary mafy tokoa ny mosary ka tsy nisy hanina intsony teo amin’ny faritany manontolo. Na tany Ejipta na tany Kanahàna dia efa very hevitra ny olona niatrika ny mosary.

2Samoela 24:13

Dia nankany amin’i Davida i Gada ka nanambara taminy ny hafatr’Andriamanitra nanao hoe: –Mosary fito taona hamelezana ny taninao ve no tianao, sa ny handosiranao telo volana eo anoloan’ny fahavalo izay manenjika anao, sa aretina pesta mandritra ny telo andro eto amin’ny taninao? Koa saino sy hevero tsara izay valin-teny hoentiko amin’Ilay naniraka ahy.

1Mpanjaka 17:1

Ary niteny tamin’i Ahaba mpanjaka i Elià izay Tisbita anisan’ny mponina tao Gilehada hoe: –Velona ny TOMPO Andriamanitr’i Israely izay tompoiko, koa manizingizina aminao aho fa tsy hisy ando na orana hilatsaka eto amin’ireo taona ato ho ato ireo, raha tsy teny avy amiko ihany.

2Mpanjaka 8:1

Indray andro dia niteny tamin’ilay vehivavy nanan-janakalahy maty nefa novelominy indray i Elisà, ka nanao hoe: –Mialà eto ianao sy ny fianakavianao ka mifindrà monina any amin’izay azonareo onenana; fa ny TOMPO handefa mosary eto amin’ny tanin’i Israely, ary efa ho tonga izany ka haharitra fito taona.

Salamo 105:16

Niantso mosary ho amin’ny tany Izy ka nanafoana ny sakafo rehetra.

Ohabolana 31:7

dia hiboboka izy hanadinoany ny fahoriany ary tsy hahatsiarovany ny fahantrany intsony.

Isaia 65:16

Fa izay hifampirary fitahiana eto amin’ity tany ity, dia hifanao izany ao amin’Andriamanitra hany mahatoky; izay hianiana eto amin’ity tany ity, dia hanao izany ao amin’Andriamanitra hany mahatoky. Hoy kosa ny TOMPO hoe: Eny, ireo fahoriana taloha dia hohadinoina sy ho voakosoka tanteraka tsy ho eo imasoko.

Lioka 4:25

Ary izao koa no ambarako tsotra aminareo: marobe ireo mpitondratena teo amin’i Israely tamin’ny andron’i Elià, raha nihantona telo taona sy tapany ny ranonorana ka nahatonga mosary lehibe manerana ny tany;

Jakoba 5:17

Olona tahaka antsika izao ihany i Elià; fa nivavaka mafy izy mba tsy hilatsahan’ny ranonorana amin’ny tany, dia tsy nilatsaka ny ranonorana telo taona sy tapany;