Ezra 3:6 - DIEM PROTESTANTA

⁶ Amin’izao andro voalohan’ny volana fahafito izao ny Israelita no nanomboka nanolotra sorona dorana manontolo ho an’ny TOMPO, na dia mbola tsy nalatsaka akory aza ny fototr’ilay tempolin’ny TOMPO.

Baiboly Protestanta Malagasy 2011

⁶ Tamin’ny andro voalohany tamin’ny volana fahafito no niantomboka nanolotra fanatitra dorana manontolo ho an’NY TOMPO izy ireo. Nefa tsy mbola napetraka tamin’izay ny fanorenan’ny tempolin’NY TOMPO.

Dikateny Iombonana Eto Madagasikara

⁶ Amin’izao andro voalohan’ny volana fahafito izao ny Israelita no nanomboka nanolotra sorona dorana manontolo ho an’ny TOMPO, na dia mbola tsy nalatsaka akory aza ny fototr’ilay tempolin’ny TOMPO.

Baiboly Katolika

⁶ Hatramin’ny andro voalohan’ny volana fahafito, dia efa nanomboka ny manatitra sorona dorana ho an’i Iaveh izy ireo; ny fototry ny tempolin’i Iaveh anefa dia mbola tsy nalatsaka.

Baiboly Protestanta Malagasy

⁶ Tamin’ny andro voalohany tamin’ny volana fahafito no niantomboka nanatitra fanatitra dorana ho an’i Jehovah izy. Nefa tsy mbola natao ny fanorenan’ny tempolin’i Jehovah.

Malagasy Bible

⁶ Tamin'ny andro voalohany tamin'ny volana fahafito no niantomboka nanatitra fanatitra dorana ho an'i Jehovah izy. Nefa tsy mbola natao ny fanorenan'ny tempolin'i Jehovah.

Ezra 3:6 Rohy Ifampitohizana

Ezra 3:5

Taorian’izany dia natolotry ry zareo ny sorona dorana manontolo tsy tapaka sy ny sorona dorana manontolo fanao amin’ny voaloham-bolana na amin’ny fankalazana rehetra voatokana ho an’ny TOMPO ary koa ny avy amin’izay rehetra manao fanatitra an-tsitrapo ho Azy TOMPO.

Ezra 3:7

Dia nomeny vola ny mpipai-bato sy ny mpandrafitra; nomeny hanina amam-pisotro sy menaka ny Tirianina sy ny Tsidônianina mba hitondra hazo sedera avy any Libano ka hitatitra azy an-dranomasina hatrany Jafao. Araka ny fanomezan-dàlana nomen’i Kirôsa amperôran’i Persia no nanaovan’ny Israelita izany.

Levitikosy 23:24

mba hamepetra ny Israelita hoe: «Ny andro voalohan’ny volana fahafito dia ho andro fitsaharana ho anareo; hisy fanompoam-pivavahana hivorianareo amin’izany ka hihobianareo Ahy mba hahatsiarovako anareo.

Levitikosy 23:25

Aza manao ny raharaha andavanandro ianareo fa manolora sorona levonina amin’ny afo ho Ahy TOMPO.»

Nomery 29:1

«Amin’ny andro voalohan’ny volana fahafito dia hisy fivoriana masina ho anareo, ka tsy hanao ny asa fanaonareo andavanandro ianareo fa andro fitsofana trompetra izany.

Nomery 29:2

Ny hatolotrareo ho sorona dorana manontolo, ka hanetona ho hanitra hankasitrahin’ny TOMPO, dia izao: ombilahy iray sy ondrilahy iray avy ary zanak’ondry fito izay samy herintaona avy sady tsy misy kilema.