Ezra 1:6 - DIEM PROTESTANTA

⁶ Ny olona rehetra nifanakaiky taminy dia nanampy azy tamin’ny fanaka volafotsy sy volamena, fananana hafa sy biby fiompy ary zavatra sarobidy mbamin’ny fanomezana an-tsitrapo ho an’ny tempoly.

Baiboly Protestanta Malagasy 2011

⁶ Izay rehetra manodidina dia nampahery azy ireo tamin’ny fanolorana fanaka volafotsy sy volamena, fanaka hafa, biby fiompy ary zava-tsoa mbamin’izay rehetra nateriny an-tsitrapo.

Dikateny Iombonana Eto Madagasikara

⁶ Ny olona rehetra nifanakaiky taminy dia nanampy azy tamin’ny fanaka volafotsy sy volamena, fananana hafa sy biby fiompy ary zavatra sarobidy mbamin’ny fanomezana an-tsitrapo ho an’ny tempoly.

Baiboly Katolika

⁶ Samy nanampy azy ireo avokoa ny olona nifanakaiky taminy, tamin’ny fanaka volafotsy, volamena, fanaka hafa, biby fiompy ary zavatra sarobidy, mbamin’ny fanomezana an-tsitrapo rehetra.

Baiboly Protestanta Malagasy

⁶ Ary izay rehetra manodidina dia nampahery ny tànan’ireo tamin’ny fanaka volafotsy sy volamena sy fanaka hafa sy biby fiompy ary zava-tsoa mbamin’izay rehetra nateriny tamin’ny sitrapo.

Malagasy Bible

⁶ Ary izay rehetra manodidina dia nampahery ny tànan'ireo tamin'ny fanaka volafotsy sy volamena sy fanaka hafa sy biby fiompy ary zava-tsoa mbamin'izay rehetra nateriny tamin'ny sitrapo.

Ezra 1:6 Rohy Ifampitohizana

1Tantara 29:9

Dia samy faly ny besinimaro nanolotra fanomezana an-tsitrapo, satria tamin’ny fony manontolo no nanaovany an’izany ho an’ny TOMPO; ary faly dia faly koa i Davida mpanjaka.

Ezra 1:4

Na aiza na aiza onenan’ireo sisa tavela amin’izany vahoaka izany dia aoka ny tompontany hanome azy volafotsy sy volamena ary koa fananana hafa sy biby fiompy mbamin’ny fanatitra an-tsitrapo ho an’ilay tranon’Andriamanitra any Jerosalema.»

Ezra 8:33

Tamin’ny andro fahefatra no nandanjana ny volafotsy sy volamena ary fanaka, alohan’ny hanolorana azy an’i Meromôta mpisorona, zanakalahin’i Orià, izay nampian’i Elehazara, zanakalahin’i Pinehasa, ary koa ny levita anankiroa, dia i Jôzabada zanakalahin’i Jesoa, sy i Nôhadià zanakalahin’i Binoy.

Nehemia 6:9

Ny hampatahotra anay manko no kendren’izy rehetra, satria heveriny fa ho kivy amin’ny asa izahay ka tsy hahatontosa. «Koa ankehitriny herezo aho, Andriamanitra ô!»

Salamo 106:46

Izay rehetra namabo ny razanay dia nataony nahay nangoraka azy.

Salamo 110:3

Miaramila voafantina no miaraka aminao amin’ny andro amorianao ny tafikao. Eny amin’ny tendrombohitra masina no hanatona Anao ireo zatovolahinao toy ny ando napoitran’ny mazavatsinanana.

Eksodosy 12:35

Dia nanao araka izay nolazain’i Mosesy ny Israelita ka nangataka firavaka volafotsy sy volamena ary fitafiana tamin’ny Ejiptianina.

Eksodosy 12:36

Nataon’ny TOMPO nahazo sitraka tamin’ny Ejiptianina ka nahazo izay rehetra nangatahiny; ary nofoanan’izy ireo mihitsy ny teo an-tanan’ny Ejiptianina.

Isaia 35:3

Ampaherezo ny tanana miraviravy ary hatanjaho ny lohalika malemy.

2Korintiana 9:7

Aoka samy hanome araka izay nokasain’ny fony avy, tsy amin’alahelo na an-terivozona, satria ny mpanome an-kafaliana no tian’Andriamanitra.