Eksodosy 34:29 - DIEM PROTESTANTA

²⁹ Dia nidina avy eny an-tendrombohitra Sinay indray i Mosesy, nitondra teny an-tanany ny vatofisaka roa misy ilay raki-tsoratry ny fanekempihavanana; tsy fantany anefa fa namirapiratra ny tarehiny noho ny niresahany tamin’Andriamanitra.

Baiboly Protestanta Malagasy 2011

²⁹ Ary nidina avy eo an-tendrombohitra Sinay i Mosesy. Ary teny an-tanany ny vato roa izay nisy ny Vavolombelona tamin’izy nidina avy teo an-tendrombohitra, ary tsy fantany fa namirapiratra ny hoditry ny tavany noho ny nitenenany taminy.

Dikateny Iombonana Eto Madagasikara

²⁹ Dia nidina avy eny an-tendrombohitra Sinay indray i Mosesy, nitondra teny an-tanany ny vatofisaka roa misy ilay raki-tsoratry ny fanekempihavanana; tsy fantany anefa fa namirapiratra ny tarehiny noho ny niresahany tamin’Andriamanitra.

Baiboly Katolika

²⁹ Nidina avy an-tendrombohitra Sinaia i Môizy, ary i Môizy nitondra ny takelaka roan’ny vavolombelona teny an-tanany nony nidina avy any an-tendrombohitra; ary tsy fantatr’i Môizy fa tonga mpandefa tsirim-pahazavana ny hodi-tavany, nandritra ny niresahiny tamin’i Iaveh.

Baiboly Protestanta Malagasy

²⁹ Ary Mosesy nidina avy tao an-tendrombohitra Sinay, ary teny an-tànany ny vato roa izay nisy ny Vavolombelona tamin’izy nidina avy teo an-tendrombohitra, ary tsy fantany ho namirapiratra ny hoditry ny tavany noho ny nitenenany taminy.

Malagasy Bible

²⁹ Ary Mosesy nidina avy tao an-tendrombohitra Sinay, ary teny an-tànany ny vato roa izay nisy ny Vavolombelona tamin'izy nidina avy teo an-tendrombohitra, ary tsy fantany ho namirapiratra ny hoditry ny tavany noho ny nitenenany taminy.

Eksodosy 34:29 Rohy Ifampitohizana

Eksodosy 16:15

Hitan’ny Israelita ireny nefa tsy fantany, ka nifanontany izy hoe: –Inona itony? Fa novalian’i Mosesy hoe: –Itony no mofo izay nomen’ny TOMPO hohaninareo.

Eksodosy 31:18

Rehefa vitan’Andriamanitra ny resaka nataony tamin’i Mosesy tao an-tendrombohitra Sinay, dia nomeny an’i Mosesy ny vatofisaka misy ny lalàna izay nosoratan’ny rantsan-tanan’Andriamanitra.

Eksodosy 32:15

Ary nitodi-doha i Mosesy, ka nidina avy eny an-tendrombohitra. Nentiny teny an-tanany ny vatofisaka roa izay nanoratana ny didin’Andriamanitra, samy voasikotra teo amin’ny lafiny anankiray.

Eksodosy 34:35

dia azon’izy ireo jerena ny tarehiny mamirapiratra. Avy eo dia saronany voaly indray ny tarehiny mandra-piveriny hiresaka amin’Andriamanitra.

Mpitoriteny 8:1

Tsy misy olona tena hendry ary tsy misy koa mahafantatra ny tena dikan-javatra. Kanefa ny fahendren’ny olona manazava ny tarehiny ary manalefaka ny endriny.

Matio 17:2

Dia niova tarehy teo anatrehan’izy telo lahy i Jesoa: namirapiratra tahaka ny masoandro ny tavany ary tonga fotsy tahaka ny hazavana ny fitafiany.

Marka 14:40

Nony niverina nankeo amin’izy telo lahy Izy, dia mbola nahita azy natory, fa efa navesatra ny masony ka tsy hitany izay havaly an’i Jesoa.

Marka 9:6

Fa tsy hitan’i Petera izay holazaina satria samy raiki-tahotra ireto mpianatra telo lahy.

Lioka 2:49

Dia hoy i Jesoa tamin’izy mivady: –Nahoana kosa no mitady Ahy ianareo? Hay tsy mbola fantatrareo fa tsy maintsy ato amin’ny tranon’ny Raiko Aho?

Lioka 9:29

Raha mbola nivavaka i Jesoa, dia niova ny fahitana ny tarehiny ary tonga fotsy manjopiaka ny fitafiany.

Jaona 5:13

Tsy nahalala Azy anefa ilay vao sitrana, satria niala teo i Jesoa noho ny vahoaka vory tamin’io toerana io.

Asan’ny Apostoly 12:9

Dia niala tao am-ponja nanaraka an’ilay anjely i Petera. Saingy tsy fantany ho zavatra tena marina izay nataon’ny anjely fa noheveriny ho fahitana fotsiny.

Asan’ny Apostoly 23:5

Fa novalian’i Paoly hoe: –Tsy fantatro, ry rahalahy, fa izy no mpisorombe. Eny, izao tokoa no voalazan’ny Soratra Masina: «Aza miteny ratsy ny lehibem-pirenenao.»

Asan’ny Apostoly 6:15

Samy nibanjina an’i Stefàna izay rehetra tao amin’ny Fitsarana ambony ka nahita ny tarehiny miendrika tarehin’anjely.

2Korintiana 3:13

Izahay dia tsy tahaka an’i Mosesy izay nisaron-tava mba tsy hahitan’ny vahoaka Israely ny fiafaran’ilay famirapiratany mihelina.

Deoteronomia 10:5

Nihodina aho ka nidina niala teo amin’ny tendrombohitra; ary napetraka tao anatin’ilay vata efa nataoko ireo takela-bato ireo, ka dia mbola ao ihany araka izay nandidian’ny TOMPO ahy.

Josoa 2:4

Dia lasa i Rahaba nitondra azy roa lahy sy nanafina azy, vao namaly hoe: –Nisy lehilahy tonga tokoa teto amiko, nefa tsy fantatro izay niaviany.

Josoa 8:14

Raha nahita izany ny mpanjakan’i Hay, dia nampamoha vao maraina ny lehilahy tao an-tanàna; ary nivoaka faingana hifanehatra amin’ny Israelita izy mbamin’ny miaramilany rehetra, ka niroso nankany amin’ny toerana efa nifamotoanany teo aloha, any amin’ny lohasahan’i Jôrdàna; nefa tsy fantatry ny mpanjaka fa misy miaramila namitsaka hamely azy tao ivohon’ny tanàna.

Apokalipsy 1:16

Nitana kintana fito teny an-tanany ankavanana Izy, nisy sabatra maranitra roa lela nivoaka avy teo am-bavany ary ny tarehiny dia manelatrelatra tahaka ny masoandro faran’ny mamirapiratra.

Apokalipsy 10:1

Dia hitako nisy anjely anankiray hafa manan-kery, nidina avy tany an-danitra: ka rahona no toy ny lamba nisalorany; voahodidin’avana ny lohany; namiratra tahaka ny masoandro ny tavany; mivaivay tahaka ny andry afo ny tongony;

Mpitsara 16:20

Ary nihiaka mafy i Delilà hoe: –Ry Samsôna a, tonga hamely anao ny Filistinina! Dia nifoha i Samsôna ary nihevitra ny ho tafavoaka toy ny teo aloha, satria tsy fantany fa efa nanaisotra ny fanampiany azy ny TOMPO.