Eksodosy 34:24 - DIEM PROTESTANTA

²⁴ Fa haka ny tanin’ny firenen-kafa Aho mba hanitarana ny faritaninareo, nefa tsy hisy olona hihevitra handrombaka ny taninareo mandritra ny intelo isan-taona hiakaranareo hiseho eo anatrehako TOMPO Andriamanitrareo.

Baiboly Protestanta Malagasy 2011

²⁴ Fa handroaka firenena eo alohanao Aho ka hanitatra ny faritaninao; ary tsy hisy olona hitsiriritra ny taninao rehefa miakatra hiseho eo anatrehan’NY TOMPO Andriamanitrao intelo isan-taona ianao.

Dikateny Iombonana Eto Madagasikara

²⁴ Fa haka ny tanin’ny firenen-kafa Aho mba hanitarana ny faritaninareo, nefa tsy hisy olona hihevitra handrombaka ny taninareo mandritra ny intelo isan-taona hiakaranareo hiseho eo anatrehako TOMPO Andriamanitrareo.

Baiboly Katolika

²⁴ Fa handroaka ny firenena eo anoloanao aho, ary hanitatra ny faritry ny taninao. Tsy hisy olona handrebona ny taninao, mandritra ny hiakaranao hiseho eo anatrehan’i Iaveh Andriamanitrao, intelo isan-taona.»

Baiboly Protestanta Malagasy

²⁴ Fa handroaka firenena eo alohanao Aho ka hanitatra ny fari-taninao; ary tsy hisy olona haniry ny taninao, raha miakatra hiseho eo anatrehan’i Jehovah Andriamanitrao intelo isan-kerintaona hianao.

Malagasy Bible

²⁴ Fa handroaka firenena eo alohanao Aho ka hanitatra ny fari-taninao; ary tsy hisy olona haniry ny taninao, raha miakatra hiseho eo anatrehan'i Jehovah Andriamanitrao intelo isan-kerintaona ianao.

Eksodosy 34:24 Rohy Ifampitohizana

Genesisy 15:18

Tamin’izay andro izay ny TOMPO dia nanao fanekempihavanana tamin’i Abrama, ka niteny hoe: –Omeko ny taranakao ity tany ity, manomboka eo amin’ny ranon-driakan’i Ejipta ka hatrany Eofrata ony lehibe

Genesisy 35:5

Ary rehefa niala teo ry i Jakôba sy ny zanany, dia nampihorohoroin’Andriamanitra ireo tanàna manodidina, ka tsy nisy sahy nanarakaraka azy avy taoriana.

1Mpanjaka 5:1

Ary i Salômôna nanapaka tamin’ny fanjakana rehetra hatreo amin’ny ony Eofrata ka mipaka any amin’ny tanin’ny Filistinina ary hatrany amin’ny sisintanin’i Ejipta; fa nandoa hetra ireo ka nanompo an’i Salômôna tamin’ny andro rehetra niainany.

1Tantara 4:10

Ary niantso an’ilay Andriamanitr’i Israely i Jahebetsy ka nanao hoe: «Enga anie hotahînao tokoa aho, ka hohalalahinao ny taniko; ary aoka ny tananao homba ahy, ka hataonao lavitra ahy ny loza mba tsy ho zoim-pahoriana aho!» Dia nohenoin’Andriamanitra izay nangatahiny.

2Tantara 17:10

Nahazo ny fanjakana rehetra tamin’ny tany manodidina an’i Joda ny tahotra ny TOMPO, hany ka tsy nisy sahy niady tamin’i Jôsafata ireo.

Joba 1:10

Moa tsy Ianao ve no miaro azy sy ny fianakaviany mbamin’ny fananany toy ny fefy manodidina? Notahinao izay asa nataony, ary efa nomenao omby aman’ondry mameno ny taniny izy.

Salamo 120:1

Hira fiakarana. Fony aho tao an-katerena, dia nantsoiko ny TOMPO ka namaly.

Salamo 78:55

noroahiny ny firenen-kafa teo anoloany, nozarainy antsapaka ho azy ny taniny; ka ny tranon’ireo firenen-kafa ireo ihany no nampitoerany ny fokon’i Israely.

Salamo 80:8

Ry Andriamanitr’izao rehetra izao ô, mba avereno ho firenena matanjaka izahay; aoka hijery anay amin-kamorampo Ianao, dia ho voavonjy izahay!

Eksodosy 33:2

Hirahiko ny anjeliko mba hitari-dàlana anareo; horoahiko ny Kanahanita sy ny Amôrita, ny Hetita sy ny Perizita, ary ny Hivita sy ny Jebosita.

Eksodosy 34:11

«Tandremo tsara izay rehetra andidiako anareo anio, dia horoahiko eo anoloanareo ny Amôrita sy ny Kanahanita, ny Hetita sy ny Perizita ary ny Hivita sy ny Jebosita.

Ohabolana 16:7

Rehefa sitraky ny TOMPO ny fitondrantenan’ny olona, na dia ny fahavalony aza ampihavaniny aminy.

Levitikosy 18:24

«Aza misy andotoanareo tena ireo zavatra ireo; fa tamin’ireo no nandoto tena ny hafa firenena izay efa horoahiko eo anoloanareo.

Asan’ny Apostoly 18:10

Fa momba anao Aho, ary tsy hisy olona afaka hihazona anao mba hampahorîna, satria vahoaka maro no voatokana ho Ahy amin’ity tanàna ity.

Deoteronomia 12:20

Rehefa hitarin’ny TOMPO Andriamanitrareo ny faritaninareo araka ny nampanantenainy taminareo, raha maniry mafy hihinan-kena ianareo, dia mahazo mihinana araka izay tianareo.

Deoteronomia 16:16

Intelo isan-taona ny lehilahy rehetra aminareo no hiseho eo anatrehan’ny TOMPO Andriamanitrareo any amin’ny toerana izay hofidiny, dia amin’ny fankalazana ny mofo tsy misy leviora sy ny fankalazana ny Pentekôsta ary ny fankalazana ny Tranotomboka. Ary aoka tsy ho tanam-polo no hisehoany eo anatrehan’ny Toeramasin’ny TOMPO;

Deoteronomia 19:8

Raha imasoanareo hotanterahina manontolo izao didy ampitaiko aminareo anio izao ka hotiavinareo ny TOMPO Andriamanitrareo ary hizoranareo mandrakariva ny sori-dàlany, dia hitarin’ny TOMPO Andriamanitrareo ny faritaninareo, araka izay nampanantenainy ombàm-pianianana tamin’ny razambenareo. Ary amin’izay, dia hampianareo tanàna fialofana telo indray iretsy telo iretsy.

Deoteronomia 7:1

Ny TOMPO Andriamanitrareo no hampiditra anareo any amin’ny tany izay hidiranareo mba halainareo ho fananana. Firenena maro, firenena fito izay lehibe sy mahery noho ianareo, no horoahin’ny TOMPO hiala eo anoloanareo: dia ny Hetita sy ny Girgasîta, ny Amôrita sy ny Kanahanîta, ny Perizîta sy ny Hivîta ary ny Jebosîta.