Eksodosy 29:22 - DIEM PROTESTANTA

²² Ny ondrilahy faharoa dia mariky ny fametrahana ny mpisorona amin’ny raharahany. Koa halainao ny hofany, ny sabora mandrakotra ny tsinainy sy ny saron’atiny, ny voany roa mbamin’ny sabora eo aminy, ary ny sorony havanana.

Baiboly Protestanta Malagasy 2011

²² Alao indray ny jaboran’ny ondrilahy sy ny hofany ary ny jabora mandrakotra ny taovany sy ny ila atiny lehibe sy ny voany roa mbamin’ny jabora mandrakotra azy ary ny feny havanana, fa ondrilahy fanokanana io;

Dikateny Iombonana Eto Madagasikara

²² Ny ondrilahy faharoa dia mariky ny fametrahana ny mpisorona amin’ny raharahany. Koa halainao ny hofany, ny sabora mandrakotra ny tsinainy sy ny saron’atiny, ny voany roa mbamin’ny sabora eo aminy, ary ny sorony havanana.

Baiboly Katolika

²² «Halainao ny saboran’ny ondralahy, ny hofany, ny safodrorohany, ny saron’atiny, ny voany roa mbamin’ny fonom-boany ary ny sorony havanana, fa ondralahy fanokanana io.

Baiboly Protestanta Malagasy

²² Ary alao ny saboran’ny ondrilahy sy ny hofany sy ny safo-drorohany sy ny ila-atiny lehibe sy ny voany roa mbamin’ny fonom-boany ary ny soroka ankavananan; fa ondrilahy fanokanana izy;

Malagasy Bible

²² Ary alao ny saboran'ny ondrilahy sy ny hofany sy ny safo-drorohany sy ny ila-atiny lehibe sy ny voany roa mbamin'ny fonom-boany ary ny soroka ankavanana; fa ondrilahy fanakanana izy;

Eksodosy 29:22 Rohy Ifampitohizana

Eksodosy 29:13

Halainao ny sabora izay mandrakotra ny tsinainy mbamin’ny saron’atiny ary ny voany roa mbamin’ny sabora eo aminy, dia hodoranao eo ambony alitara avokoa.

Eksodosy 29:21

Hanalanao kely ny ra eo ambony alitara sy ny ilomasina fanokanana, dia hafafinao amin’i Aharôna sy ny fanamiany ary amin’ny zanany lahy sy ny fanamiany; amin’izay dia ho masina i Aharôna sy ny zanany lahy mbamin’ny fanamany.

Eksodosy 29:23

Hakanao mofo boribory iray sy mofomamy misy diloilo iray, ary mofo manify iray avy ao amin’ny harona misy ny mofo tsy misy leviora izay apetraka eo anatrehako Izaho TOMPO.

Levitikosy 10:14

Ireo didin-kena avy amin’ny sorom-pihavanana ataon’ny Israelita, izany hoe ny tratrany izay nahevaheva no fomba fanolorana azy sy ny feny izay navahana manokana, dia eo amina toerana madio no hihinananareo azy; ianao sy ny taranakao lahy ary ny taranakao vavy koa aza no hihinana azy fa nomena ho anjaranao sy ny taranakao ireo didin-kena ireo.

Levitikosy 14:12

Dia haka ny zanakondrilahy iray ny mpisorona, ka hanolotra azy ho sorom-panonerana miaraka amin’ny menaka antsasa-litatra; hahevahevany eo anatrehan’ny TOMPO no ho fomba fanolotra an’ireo.

Levitikosy 3:9

Amin’io ondry sorom-pihavanana io, dia halain’ny mpanolotra mba holevonina amin’ny afo ho an’ny TOMPO ireto tavin-kena ireto: ny hofany manontolo esorina amin’ny hazon-damosiny; ny safodrorohany sy ny jaboran-tsinainy;

Levitikosy 7:3

Hatolotra avokoa ny tavin-kena rehetra: dia ny hofany, ny safodrorohany sy ny jaboran-tsinainy,

Levitikosy 7:37

Izany sy izany no lalàna momba ny sorona dorana manontolo, ny fanatitra vokatry ny tany, ny sorona fanalana ny ota, ny sorom-panonerana, ny sorona fanokanana, ary ny sorom-pihavanana.

Levitikosy 9:19

Ary natolotr’ireo azy koa ny tavin’ireo sorom-pihavanana ireo, dia ny jaboran-tsinainy sy ny voany ary ny ila-atiny mbamin’ny hofak’ilay ondrilahy;

Levitikosy 9:21

fa ny tratrany sy ny feny ankavanana kosa dia nahevahevan’i Aharôna teo anatrehan’ny TOMPO no fomba nanolorany azy, araka izay nandidian’i Mosesy.

Nomery 18:18

Avy eo ny henany dia ho anareo, tahaka ny maha anareo koa ny tratrany izay fanatitra ahevaheva sy ny feny havanana.

1Samoela 9:24

Nalain’ilay mpahandro ny fen’ondry miaraka amin’ny hofany ka narosony teo anoloan’i Saoly. Dia hoy i Samoela tamin’i Saoly: –Indro eo anatrehanao ny anjara voatokana ho anao amin’izao andro lehibe izao, ka mihinàna miaraka amin’ireto vahiny nasaiko ireto. Koa tamin’izay andro izay, dia niara-nihinana tamin’i Samoela i Saoly.