Eksodosy 29:13 - DIEM PROTESTANTA

¹³ Halainao ny sabora izay mandrakotra ny tsinainy mbamin’ny saron’atiny ary ny voany roa mbamin’ny sabora eo aminy, dia hodoranao eo ambony alitara avokoa.

Baiboly Protestanta Malagasy 2011

¹³ dia alao ny jabora mandrakotra ny taovany rehetra sy ny ila atiny lehibe ary ny voany roa mbamin’ny fonom-boany ka doroy eo ambonin’ny alitara ireo ho fofona;

Dikateny Iombonana Eto Madagasikara

¹³ Halainao ny sabora izay mandrakotra ny tsinainy mbamin’ny saron’atiny ary ny voany roa mbamin’ny sabora eo aminy, dia hodoranao eo ambony alitara avokoa.

Baiboly Katolika

¹³ Alaovy avokoa ny sabora safodrorohany, ny saron’atiny, ny voany roa mbamin’ny fonom-boany, ka indray dory hanetona eo ambony ôtely.

Baiboly Protestanta Malagasy

¹³ ary alao ny safo-drorohany rehetra sy ny ila-atiny lehibe ary ny voany roa mbamin’ny fonom-boany, ka dory ho fofona eo ambonin’ny alitara;

Malagasy Bible

¹³ ary alao ny safo-drorohany re­hetra sy ny ila-atiny lehibe ary ny voany roa mbamin'ny fonom-boany, ka dory ho fofona eo ambonin'ny alitara;

Eksodosy 29:13 Rohy Ifampitohizana

Salamo 22:14

Misanasana vava hamely ahy ireny, mova tsy liona mandrotika sy mierona.

Eksodosy 12:9

Aza haninareo manta na hahandroina ny hena, fa atsatsiho amin’ny afo manontolo miaraka amin’ny lohany sy ny tongony ary ny taovany.

Eksodosy 29:18

Hodoranao ilay biby manontolo mba ho sorona dorana manontolo ho Ahy TOMPO: ho hanitra ankasitrahina ho AHY io sorona io.

Eksodosy 29:22

Ny ondrilahy faharoa dia mariky ny fametrahana ny mpisorona amin’ny raharahany. Koa halainao ny hofany, ny sabora mandrakotra ny tsinainy sy ny saron’atiny, ny voany roa mbamin’ny sabora eo aminy, ary ny sorony havanana.

Eksodosy 29:25

Avy eo dia halainao eny an-tanany ireo ka hodoranao hanetona eo ambony alitara miaraka amin’ny sorona dorana manontolo: ho sorona atolotra Ahy TOMPO izany, ka ho hanitra ankasitrahina ho AHY.

Isaia 1:11

«Hataoko inona moa, hoy ny TOMPO, ireo sorona marobe atolotrareo? Efa mankaleo Ahy mihitsy ny ondrilahy atao sorona dorana manontolo sy ny saboran-janak’omby nafahy. Tsy ankasitrahiko intsony na ny ran’ombilahy na ny ran’ny zanak’ondry na ny ran’osilahy.

Isaia 34:6

Feno ra ilay sabatry ny TOMPO sady mihosina menaka, dia ran’ny zanak’ondry sy osilahy ary koa menaka avy amin’ny fonom-boany; satria misy sorona ataon’ny TOMPO ao Bôtserà ary fandringanana goavana ao amin’ny tany Edôma.

Isaia 43:24

Tsy ho Ahy no namoizanao volafotsy mba hividianana veromanitra; ary tsy Izaho no novokisanao tamin’ny jaboran’ny soronao. Fa ianao no nampanompo Ahy tamin’ny fahotanao sy nanasatra Ahy tamin’ny helokao.

Levitikosy 1:15

Hoentin’ny mpisorona ho eo amin’ny alitara izany, ka hotapahiny ny lohany, dia hodorany hanetona eo ambonin’ny alitara; ary hofiazany hiraraka eo amin’ny rindrin’ny alitara ny rany.

Levitikosy 1:9

Izay mpanolotra no hanasa amin’ny rano ny taovany sy tongony; fa mpisorona anankiray kosa no handoro azy rehetra hanetona eo ambonin’ny alitara. Sorona dorana manontolo izany, dia sorona levonina amin’ny afo ho hanitra ankasitrahina ho an’ny TOMPO.

Levitikosy 16:25

Ary ny tavin-kenan’ireo biby natao sorona fanalana ny ota dia hodorany hanetona eo ambonin’ny alitara.

Levitikosy 17:6

Ilay mpisorona kosa hamafy ny ran’ilay biby eo amin’ilay alitaran’ny TOMPO, eo anoloan’ny varavaran’ny Tranolay fihaonana, ary handoro ny jaborany hanetona ho hanitra ankasitrahina ho an’ny TOMPO.

Levitikosy 4:26

Avy eo ny tavin-kena rehetra dia hodorany hanetona eo ambonin’ny alitara tahaka ny fanao azy amin’ny sorom-pihavanana. Ary rehefa nataon’ny mpisorona tamin’ilay mpanapaka ny fombam-pivavahana famelana, dia voavela ny otany.

Levitikosy 4:31

Hoesoriny avokoa ny tavin-kena rehetra, tahaka ny fanesorana azy amin’ny sorom-pihavanana, ka hodorany hanetona eo ambonin’ny alitara ho hanitra ankasitrahina ho an’ny TOMPO. Ary rehefa nataon’ny mpisorona tamin’ilay olona ny fombam-pivavahana famelana, dia voavela ny otany.

Levitikosy 4:35

Hoesoriny avokoa ny tavin-kena rehetra toy ny fanesorana azy amin’ny ondry atao sorom-pihavanana; dia hodorany hanetona eo ambonin’ny alitara izany, miaraka amin’ny sorona levonina amin’ny afo mba ho an’ny TOMPO. Ary rehefa nataon’ny mpisorona tamin’ilay olona ny fombam-pivavahana famelana, dia voavela ny otany.

Levitikosy 6:12

Dia niteny tamin’i Mosesy ny TOMPO nanao hoe:

Levitikosy 7:3

Hatolotra avokoa ny tavin-kena rehetra: dia ny hofany, ny safodrorohany sy ny jaboran-tsinainy,

Levitikosy 7:31

Hodoran’ny mpisorona hanetona eo ambonin’ny alitara ny tavin-kena; fa ny tratrany kosa dia ho an’i Aharôna sy ireo taranany.

Levitikosy 7:4

ny voany roa mbamin’ny jabora izay miraikitra amin’ny voany sy amin’ny takibany, ary koa ny ila-atiny izay hatao indray manala amin’ny voany.

Levitikosy 8:16

Dia nalain’i Mosesy avokoa ny jaboran-tsinain’ilay ombilahy sy ny ila-atiny ary ny voany mbamin’ny fonomboany; ka nodorany hanetona teo ambonin’ny alitara.

Levitikosy 8:25

Dia nalainy ny tavin-kenan’ilay ondrilahy, izany hoe ny hofany sy ny jaboran-tsinainy rehetra ary ny ila atiny sy ny voany mbamin’ny fanomboany, ary nalainy koa ny feny ankavanana.

Levitikosy 9:10

Ny jaborany kosa sy ny voany roa ary ny ila atiny, avy tamin’ilay sorona fanalana ny ota, dia nodorany hanetona teo ambonin’ny alitara, araka izay nandidian’ny TOMPO an’i Mosesy;

Levitikosy 9:19

Ary natolotr’ireo azy koa ny tavin’ireo sorom-pihavanana ireo, dia ny jaboran-tsinainy sy ny voany ary ny ila-atiny mbamin’ny hofak’ilay ondrilahy;

Nomery 18:17

Fa tsy mba havotanao kosa ny voalohan-teraky ny omby na ny ondry na ny osy satria voatokana ho Ahy ireny. Hararakao eo amin’ny alitara ny rany ary hodoranao manontolo ny saborany ka hanetona ho hanitra ankasitrahina ho AHY izany.

1Samoela 2:16

Ary raha misy manao aminy hoe: «Aoka aloha hodorana ny taviny; izay ianao vao maka izay tianao», dia hoy ilay mpanampy ny mpisorona aminy: «Tsia, omeo ahy izao ankehitriny izao ihany; fa raha tsy izany, dia halaiko an-keriny.»