Eksodosy 23:33 - DIEM PROTESTANTA

³³ Aza avela honina ao amin’ny taninareo ireny fandrao mitarika anareo hanao fahadisoana amiko; satria raha manao fanompoam-pivavahana amin’ny andriamaniny ianareo, dia hanjary fandrika ho anareo izany.»

Baiboly Protestanta Malagasy 2011

³³ Tsy honina eo amin’ny taninao ireny, fandrao hampanota anao Amiko izy raha manompo ny andriamaniny ianao ka ho fandrika ho anao izany.

Dikateny Iombonana Eto Madagasikara

³³ Aza avela honina ao amin’ny taninareo ireny fandrao mitarika anareo hanao fahadisoana amiko; satria raha manao fanompoam-pivavahana amin’ny andriamaniny ianareo, dia hanjary fandrika ho anareo izany.»

Baiboly Katolika

³³ Tsy honina eo amin’ny taninao ireny, fandrao mampanota anao amiko, sao dia hanompo ny andriamaniny ianao ka ho tonga fandrika ho anao izany.»

Baiboly Protestanta Malagasy

³³ Tsy honina eo amin’ny taninao ireny, fandrao hampanota anao amiko; fa raha manompo ny andriamaniny hianao, dia ho fandrika aminao tokoa izany.

Malagasy Bible

³³ Tsy honina eo amin'ny taninao ireny, fandrao hampanota anao amiko; fa raha manompo ny andriamaniny ianao, dia ho fandrika aminao tokoa izany,

Eksodosy 23:33 Rohy Ifampitohizana

1Mpanjaka 14:16

Hanolotra an’i Israely amim-pahavalo Izy noho ireo fahotana nataon’i Jerôbohama sady nampanaoviny an’i Israely.

2Tantara 33:9

Kanjo nampivaona ny mponin’i Jerosalema sy ny Jodeanina i Manase mba hanao ratsy mihoatra noho ny firenena izay naringan’ny TOMPO teo anoloan’ny Israelita.

Salamo 106:36

ary notompoiny ny sampin’ireny ka tonga fandrika ho azy izany.

Eksodosy 10:7

Ary hoy ireo mpanompony tamin’ny Farao: –Mandra-pahoviana moa no mbola hamandrika antsika ilehiny? Alefaso handeha hanao fanompoam-pivavahana amin’ny TOMPO Andriamaniny any ny lehilahy israelita: Mbola tsy fantatrao ihany ve fa simba i Ejipta?

Eksodosy 23:24

Koa aza miankohoka eo anoloan’ny andriamaniny, na manao fanompoam-pivavahana aminy na mianatra ny fanaony, fa ravao mihitsy ny sarivongan’ireo sampiny sady potipoteho ny tsangambatony.

Eksodosy 34:12

Tandremo tsara mba tsy hanao fanekempihavanana amin’ny mponina amin’ny tany izay hidiranareo, fa ho fandrika ho anareo izany.

Deoteronomia 12:30

Rehefa voaringana eo anoloanareo ireny, dia mitandrema fandrao ho voafandrika hanaraka ny fanaony ianareo; mitandrema fandrao hamotopototra ny amin’ny andriamaniny ianareo sy hanontany izay fomba nanompoany azy mba hanaovanareo toy izany koa.

Deoteronomia 20:18

mba tsy hampianarany anareo hanao ny zavatra mahatsiravina rehetra fanaony amin’ny andriamaniny, ka tsy hanotanareo amin’ilay TOMPO Andriamanitrareo.

Deoteronomia 7:1

Ny TOMPO Andriamanitrareo no hampiditra anareo any amin’ny tany izay hidiranareo mba halainareo ho fananana. Firenena maro, firenena fito izay lehibe sy mahery noho ianareo, no horoahin’ny TOMPO hiala eo anoloanareo: dia ny Hetita sy ny Girgasîta, ny Amôrita sy ny Kanahanîta, ny Perizîta sy ny Hivîta ary ny Jebosîta.

Deoteronomia 7:16

Aoka hofongoranareo tsy hisy antra mihitsy ny firenena rehetra izay hatolotry ny TOMPO Andriamanitrareo; ary aza tompoinareo ny andriamaniny, fa ho fandrika hampanompo sampy anareo ireny.

2Timoty 2:26

ary hody ny sain’ireo ka ho afaka amin’ny fandriky ny devoly izay nanao azy sambo-belona hanaraka ny sitrapony.

Josoa 10:40

Nalain’i Josoa ny tany manontolo; noreseny avokoa ireo mpanjaka rehetra tany an-tendrombohitra sy ny faritra atsimo ary ny teny amin’ny lemak’i Sefelà sy ny kisolosolo, ka tsy nisy niangana; naringany avokoa izay rehetra manana aina, araka ny didy nomen’ny TOMPO Andriamanitr’i Israely.

Josoa 23:13

dia fantaro tsara fa tsy hanohy handroaka azy eo anoloanareo intsony ny TOMPO Andriamanitrareo. Hanjary fandrika sy tonta ho anareo ireny firenena ireny, ary ho karavasy mamely eo an-damosinareo sy ho tsilo eo amin’ny masonareo ambara-pahalany ritra anareo tsy ho eto amin’ity tany soa nomen’ny TOMPO Andriamanitrareo anareo ity.

Mpitsara 2:2

Ianareo kosa tsy tokony hanao fifanekena amin’ny mponina amin’ity tany ity fa tokony handrava ny alitarany. Kanjo tsy nanaraka ny teniko ianareo! Ahoana izao nataonareo izao?

Mpitsara 2:3

Noho izany tapa-kevitra Aho fa tsy handroaka azy eo anoloanareo. Ho fandrika hamely anareo izy; ary ho longoa hahavoa anareo koa ny andriamaniny.

1Samoela 18:21

hoy izy manko anakampo: «Homeko ho vadiny i Mikàla hahazoako mamandrika azy, ary dia hamono hahafaty azy ny Filistinina.» (Fanindroany izao no nilazan’i Saoly tamin’i Davida ny hahavinantony azy)