Apokalipsy 11:9 - DIEM PROTESTANTA

⁹ Vahoaka sy foko ary olona samy hafa fiteny sy firenena maro no misy mijery ny fatin’ireo mandritra ny telo andro sy tapany, sady tsy avela halevina izy.

Baiboly Protestanta Malagasy 2011

⁹ Ary ny olom-pirenena, ny fokom-pirenena, ny samihafa fiteny ary ny firenena maro dia misy mijery ny fatiny telo andro sy tapany; ary tsy avelany halevina am-pasana ny fatiny.

Dikateny Iombonana Eto Madagasikara

⁹ Vahoaka sy foko ary olona samy hafa fiteny sy firenena maro no misy mijery ny fatin’ireo mandritra ny telo andro sy tapany, sady tsy avela halevina izy.

Baiboly Katolika

⁹ Olona samihafa firenena sy foko sy fiteny ary fanjakana, no hijery ny fatiny miampatra eo hateloan’andro sy tapany, fa tsy havelany halevina any am-pasana izy ireo.

Baiboly Protestanta Malagasy

⁹ Ary ny olona sy ny fokom-pirenena sy ny samy hafa fiteny ary ny firenena maro dia misy mijery ny fatiny hateloan’andro sy tapany; ary tsy avelany halevina ao am-pasana ny fatiny.

Malagasy Bible

⁹ Ary ny olona sy ny fokom-pirenena sy ny samy hafa fiteny ary ny firenena maro dia misy mijery ny fatiny hateloan'andro sy tapany; ary tsy avelany halevina ao am-pasana ny fatiny.

Apokalipsy 11:9 Rohy Ifampitohizana

1Mpanjaka 13:22

noho ianao niverina nihinan-kanina sy nisotro rano tany amin’ny tany izay nandraran’ny TOMPO anao hoe: ‹Aza mihinan-kanina na misotro rano any›, dia ho faty ianao kanefa tsy hiditra am-pasan-drazanao ny fatinao.»

Mpitoriteny 6:3

Afaka miteraka zazalahy zato sy miaina an-taona maro ny olona iray. Saingy, na dia miaina an-taona maro aza izy, kanefa tsy mba voky fahasambarana sy tsy mahazo levenana, dia hoy aho hoe: ny zazarano aza sambatra kokoa noho izy.

Isaia 33:1

Lozanao, ry ilay tsy norobaina nefa mandroba sy ry ilay tsy nofitahina nefa mamitaka. Rehefa mitsahatra mandrava ianao, dia mba horavana koa; ary rehefa mitsahatra mamitaka, dia mba hofitahina koa.

Jeremia 7:33

Ny fatin’ireo olona ireo dia ho sakafon’ny voromahery sy ny bibidia izay tsy hisy hanaitaitra hampiala azy.

Matio 7:2

fa araka izay fomba hitsaranareo olona ihany no hitsaran’Andriamanitra anareo koa, ary araka izay fomba hamaranareo ho an’ny olona ihany no hamaran’Andriamanitra ho anareo koa.

Apokalipsy 10:11

Tamin’izay dia nisy nilaza tamiko hoe: –Tsy maintsy mitondra ny hafatr’Andriamanitra indray ianao ny amin’ny vahoaka maro sy firenena maro sy olona maro samy hafa fiteny ary mpanjaka maro.

Apokalipsy 11:11

Taorian’ny telo andro sy tapany, dia nisy fofonaina avy tamin’Andriamanitra niditra tao anatin’ireo faty ireo, ary nampijoro azy tamin’ny tongony; ka raiki-tahotra mafy izay olona nahita azy.

Apokalipsy 13:7

Navela hiady amin’ireo olona anisan’ny vahoakan’Andriamanitra sy handresy azy koa ilay biby, ary dia nomena fahefana tamin’ny fokom-pirenena sy ny vahoaka mbamin’ny olona samy hafa fiteny sy ny firenena rehetra.

Apokalipsy 17:15

Dia hoy koa ny anjely tamiko: –Ny ranobe, izay hitanao ipetrahan’ilay vehivavy janga, dia vahoaka sy olona maro mbamin’ny firenena sy ny samy hafa fiteny.

Apokalipsy 5:8

Rehefa nandray ny horonamboky Izy, dia niankohoka teo anoloan’ny Zanakondry ny zava-miaina efatra sy ny loholona 24. Samy nanana lokanga anankiray avy ny loholona ary koa lovia volamena feno vovo-javamanitra, dia ireo lovia tandindon’ny vavaka ataon’ny vahoakan’Andriamanitra.

Apokalipsy 5:9

Ary nandredona hira vaovao ho an’ny Zanakondry ny loholona ka nanao hoe: «Ianao no mendrika handray ny horonamboky sy hamaha ny tombokaseny. Efa voavono ho faty Ianao, ka ny ranao nafoinao no nanavotanao olona ho an’Andriamanitra, dia olona avy tamin’ny foko amam-piteny samy hafa sy avy tamin’ny vahoaka amam-pirenena samy hafa.