2Tantara 30:8 - DIEM PROTESTANTA

⁸ Koa aza manamafy hatoka toy ny nataon’ny razanareo ianareo, fa manomeza toky hanompo ny TOMPO ka tongava ao amin’ny tempoliny izay efa natokany hanan-kasina mandrakizay; eny, manompoa ny TOMPO Andriamanitrareo mba hialan’ny fahatezerany mirehitra aminareo.

Baiboly Protestanta Malagasy 2011

⁸ Koa aza manamafy ny hatokareo toy ny nataon’ny razanareo fa atolory NY TOMPO ny tananareo ka midira ao amin’ny fitoerany masina izay nohamasininy ho mandrakizay; ary manompoa NY TOMPO Andriamanitrareo mba hiala aminareo ny fahatezerany mirehitra.

Dikateny Iombonana Eto Madagasikara

⁸ Koa aza manamafy hatoka toy ny nataon’ny razanareo ianareo, fa manomeza toky hanompo ny TOMPO ka tongava ao amin’ny tempoliny izay efa natokany hanan-kasina mandrakizay; eny, manompoa ny TOMPO Andriamanitrareo mba hialan’ny fahatezerany mirehitra aminareo.

Baiboly Katolika

⁸ Koa aza manamafy ny hatokareo, toy ny nataon’ny razanareo, fa atolory an’i Iaveh ny tananareo, tongava ao amin’ny fitoerany masina, izay nohamasininy ho mandrakizay, ary manompoa an’i Iaveh Andriamanitrareo, mba hialan’ny afon’ny fahatezerany aminareo.

Baiboly Protestanta Malagasy

⁸ Koa aza manamafy ny hatokareo toy ny nataon’ny razanareo, fa atolory an’i Jehovah ny tànanareo, ka midira ao amin’ny fitoerany masina, izay nohamasininy ho mandrakizay; ary manompoa an’i Jehvoah Andriamanitrareo, mba hiala aminareo ny fahatezerany mirehitra.

Malagasy Bible

⁸ Koa aza manamafy ny hatokareo toy ny nataon'ny razanareo, fa atolory an'i Jehovah ny tananareo, ka midìra ao amin'ny fitoerany masina, izay nohamasininy ho mandrakizay; ary manompoa an'i Jehovah Andriamanitrareo, mba hiala aminareo ny fahatezerany mirehitra.

2Tantara 30:8 Rohy Ifampitohizana

2Mpanjaka 23:26

Kanefa tsy nitony ny firehetam-pahaviniran’ny TOMPO tamin’ny fanjakan’i Joda satria zavatra isan-karazany no nampahatezeran’i Manase mpanjaka Azy.

1Tantara 29:24

Samy nanaiky an’i Salômôna mpanjaka avokoa ny mpifehy sy ny miaramila mahery fo ary na dia ny zanaka hafa rehetra naterak’i Davida aza.

2Tantara 28:11

Henoy àry aho: Alefaso ny olona sambo-belona izay nentinareo avy tamin’ny Jodeanina havanareo, satria irehetan’ny fahatezeran’ny TOMPO ianareo.

2Tantara 28:13

sady nilazany hoe: –Aza ampidirinareo atỳ ireo olona sambo-belona ireo, fa tonga hanan-keloka amin’ny TOMPO isika. Mbola kasainareo hampiana ihany ve ny fahotana amam-pahadisoantsika, na dia efa mavesatra tokoa aza izany ary na dia efa mirehi-pahatezerana amintsika Israelita tavaratra aza Andriamanitra?

2Tantara 29:10

Koa nanapa-kevitra aho ny hanao fanekempihavanana amin’ny TOMPO Andriamanitr’i Israely mba hiala amintsika ny fahatezerany mirehitra.

2Tantara 36:13

Nikomiany aza i Nebokadnetsara mpanjaka izay efa nampianiana azy tamin’Andriamanitra. Nanamafy hatoka sy fo izy mba tsy hiverenany amin’ny TOMPO Andriamanitr’i Israely.

2Tantara 6:5

«Hatramin’ny andro nitondrako ny vahoakako niala tany Ejipta, dia tsy mbola nisy tanàna nofidiko tamin’ny foko israelita rehetra hanaovana tempoly mba hitoeran’ny voninahitro; ary tsy mbola nisy koa olona nofidiko ho mpifehy an’i Israely vahoakako.

2Tantara 6:6

Fa nifidy an’i Jerosalema Aho hitoeran’ny voninahitro, ary nifidy anao Aho, ry Davida hifehy ilay Israely vahoakako.»

2Tantara 7:16

Eny, voafidiko sy natokako ity tempoly ity mba hitoeran’ny voninahitro mandrakizay; ka ho ao mandrakariva ny fiahiako anareo sy ny fitiavako anareo.

Ezra 10:14

Koa aoka ny lehibentsika no hisolo toerana ny fiangonana manontolo; dia ny Israelita rehetra izay efa nanambady vehivavy hafa firenena no aoka hankatỳ amin’ny fotoanandro homena azy, miaraka amin’ny loholona sy mpitsara isan-tanànany avy. Hotontosainay mihitsy izany raharaha izany mandra-pialan’ilay fahatezeran’Andriamanitsika mirehitra amintsika.

Ezra 10:19

nametra-teny izy efa-dahy fa handroaka ny vadiny sy hanolotra ondrilahy iray avy ho sorona fanalana ny otany;

Salamo 63:2

Andriamanitra ô, Ianao no Andriamanitro; mitady fatratra Anao aho sy mangetaheta Anao. Maniry Anao ny tenako manontolo toy ny tany maina sy mangentana toy ny tany haraka mila rano.

Salamo 68:24

ka ny tongotrao no hanosihosy ny rany ary hilelaka amin’izany koa ny alikanao.»

Salamo 68:31

Rahòny i Ejipta, ilay biby anaty bararata; rahòny ilay andian’ombilahy, dia ireo mpifehy vahoaka: aoka ireo hikoy hitondra volafotsy ho Anao; ataovy mihahaka kosa ireo vahoaka liana ady.

Salamo 73:17

mandra-piditro tao amin’ny Toeramasinao, ka nahatakarako ny anjara miandry ireo olon-dratsy.

Salamo 78:49

Nozeràny fahatezerana mirehitra ny Ejiptianina, dia fahavinirana sy fisafoahana ary fampahoriana izay toy ny andian’iraka tonga hitondra loza.

Eksodosy 32:9

Ary hoy Izaho TOMPO taminao: «Hitako tsara io vahoaka io fa mafy hatoka.

Jeremia 50:15

Manaova akoran’ady manodidina mba hampikoizana azy. Indro fa nitolo-batana izy! Rava ny tilikambom-piarovany ary nianjera ny mandany. Izany no famalian’ny TOMPO! Koa valionareo i Babilôna; araka ny nataony tamin’ny hafa no mba ataovinareo aminy koa.

Matio 4:10

Tamin’izay dia hoy i Jesoa taminy: –Mialà, ry Satàna, satria izao no voalazan’ny Soratra Masina: «Ny Tompo Andriamanitrao no hiankohofanao, ary Izy irery no hivavahanao!»

Jaona 12:26

Raha misy olona manompo Ahy, dia aoka izy hanaraka Ahy; ary izay itoerako, dia ao koa no hitoeran’ny mpanompoko. Raha misy olona manompo Ahy, dia homen’ny Raiko voninahitra izy.

Romana 10:21

Ny amin’i Israely kosa dia hoy i Isaià hoe: «Tontolo andro no nanolorako tanana izay vahoaka sady tsy manaiky no mikomy.»

Romana 6:22

Ankehitriny anefa, natao afaka tamin’ny fahotana ianareo ary tonga mpanompon’Andriamanitra; ka ny vokatra azonareo dia ny anananareo toetra masina ary fiaina-maharitra mandrakizay amin’ny farany.

Deoteronomia 10:16

Noho izany, aoka ny fonareo ho voatokana tanteraka ho an’ny TOMPO, fa aza mafy hatoka intsony ianareo.

Deoteronomia 6:13

Ilay TOMPO Andriamanitrareo ihany no hohajainareo, Izy no hotompoinareo, ary ny anarany no aoka hianiananareo.

Deoteronomia 6:17

Tandremo tsara ny didy sy baiko aman-dalàna izay efa nampitain’ny TOMPO Andriamanitrareo taminareo.

Josoa 24:15

Nefa raha tàhiny tsy sitrakareo ny hanompo ny TOMPO, dia fidio anio izay hotompoinareo, na ny andriamanitra izay notompoin’ny razanareo tany ampitan’i Eofrata na ny andriamanitry ny Amôrita izay mponina teto amin’ny tany onenanareo; fa izaho sy ny ankohonako kosa dia hanompo ny TOMPO izahay.

Apokalipsy 7:15

Noho izany, dia mitoetra eo anoloan’ny sezafiandrianan’Andriamanitra izy ireo ka manompo an’Andriamanitra andro aman’alina ao an-tempoliny; ary Ilay mipetraka eo ambony sezafiandrianana dia hiara-monina aminy ka hiaro azy.