1Korintiana 9:8 - DIEM PROTESTANTA

⁸ Tsy hoe araka ny fiheveran’ny besinimaro ihany no itenenako izany fa na ny lalànan’i Mosesy koa aza dia milaza izany.

Baiboly Protestanta Malagasy 2011

⁸ Moa araka ny fihevitry ny olona va no itenenako izany, sa mba milaza izany koa ny lalàna?

Dikateny Iombonana Eto Madagasikara

⁸ Tsy hoe araka ny fiheveran’ny besinimaro ihany no itenenako izany fa na ny lalànan’i Mosesy koa aza dia milaza izany.

Baiboly Katolika

⁸ Moa araka ny hevitr’olombelona fotsiny ve no ilazako izany, sa mba lazain’ny Lalàna ihany koa izany?

Baiboly Protestanta Malagasy

⁸ Moa araka ny fihevitry ny olona va no itenenako izany, sa ny lalàna mba milaza izany koa?

Malagasy Bible

⁸ Moa araka ny fihevitry ny olona va no itenenako izany, sa ny lalàna mba milaza izany koa?

1Korintiana 9:8 Rohy Ifampitohizana

Isaia 8:20

Izao kosa no havalinareo izany: «Ao amin’ny fampianarana sy ny hafatry ny TOMPO ihany no tsy maintsy hiverenana.» Fa izay tsy miteny araka izany baiko izany dia tsy hiposahan’ny taratry ny maraina.

Romana 3:31

Moa ve manafoana ny lalàna amin’ny alalan’ny finoana isika amin’izany? Sanatria! Vao mainka koa aza manamafy orina ny lalàna!

Romana 3:5

Koa raha asehon’ny tsy rariny vitantsika fa marina Andriamanitra, inona no holazaintsika? Zavatra tsy rariny ve ny ataon’Andriamanitra raha ampihariny amintsika ny hatezerany? (Araka ny fiheveran’ny besinimaro no itenenako).

Romana 6:19

Miteny araka ny fiheveran’ny besinimaro aho noho ny halemenareo ara-nofo. Taloha dia nanolotra ny zavatra anisan’ny tenanareo ho mpanompon’ny fahalotoana sy ny tsy fanarahan-dalàna ianareo, ka tonga olona ratsy fanahy; toy izany koa ankehitriny, aoka ianareo hanolotra ny zavatra anisan’ny tenanareo saingy ho mpanompon’ny fahamarinana mba hanananareo toetra masina.

1Korintiana 14:34

dia aoka hangina ireo vehivavy mandritra ny fiaraha-miangona, satria tsy azony atao ny miteny; fa aoka hanoa izy ireo araka ny voalazan’ny bokin’ny lalàna rahateo.

1Korintiana 7:40

Kanefa, araka ny hevitro, sambatra kokoa ravehivavy raha mitoetra amin’izao. Ary ataoko fa manana ny Fanahin’Andriamanitra koa aho.

Galatiana 1:11

Ampahafantariko anareo, ry havana, fa ny Vaovao Mahafaly notorîko taminareo dia tsy zavatra novolavolain’olombelona.

1Tesaloniana 2:13

Izao koa no mahatonga anay ho velom-pisaorana tsy tapaka an’Andriamanitra: rehefa nandray ny tenin’Andriamanitra notorînay ianareo, dia tsy noraisinareo ho tenin’olombelona izany, fa noraisinareo ho tenin’Andriamanitra, araka ny tena izy, ary dia miasa ao aminareo izay mino.

1Tesaloniana 4:8

Koa izay mandà izany fampianarana izany, dia tsy olona no laviny fa Andriamanitra Izay manome anareo ny Fanahiny Masina.