Josoa 4:6 - Baiboly Protestanta Malagasy

⁶ mba ho famantarana eo aminareo izany, raha manontany ny zanakareo amin’ny andro ho avy manao hoe: Inona no ataonareo ho anton’ireo vato ireo?

Baiboly Protestanta Malagasy 2011

⁶ mba ho famantarana eo aminareo izany. Raha manontany ny zanakareo amin’ny andro ho avy hoe: Inona no anton’ireo vato ireo aminareo?

DIEM PROTESTANTA

⁶ Ireo vato ireo dia ho famantarana eo anivonareo; koa any aoriana any ianareo, rehefa hanontanian’ny zanakareo ny anton’ireo vato,

Dikateny Iombonana Eto Madagasikara

⁶ Ireo vato ireo dia ho famantarana eo anivonareo; koa any aoriana any ianareo, rehefa hanontanian’ny zanakareo ny anton’ireo vato,

Baiboly Katolika

⁶ mba ho famantarana eo afovoanareo izany. Raha manontany anareo ny zanakareo indray andro any, manao hoe: Inona, hoy ianareo, no hevitr’ireo vato ireo?

Malagasy Bible

⁶ mba ho famantarana eo aminareo izany, raha manontany ny zanakareo amin'ny andro ho avy manao hoe: Inona no ataonareo ho anton'ireo vato ireo?

Josoa 4:6 Rohy Ifampitohizana

Salamo 44:1

Ho an’ny mpiventy hira. Nataon’ny Koraïta. Maskila. NY sofinay no nandrenesanay, Andriamanitra ô, Ny razanay nilaza taminay Ny asa nataonao tamin’ny androny, dia tamin’ny andro fahiny.

Salamo 71:18

Koa mandra-pahantitro sy fotsy volo, dia aza mahafoy ahy, Andriamanitra ô, Mandra-pilazako ny sandrinao amin’ny taranaka Sy ny asanao lehibe amin’izay rehetra mbola ho avy.

Eksodosy 12:14

Ary izany andro izany dia ho fahatsiarovana ho anareo ka hotandremanareo ho andro firavoravoana ho an’i Jehovah; hatramin’ny taranakareo fara mandimby no hitandremanareo izany ho andro firavoravoana, ho lalàna mandrakizay.

Eksodosy 13:14

Ary raha hanontany anao ny zanakao amin’ny andro ho avy ka hanao hoe: Inona no anton’izao? dia holazainao aminy hoe: Tànana mahery no nitondran’i Jehovah antsika nivoaka avy tany Egypta, tamin’ny trano nahandevozana;

Eksodosy 13:9

Dia ho famantarana ho anao eo amin’ny tànanao ary ho fampahatsiarovana eo ambonin’ny handrinao izany, mba ho ao am-bavanao ny lalàn’i Jehovah: fa tànana mahery no nitondran’i Jehovah anao nivoaka avy tany Egypta.

Eksodosy 31:13

Ary dia milazà amin’ny Zanak’Isiraely hianao hoe: Ny Sabatako no tandremo; fa famantarana ho amiko, sy ho aminareo hatramin’ny taranakareo fara mandimby izany, mba ho fantatrareo fa Izaho no Jehovah Izay manamasina anareo.

Isaia 38:19

Ny velona dia ny velona ihany no hidera Anao, tahaka izao izaho anio izao; Ny ray hampahalala ny zanany ny fahamarinanao.

Isaia 55:13

Ny hazo kypreso haniry ho solon’ny tsilo, Ary ny rotra ho solon’ny sampivato; Ary ho anarana ho an’i Jehovah izany, Dia ho famantarana mandrakizay izay tsy hesorina.

Ezekiela 20:12

Ary nomeko azy koa ny Sabatako ho famantarana ho amiko sy ho aminy, mba ho fantany fa Izaho Jehovah no manamasina azy.

Ezekiela 20:20

Ary manamasìna sy Sabatako, mba ho famantarana ho amiko sy ho aminareo, ka dia ho fantatrareo fa Izaho no Jehovah Andriamanitrareo.

Asan’ny Apostoly 2:39

fa ny teny fikasana dia ho anareo sy ny zanakareo ary ho an’izay rehetra lavitra, na iza na iza hantsoin’i Jehovah Andriamanitsika hanatona Azy.

Deoteronomia 11:19

ary ampianaro ny zanakareo izany, ka resaho, na mipetraka ao an-tranonao hianao, na mandeha eny an-dàlana, na mandry, na mifoha;

Josoa 22:27

fa mba ho vavolombelona ho amintsika sy ny taranatsika mandimby antsika, hanaovanay ny fanompoana an’i Jehovah eo anatrehany amin’ny hanaterana fanatitra odorana sy fanatitra hafa alatsa-dra ary fanati-pihavanana mba tsy holazain’ny taranakareo amin’ny taranakay rahatrizay hoe: Tsy manana anjara amin’i Jehovah hianareo.

Josoa 4:21

Dia niteny tamin’ny Zanak’Isiraely izy ka nanao hoe: Raha manontany ny rainy ny taranakareo any amin’ny andro ho avy hoe: Inona no anton’ireo vato ireo?

Josoa 4:5

ary hoy izy taminy: Mandehana eo alohan’ny fiaran’i Jehovah Andriamanitrareo ho eo afovoan’i Jordana, ka samia manainga vato iray avy ho eny an-tsorony hianareo rehetra, araka ny isan’ny firenen’ny Zanak’Isiraely,