Jeremia 38:20 - Baiboly Katolika

²⁰ Fa hoy ny navalin’i Jeremia: «Tsy hanolotra anao ny olona; mba henoy re ny feon’i Iaveh amin’izay ambarako aminao, dia hahita soa amin’izay ianao ary ho voavonjy ny ainao.

Baiboly Protestanta Malagasy 2011

²⁰ Hoy anefa i Jeremia: Tsy hanolotra anao izy tsy akory. Trara antitra ianao, ankatoavy ny tenin’NY TOMPO, izay lazaiko aminao, mba hahita soa ianao ka ho velona ny ainao.

DIEM PROTESTANTA

²⁰ Fa hoy i Jeremià taminy: –Tsia, tsy hisy hanolotra anao aminy fa ankatoavy ny tenin’ny TOMPO izay lazaiko aminao, dia ho tsara aminao ny toe-javatra ary ho velona ny ainao.

Dikateny Iombonana Eto Madagasikara

²⁰ Fa hoy i Jeremià taminy: –Tsia, tsy hisy hanolotra anao aminy fa ankatoavy ny tenin’ny TOMPO izay lazaiko aminao, dia ho tsara aminao ny toe-javatra ary ho velona ny ainao.

Baiboly Protestanta Malagasy

²⁰ Fa hoy Jeremia: Tsy hanolotra anao izy tsy akory. Trarantitra hianao, ankatoavy ny tenin’i Jehovah, izay lazaiko aminao, mba hahita soa hianao, ka ho velona ny ainao.

Malagasy Bible

²⁰ Fa hoy Jeremia: Tsy hanolotra anao izy tsy akory. Trarantitra ianao, ankatoavy ny tenin'i Jehovah, izay lazaiko aminao, mba hahita soa ianao, ka ho velona ny ainao.

Jeremia 38:20 Rohy Ifampitohizana

Genesisy 12:13

Koa lazao fa anabaviko ianao, ka ianao no handraisany ahy tsara ary ianao no hamelany ahy ho velona.»

Genesisy 19:20

Jereo fa misy tanàna akaiky hialofako itsy, sady tanàna kely foana, ka aoka re mba ho ao aho no handositra, fa kely rahateo io, dia ho velona aho.»

2Tantara 20:20

Nony ampitso, nifoha maraina koa izy ireo, dia niainga nankany an’efitr’i Tekôe. Ilay lasa iny izy, dia nitsangana teo i Jôsafata, ka nanao hoe: «Mihainoa ahy, ry Jodà, sy ianareo mponina ao Jerosalema! Matokia an’i Iaveh Andriamanitrareo, dia tsy ho voahozongozona ianareo, ary matokia ny mpaminaniny, dia hoambinina ianareo.»

Ohabolana 4:4

Dia notoroany sy nataony hoe: «Aoka ny fonao hitana ny teniko; tandremo ny didiko dia ho velona ianao.

Ohabolana 7:2

Tandremo ny didiko, dia ho velona ianao, tandremo hoatra ny anakandriamasonao ny fampianarako.

Isaia 55:3

Atongilano ny sofinareo, ka mankanesa atỳ amiko; mihainoa ka aoka ho velona ny fanahinareo. Ary hanao fanekena mandrakizay aminareo Aho, ka hanome anareo ny fahasoavana nampanantenaina an’i Davida.

Jeremia 11:4

izay nandidiako ny razanareo, tamin’ny andro nitondrako azy nivoaka avy any amin’ny tany Ejipta, avy any amin’ny memim-by, nanaovako taminy hoe: Henoy ny feoko ary ataovy izany zavatra izany, araka izay rehetra andidiako anareo, dia ianareo ho oloko, ary izaho ho Andriamanitrareo;

Jeremia 11:8

Kanefa izy ireo tsy nihaino na nanongilan-tsofina; fa samy nandeha nanaraka ny ditran’ny fo ratsiny; ka dia notanterahiko taminy ny teny rehetra amin’ity fanekena ity, izay nandidiako azy hotandremany; nefa tsy notandremany.»

Jeremia 26:13

Koa ankehitriny, ahitsio ny lalanareo sy ny ataonareo; ary mihainoa ny feon’i Iaveh Andriamanitrareo, dia hanenenan’i Iaveh ny loza nolazainy hamelezana anareo.

Jeremia 38:21

Fa raha mandà tsy hivoaka ianao dia izao no nambaran’i Iaveh tamiko:

Jeremia 7:23

Fa ny amin’ny didy nomeko azy ireo, dia izao no nolazaiko taminy: Mihainoa ny feoko; ary Izaho no Andriamanitrareo, ary ianareo no vahoakako; mizora amin’ny lalana rehetra handidiako anareo, mba ho sambatra ianareo.»

Amosa 5:4

Fa izao lazain’i Iaveh, amin’ny taranak’i Israely: Tadiavo Aho, dia velomy ianareo.

Amosa 5:6

Tadiavo i Iaveh, dia velomy ianareo, fandrao milatsaka, toy ny afo, amin’ny taranak’i Josefa izy, ka handevona azy, nefa tsy hanana olona handevona izany, i Betela.

Asan’ny Apostoly 26:29

Na kely sisa na be, hoy i Paoly, dia mangataka amin’Andriamanitra aho, mba ho tonga toa ahy avokoa ianao sy izay rehetra mihaino ahy eto ankehitriny, afa-tsy amin’ireto fatorana ireto.

2Korintiana 5:11

Koa noho ny fanananay fahatahorana ny Tompo no itadiavanay hampiaiky ny olona; fa Andriamanitra moa dia mahalala anay mazava, ary ianareo koa dia ataoko fa mahalala anay ao amin’ny kônsiansinareo.

2Korintiana 5:20

Koa sady solon’i Kristy àry izahay no irak’Andriamanitra koa, ka tahaka an’Andriamanitra no mananatra, sy toy ny Tenan’i Kristy no mihanta aminareo hoe: Mihavàna re amin’Andriamanitra ianareo!

2Korintiana 6:1

Ka noho izahay mpiara-miasa aminy àry dia mihanta aminareo izahay mba tsy handray foana ny fahasoavan’Andriamanitra ianareo;

Jakoba 1:22

Aza mamita-tena amin’ny hevi-poana anefa, fa miezaha ho mpanatanteraka ny teny, fa tsy ho mpihaino fotsiny,