Jaona 7:1 - Baiboly Katolika

¹ Taorian’izany dia nitety an’i Galilea i Jesoa fa tsy nety nankany Jodea, satria nitady hahafaty Azy ny Jody.

Baiboly Protestanta Malagasy 2011

¹ Taorianan’izay dia nitety tany Galilia Jesosy; fa tsy te hitety an’i Jodia Izy satria nitady hahafaty Azy ny Jiosy.

DIEM PROTESTANTA

¹ Taorian’izany i Jesoa dia nitety an’i Galilea fa tsy te hitety an’i Jodea, satria notadiavin’ny manampahefana jiosy hovonoina.

Dikateny Iombonana Eto Madagasikara

¹ Taorian’izany i Jesoa dia nitety an’i Galilea fa tsy te hitety an’i Jodea, satria notadiavin’ny manampahefana jiosy hovonoina.

Baiboly Protestanta Malagasy

¹ ARY rehefa afaka izany, dia nandeha tany Galilia Jesosy; fa nalain-kandeha tany Jodia Izy, satria nitady hahafaty Azy ny Jiosy.

Malagasy Bible

¹ Ary rehefa afaka izany, dia nandeha tany Galilia Jesosy; fa nalain-kandeha tany Jodia Izy, satria nitady hahafaty Azy ny Jiosy.

Jaona 7:1 Rohy Ifampitohizana

Matio 10:23

Raha enjehina amin’ny tanàna anankiray ianareo, dia mandosira any amin’ny hafa; fa lazaiko aminareo marina tokoa fa tsy hahatety ny tanànan’i Israely ianareo mandra-pahatongan’ny Zanak’olona.

Matio 21:38

Kanjo nony hitan’ireo mpiasa ilay zanany lahy, dia nifampilaza izy ireo hoe: ‹Ity ny mpandova; andeha hovonointsika ity, dia ho lasantsika ny lovany›

Marka 11:18

Nony nahare izany ny lohandohan’ny mpisorona sy ny mpanora-dalàna dia nitady izay hahafaty Azy; saingy natahotra Azy izy ireo satria nigagan’ny vahoaka rehetra ny fampianarany.

Jaona 1:19

Ary izao no nambaran’i Joany raha naniraka mpisorona sy Levita, avy tany Jerosalema, hankany aminy ny Jody mba hanontany Azy hoe: Iza moa Ianao?

Jaona 4:3

dia niala tany Jodea Izy ka nankany Galilea indray.

Jaona 4:54

Izany no fahagagana faharoa nataon’i Jesoa, rehefa tonga tany Galilea avy tany Jodea Izy.

Jaona 6:1

Nony afaka izany dia lasa nankany an-dafin’ny ranomasin’i Galilea, na ny farihin’i Tiberiady i Jesoa,

Jaona 7:11

Koa nitady Azy ny Jody tamin’ny andro fety nanao hoe: «Aiza Izy?»

Jaona 7:13

Nefa tsy nisy sahy niresaka Azy ampahibemaso noho ny fahatahorany ny Jody

Jaona 7:19

Moa tsy nomen’i Môizy ny Lalàna va ianareo? nefa tsy misy aminareo mahatanteraka ny Lalàna.

Jaona 7:25

Tamin’izay, dia nisy mponina sasany tao Jerosalema nanao hoe: «Moa tsy Izy io Ilay tadiavin-dry zareo hovonoina?

Jaona 7:35

Dia nifampilaza hoe ny Jody: «Aiza àry no halehany no tsy ho hitantsika Izy? Ho any amin’izay miely any amin’ny Jentily va re Izy, ka hampianatra ny Jentily?

Jaona 8:37

Fantatro ihany fa taranak’i Abrahama ianareo, nefa mitady hamono Ahy ianareo, satria tsy tafalatsaka ao am-ponareo ny teniko.

Jaona 8:40

Nefa mitady hamono Ahy ianareo ankehitriny, dia Izaho izay nilaza taminareo ny marina reko tamin’Andriamanitra: tsy asan’i Abrahama izany.

Asan’ny Apostoly 10:38

dia ny amin’i Jesoa avy any Nazareta, izay nohosoran’Andriamanitra tamin’ny Fanahy Masina sy ny heriny, ka nandeha nanao soa hatraiza hatraiza nahasitrana izay rehetra azon’ny devoly, satria nomba Azy Andriamanitra.