Genesisy 31:49 - Baiboly Katolika

⁴⁹ dia atao hoe Mitsipà koa no anarany, satria hoy i Labàna: «I Iaveh hanao andry maso ahy sy ianao, rehefa tafasaraka tsy mifankahita isika.

Baiboly Protestanta Malagasy 2011

⁴⁹ Nataony hoe Mizpa koa izy, fa hoy izy: NY TOMPO no hitazana ahy sy ianao rehefa tsy mifankahita isika.

DIEM PROTESTANTA

⁴⁹ Nantsoina koa hoe Mitsepà, na toerana fanaraha-maso, satria i Labàna efa nilaza hoe: –Aoka ny TOMPO hanara-maso ahy sy ianao, rehefa tsy mifankahita isika!

Dikateny Iombonana Eto Madagasikara

⁴⁹ Nantsoina koa hoe Mitsepà, na toerana fanaraha-maso, satria i Labàna efa nilaza hoe: –Aoka ny TOMPO hanara-maso ahy sy ianao, rehefa tsy mifankahita isika!

Baiboly Protestanta Malagasy

⁴⁹ Ary nataony hoe Mizpa koa izy; fa hoy izy: Jehovah hitazana ahy sy hianao, rehefa tsy mifankahita isika.

Malagasy Bible

⁴⁹ Ary nataony hoe Mizpa koa izy, fa hoy izy: Jehovah hitazana ahy sy ianao, rehefa tsy mifankahita isika.

Genesisy 31:49 Rohy Ifampitohizana

1Mpanjaka 15:22

Ary nasain’i Asà nantsoina avokoa i Jodà rehetra, tsy nisy nataony afaka na iray aza, dia nentiny ny vato aman-kazo nanamboaran’i Baasà an’i Ramà, ka izany no nanorenany an’i Gabaàn’i Benjamina sy i Masfà.

Hosea 5:1

Mandrenesa izao, ry mpisorona; mihainoa tsara, ry taranak’i Israely; manongilàna sofina, ry taranaky ny mpanjaka; fa ianareo no hamoahana ny teny fitsarana, satria ianareo no efa fandrika tao Masfà sy fandrika harato voavelatra ao ambonin’i Tabôra.

Mpitsara 10:17

Nivory ny taranak’i Amôna sy nitoby tao Balaada, ary ny zanak’i Israely kosa niangona nitoby tany Masfà.

Mpitsara 11:11

Dia nandeha niaraka tamin’ny loholon’i Galaada i Jefte. Natsangan’ny vahoaka ho filohany sy ho jeneraliny izy, ary naverin’i Jefte teo anatrehan’i Iaveh tany Masfà indray ny teniny rehetra.

Mpitsara 11:29

Dia tonga tamin’i Jefte ny Fanahin’i Iaveh, ka nandeha namaky an’i Galaada sy i Manase izy, ary tonga hatrany Masfà, any Galaada: ary avy ao Masfà dia nandroso hamely ny taranak’i Amôna.

1Samoela 20:23

Ary ny amin’ny teny nifanaovantsika izaho sy ianao dia indro fa anelanelako izaho sy ianao, mandrakizay, i Iaveh».