Ezra 8:22 - Baiboly Katolika

²² Fa nahamenatra ahy ny hangataka miaramila manatitra ama-mpitaingin-tsoavaly, tamin’ny mpanjaka, hiaro anay amin’ny fahavalo eny an-dalana, noho izahay efa niteny tamin’ny mpanjaka nanao hoe: «Momba an’izay rehetra mitady azy ny tanan’Andriamanitra, hahasoa azy ireo, fa mahatratra an’izay rehetra mahafoy Azy kosa ny heriny sy ny fahatezerany.»

Baiboly Protestanta Malagasy 2011

²² Fa nahamenatra ahy ny hangataka miaramila sy mpitaingin-tsoavaly amin’ny mpanjaka hiaro anay amin’ny fahavalonay eny an-dalana, satria efa niteny tamin’ny mpanjaka izahay hoe: Mahasoa izay rehetra mitady Azy ny tanan’Andriamanitray; fa ny heriny sy ny fahatezerany kosa dia mamely izay rehetra mahafoy Azy.

DIEM PROTESTANTA

²² Fa nahamenatra ahy ny hangataka miaramila sy mpitaingin-tsoavaly amin’ny amperôra mba hiaro anay amin’ny fahavalonay eny an-dalana; fa efa nilaza taminy manko izahay hoe: «Momba izay rehetra mitady Azy ny fiarovan’Andriamanitray, fa ny fahatezerany kosa hamely mafy izay rehetra mahafoy Azy».

Dikateny Iombonana Eto Madagasikara

²² Fa nahamenatra ahy ny hangataka miaramila sy mpitaingin-tsoavaly amin’ny amperôra mba hiaro anay amin’ny fahavalonay eny an-dalana; fa efa nilaza taminy manko izahay hoe: «Momba izay rehetra mitady Azy ny fiarovan’Andriamanitray, fa ny fahatezerany kosa hamely mafy izay rehetra mahafoy Azy».

Baiboly Protestanta Malagasy

²² Fa nahamenatra ahy ny hangataka miaramila sy mpitaingin-tsoavaly amin’ny mpanjaka hiaro anay amin’ny fahavalonay eny an-dàlana, satria efa niteny tamin’ny mpanjaka izahay ka nanao hoe: Ny tànan’Andriamanitray mahasoa izay rehetra mitady Azy; fa ny heriny sy ny fahatezerany kosa mamely izay rehetra mahafoy Azy.

Malagasy Bible

²² Fa nahamenatra ahy ny hangataka miaramila sy mpitaingin-tsoavaly amin'ny mpanjaka hiaro anay amin'ny fahavalonay eny an-dalana, satria efa niteny tamin'ny mpanjaka izahay ka nanao hoe: Sy tànan'Andriamanitray mahasoa izay rehetra mitady Azy; fa ny heriny sy ny fahatezerany kosa mamely izay rehetra mahafoy Azy.

Ezra 8:22 Rohy Ifampitohizana

1Tantara 28:9

Ary ianao, ry Salômôna, zanako, mahalalà ny Andriamanitry ny rainao, ka manompoa Azy amin’ny fo mazava sy amin’ny fanahy mazoto, fa i Iaveh dia mandinika ny fo rehetra sy maninteraka ny hevitry ny saina rehetra. Raha mitady Azy ianao, dia hety ho hitanao Izy; fa raha mandao Azy kosa ianao, dia hariany mandrakizay.

2Tantara 15:2

ka nandeha nitsena an’i Asà izy, sy nilaza taminy hoe: «Mihainoa ahy, ry Asà, mbaminareo Jodà sy Benjamina rehetra. Momba anareo i Iaveh raha momba azy ianareo; raha mitady Azy ianareo, dia hety ho hitanareo Izy, fa raha mahafoy Azy kosa ianareo, dia mba hahafoy anareo koa Izy.

2Tantara 16:9

Fa mitetitety ny tany rehetra ny mason’i Iaveh mba hanohanany an’izay miraiki-po aminy tokoa. Ka nanao toy ny adala ianao tamin’io raharaha io, fa amin’ny sisa dia hanana ady ianao.»

Ezra 7:28

sy nampahita fitia ahy teo anatrehan’ny mpanjaka sy ny mpanolo-tsaina ary ny manam-pahefana ambony rehetra ao amin’ny mpanjaka. Koa nahazo hery aho fa nomba ahy ny tanan’i Iaveh Andriamanitro, ka nanangona ny loholona amin’i Israely hiara-miainga amiko.»

Ezra 7:6

niakatra avy any Babilôna io Esdrasa io. Ary satria nomba azy ny tanan’i Iaveh Andriamaniny, dia nomen’ny mpanjaka azy avokoa izay rehetra nangatahiny.

Ezra 7:9

Tamin’ny andro voalohan’ny volana voalohany izy no niainga hiakatra niala tany Babilôna ary tamin’ny andro voalohan’ny volana fahadimy no nahatongavany tao Jerosalema, nomban’ny tanan’ny Andriamaniny manisy soa.

Ezra 8:31

Niala teo amin’ny ony Ahavà, tamin’ny andro faha-12n’ny volana voalohany izahay, ho any Jerosalema. Nomba anay ny tanan’ny Andriamanitray, ka namonjy anay tamin’ny tanan’ny fahavalo sy ny mpanotrika teny an-dalana.

Nehemia 2:9

Dia lasa ho any amin’ireo governora any an-dafin’ny ony aho ka natolotro azy, ireo taratasin’ny mpanjaka, ary nisy manamboninahitra ama-mpitaingin-tsoavaly koa, nalefan’ny mpanjaka hiaraka amiko.

Salamo 20:8

Ny sasany mitoky amin’ny kalesiny; ny sasany amin’ny soavaliny; fa isika kosa miantso ny Anaran’i Iaveh Andriamanitsika.

Salamo 34:22

Ny ratsy no mahafaty ny ratsy fanahy; ary sazina ny mpankahala ny olo-marina.

Salamo 90:11

Zovy no mahafantatra ny herin’ny fahatezeranao, ary ny fahaviniranao, araka ny fahatahorana mendrika hatao Anao?

Fitomaniana 3:25

Tsara fo i Iaveh amin’izay manantena Azy, amin’ny fanahy mitady Azy.

Romana 8:28

Fantatsika koa fa ny zavatra rehetra dia entin’Andriamanitra hahasoa izay tia Azy, dia ireo efa voaantso araka ny fandaharany.

1Korintiana 9:15

Izaho anefa dia sady tsy nampiasa izany fahefana izany no tsy nanoratra ity ho toy ny hitaky izany hatao amiko. Aleoko maty, toy izay ny voninahitro amin’izany no hofoanan’olona.

2Korintiana 7:14

Ary na mba nirehareha ny aminareo eo anatrehan’i Tito koa aza aho, dia tsy nahamenatra ahy izany, satria noho izahay samy nilaza ny marina taminareo mandrakariva, dia marina ny reharehako ny aminareo tamin’i Tito.

Hebreo 10:38

Ary ny oloko marina ho velona amin’ny finoana, fa izay mihataka kosa tsy mba ankasitrahin’ny foko.

Josoa 22:16

«Izao no lazain’ny fiangonan’i Iaveh rehetra: ‹Inona izato fahotana nataonareo tamin’ny Andriamanitr’i Israely, fa niala tamin’i Iaveh androany ianareo, tamin’ny nanorenanareo ôtely hiodinanareo amin’i Iaveh androany?›

Josoa 23:16

Raha mandika ny faneken’i Iaveh Andriamanitrareo izay nandidiany anareo ianareo ka mandeha manompo andriamani-kafa sy miankohoka eo anoloan’ireny dia hirehitra aminareo ny fahatezeran’i Iaveh, ka vetivety dia ho lany ringana tsy ho eo amin’ny tany soa nomeny anareo ianareo.

1Petera 3:12

Fa eo amin’ny olo-marina ny mason’ny Tompo, ary ho amin’ny fitarainany ny sofiny; fa eo amin’ny mpanao ratsy kosa ny Tavan’ny Tompo.