Ezra 7:15 - Baiboly Katolika

¹⁵ sy hitondra ny volafotsy amana volamena nomen’ny mpanjaka sy ireo mpanolo-tsainy, an-tsitrapo, ho an’ny Andriamanitr’i Israely, izay manana ny fonenany ao Jerosalema;

Baiboly Protestanta Malagasy 2011

¹⁵ ary ianao dia hitondra ny volafotsy sy ny volamena izay efa natolotry ny mpanjaka sy ireo mpanolotsaina an-tsitrapo ho an’Andriamanitry ny Israely, izay monina any Jerosalema;

DIEM PROTESTANTA

¹⁵ Irahinay koa ianao hitondra ny volafotsy sy volamena izay efa sitrako sy sitrak’ireo mpanolotsaiko nomena ho an’Ilay Andriamanitr’i Israely Izay ao Jerosalema no fonenany;

Dikateny Iombonana Eto Madagasikara

¹⁵ Irahinay koa ianao hitondra ny volafotsy sy volamena izay efa sitrako sy sitrak’ireo mpanolotsaiko nomena ho an’Ilay Andriamanitr’i Israely Izay ao Jerosalema no fonenany;

Baiboly Protestanta Malagasy

¹⁵ ary hitondra ny volafotsy sy ny volamena izay efa naterin’ny mpanjaka sy ireo mpanolo-tsaina tamin’ny sitrapo ho an’Andriamanitry ny Isiraely, Izay monina any Jerosalema;

Malagasy Bible

¹⁵ ary hitondra ny volafotsy sy ny volamena izay efa naterin'ny mpanjaka sy ireo mpanolo-tsaina tamin'ny sitrapo ho an'Andriamanitry ny Isiraely, Izay monina any Jerosalema;

Ezra 7:15 Rohy Ifampitohizana

1Tantara 29:6

Dia nanolotra fanatitra an-tsitrapo ny loham-pianakaviana, ny loham-pokon’i Israely, ny tomponarivo, ny tompon-jato ary ny tonian-draharahan’ny mpanjaka.

2Tantara 2:6

Koa ankehitriny aho aniraho lehilahy anankiray miasa volamena amam-bolafotsy, sy varahina amam-by, jaky mena, lamba mena antitra sy jaky, ary mahay sarin-javatra sokirina, hiara-miasa amin’ireo olona mahay zavatra izay atỳ amiko atỳ Jodà sy Jerosalema, efa nomanin’i Davida raiko.

2Tantara 32:23

Maro ny olona nitondra fanatitra ho an’i Iaveh tany Jerosalema ary fanomezana sarobidy ho an’i Ezekiasa mpanjakan’i Jodà, izay tonga voasandratra teo imason’ny firenena rehetra hatramin’izay.

2Tantara 6:2

Ary nanao trano aho, ka ho fonenanao izy, ary toerana mba hitoeranao mandrakizay.»

2Tantara 6:6

fa i Jerosalema no nofidiko hitoeran’ny Anarako, ary i Davida no nofidiko hanjaka amin’i Israely vahoakako.

Ezra 1:6

Samy nanampy azy ireo avokoa ny olona nifanakaiky taminy, tamin’ny fanaka volafotsy, volamena, fanaka hafa, biby fiompy ary zavatra sarobidy, mbamin’ny fanomezana an-tsitrapo rehetra.

Ezra 6:12

Ary ilay Andriamanitra izay mampitoetra ny Anarany ao anie hanongana ny andriana amam-bahoaka izay haninji-tanana hanova izao didy izao sy handrava izany tranon’Andriamanitra any Jerosalema izany. Didy nomeko izaho Dariosa, ity; ka tsy maintsy toavina an-tsakany sy an-davany.

Ezra 6:4

ka hatao vato vaventy voapaika telo andalana sy hazo iray andalana; ary haloa avy ao an-tranon’ny mpanjaka izay lany aminy.

Ezra 7:14

Fa irahin’ny mpanjaka sy izy fito lahy mpanolo-tsaina ianao, mba handinika ny toetr’i Jodà sy i Jerosalema araka ny lalàn’ny Andriamanitrao izay eo an-tananao;

Ezra 8:25

ka nolanjaiko teo anatrehan’izy ireo ny volafotsy, ny volamena sy ny fanaka, zavatra naterin’ny mpanjaka sy ny mpanolo-tsaina aman-dehibe ary ny olon-drehetra amin’i Israely vory teo, natokany ho an’ny tranon’Andriamanitra,

Salamo 135:21

Hisaorana avy ao Siôna anie i Iaveh, izay mitoetra ao Jerosalema! Aleloia!

Salamo 26:8

Tiako ny mitoetra ao an-tranonao, ry Iaveh ô, dia ny fitoerana ipetrahan’ny voninahitrao.

Salamo 72:10

Handoa hetra ny mpanjakan’i Tarsisa sy ny nosy; hanolotra fanatitra ny mpanjakan’i Sabà sy Merôe;

Salamo 76:11

Ka dia hody voninahitra ny fisafoaky ny olombelona, sy ny sisam-pahatezerany.

Salamo 76:2

Nilaza tena teo amin’i Jodà Andriamanitra, malaza eo amin’i Israely ny Anarany.

Salamo 9:11

Ianao no itokian’izay mahalala ny Anaranao fa tsy mandao izay mitady Anao Ianao, ry Iaveh.